احببتها ولكن ....(الحب اقوي من الاعاقه )

حياه مريم

البارت التاني

في يوم من الايام بيطلع زياد بالعربيه ويخلص شغل بالليل متاخر

بيبقي سايق زياد في مكان مقطوع فا بيسمع صوت وحده بتصوت وتقول الحقوني

بيقف زياد بالعربيه وبينزل يحاول يسمع الصوت تاني

بيختفي الصوت

بيرجع زياد يركب العربيه وليه هيمشي

وفجاه بتظهر قدامه بنت مش طبيعية

زياد بصدمه - انتي مين

من 18 سنه في مكان تاني خالص

الدكتور - للاسف يا اسامه بيه
الجنين عنده تشوهات
ولازم ينزل

اسامه - ينزل اي يا دكتور احنا ما صدقنا

الدكتور - حضرتك المدام حامل علي سن كبير
والجنين هيطلع عنده اعاقه كده
وكمان في خطر علي المدام

اسامه - في داهيه المدام
انا عايز حد يشيل اسمي يا دكتور
الكلام اللي قولتهولي دا ميطلعش لحد
ولا حتي المدام بتاعتي
انت فاهم

الدكتور - بس يا اسامه بيه ...

اسامه - مفيش بس
خد دا شيك ب20 الف
ومحدش يعرف حاجه

اسامه رجع اعمال كبير

ومن عائله كبيره ومعروف وعنده فلوس كتيييره جدا

بقاله فتره كبيره متجوز وربنا ماردش انهم يخلفو عيال

بعد 9 شهور

بييجي ميعاد ولاده مرات اسامه

بتولد بنت

الدكتور - الف مبروك يا اسامه بيه
المدام جابت بنت زي القمر

اسامه - بنت
هسميها مريم

بعد سنه -

الدكتور - للاسف اللي كنت خايف منه وقت الحمل حصل
الطفله للاسف هيطلع عندها اعاقه في رجلها اليمين ودراعها اليمين
وباين جدا من نموهم

اسامه + يعني اي يا دكتور
مفيش حل

الدكتور - للاسف دي مشكله في النمو نفسه
والطب بيقف عاجز قدام حاله بنام

بيطلع اسامه من عند الدكتور وهو زعلان

اسامه - يعني يارب مرزقتنيش بعيال في اول جوازي
ورضيت
كنت عايز اخلف ولد يشيل اسمي وطلعت بنت
ورضيت
انما كمان تبقي معاقه واتعاير بيها
ليه كده بس

بيرجع اسامه الفيلا ويبص لمراته اللي شايله مريم

ام مريم - في اي يا اسامه
الدكتور قالك اي

اسامه - احنا لازم نخلص من البت دي

ام مريم - يا مصيبتي
نتخلص منها ازاي يعني
انت بتقول اي