احببتها ولكن ....(الحب اقوي من الاعاقه )

تحقيقات

البارت الرابع

لسه هيمشي خالد فا بيلاقي الممرضات والدكاتره بتجري علي اوضه زياد

بيرجع خالد ويقف جنب مريم وهو بيتنفس بسرعه ومتعصب

بتبقي مريم مبرقه جدا وخايفه

بيطلع الدكتور من اوضه زياد ويبص لمريم

مريم - في اي يا دكتور

الدكتور - مخبيش عليكم الحاله صعبه جدا
وللاسف مفيش امل
الشظايا بتاعت الطلقه تقريبا شوهت القلب
احنا دلوقت هننقله الانعاش
ادعوله
بعد ازنكم

بتسمع مريم كلام الدكتور وتنهار من العياط

وبيسمع خالد كلام الدكتور بيزعل جدا ومش بيبقي عارف يعمل اي

خالد - انسه مريم ممكن سؤال بعد ازنك

مريم بدموع - اتفضل

خالد - هل تم الاعتداء عليكي فعلا وفقدتي عزريتك

مريم - لا هو انقذني منهم

خالد - انتي تعرفيه

مريم - لا والله

خالد - طيب الميكروباص بتاعه ولا متعرفيش

مريم - معرفش والله

خالد - عمتا احنا هشوف الرخص بتاعته واكيد هنعرف مين اهله
بعد ازنك

بيمشي خالد وهو حزين جدا من جواه

بيبقي خالد ماشي وفي ودنه كلام الدكتور
وكلام مساعد وزير الداخلية

بيركب خالد عربيته ويرن علي عصام

عصام - اتفضل يا خالد بيه

خالد - شوف الميكروباص وحاول تعرفلي مين الشخص دا واسمه اي ولا منين

عصام - تمام يا فندم

بيقفل خالد مع عصام وهو مدايق ومش عارف يعمل اي

خالد لنفسه - اي يا خالد هتعمل اي
هتطلع العيال دي وتعارض ضميرك
ولا هتسيبهم وتعارض مساعد وزير الداخلية

بيقعد خالد يفكر كتير وبيقطع تفكره صوت تلفونه بيرن

خالد - ايوه يا حبيبتي
انا لسه هرجع القسم تاني 
ماشي تعالي هستناكي في القسم
سلام

بيقفل خالد مع مراته وبيقعد يفكر اكتر واكتر وبيبقي محتار يعمل اي

بيرن عصام علي خالد

خالد - اي يا عصام

عصام - اسمه زياد احمد
و الميكروباص مكتوب باسم ابوه

خالد - ماشي يا عصام
المتهمين فبن

عصام - محجوزين يا فندم

خالد - تمام انا جاي علي القسم
حصلني علي هناك

عصام - حاضر يا فندم