CHOICE ME (Completed)

Part-31

[Unicode]

" ဘာလုပ်ဖို့လဲ ? "

တွန်းလှည်းဖြင့် ပစ္စည်းတွေ ၊ အရုပ်တွေ မုန့်တွေ အချိုရည်တွေ ကို တွန်းပြီးလိုက်လာရင်း ရှေ့ကသွားပြီး ပစ္စည်းတွေကို တစ်ခုချင်းထည့်နေတဲ့ သူ့ကို မေး၏ ။

ကျန့်ဟာ တကယ် စိတ်ရှုတ်နေဟန် ကြောက်စရာကောင်းအောင် မျက်မှောင်ကုတ်ထား၏ ။ ဘေးဘီကိုကြည့်လိုက်တော့  ခပ်ချောချောကောင်လေးနှစ်ယောက် ဈေးဝယ်ထွက်လာကြသည်ကို မမြင်ဖူးသလို ကြည့်နေကြသည် ။

" ကလေးတွေ အတွက်  "

" ဘယ်က ကလေးတွေလဲ ? "

အနည်းငယ် မျက်မှောင်ကုတ် ကာမေး၏။

"  မင်း ရဲ့ ကလေးတွေ "

နှုတ်ခမ်းတွေ ပွင့်ဟလို့ မျက်လုံးလေးတွေ ကလယ်ကလယ်ဖြင့် အံ့သြနေတာများ လူကြားထဲမှာပဲ ဝမ်ရိပေါ်တစ်ယောက် ကျန့်ကို ဆွဲနမ်းလိုက်ချင်တော့သည်။

" စတာ စတာ . . . မင်းအကြောင်းသိတဲ့ ကလေးတွေ ၊ မင်းကို ပြန်တွေ့ရင် ခေါ်လာခဲ့မယ်လို့ သူတို့ကို ကတိပေးထားတာ ။ ပြီးတော့ သူတို့ကလည်း မင်းကို အရမ်းတွေ့ချင်နေကြတာ "

ဟုတ်ပြီ သဘောဖြင့် ခေါင်းကို အသာတကြည်ငြိမ့်၏ ။

" အဲ့ဒီက ကလေးတွေက မင်းနဲ့ အရမ်းတူကြတယ် ။ သူတို့လည်း ထောပတ်သီး အရမ်းကြိုက်ကြတယ် ။ အိမ်မှာ မင်းအတွက် စိုက်ထားတဲ့ ထောပတ်ပင်က အသီးတွေလည်း သူတို့ဆီ ရောက်ရောက်သွားတာ "

သဘောတကျရီ၏ ။ ထို့နောက် သူကြည့်နေတဲ့  အသားတွေကို သူ့အစား အများကြီးထပ်ထည့်နေ၏ ။

" မင်း အသားတွေ အများကြီး ဝယ်တာသိရင် သူတို့ အရမ်းပျော်နေတော့မှာ  . . . "

ခုနက သူမဟုတ်သလို ကလေးတွေအတွက် ပစ္စည်းတွေ အများကြီးဝယ်သည်မှာ ဆိုင်ထဲက အမဲသားတွေ ကုန်သွားသည်ထိ မို့ တားယူရတော့သည် ။ မတားလို့လည်းမရ အမဲသားယူရန် လက်လှမ်းနေသည့် အဒေါ်ကြီးကပါ သူတို့ကို မျက်စောင်းထိုး နေလေပြီ ။

" တော်တော့ အဲ့ဒီမှာက ကလေးပေါင်း (၁၀၀) ကျော်ပဲရှိတာ ။ အသားတွေက အရမ်းများနေပြီ "