.........
"ဘာကိစ္စ ဒီလေးထပ်ဆောင်ရဲ့ အပေါ်ဆုံးမှာ နေရတာတုန်း "
သော်တာက မကျေမနပ် အော်ပြောနေသဖြင့် ဘေးပတ်ဝန်းကျင် မကြားစေရန် မောင် အလျှင်အမြန်ပင် သော်တာ့ကို ဟန့်ရပါတော့၏ ။
"တိုးတိုး တိုးတိုး "
"တိုးတိုးလည်း မသိဘူး တက်တက်လည်း မသိဘူး မောင်ရေ... ဒီလေးထပ်ဆောင်ရဲ့ အပေါ်ဆုံးထပ်ကို တက်လိုက်ဆင်းလိုက်.လုပ်ရတာတော့ ၅ခေါက် ကျော်နေပြီ "
ဝန်ထမ်းများ နေသော တိုက်ခန်း၏ အပေါ်ဆုံးထပ်တွင် နေပါသော စစ်စတာကြီး၏ အိမ်ထဲမှ ဖိုင်များကို အကုန်သယ်နေရ၍ သော်တာစိတ်မရှည်ခြင်းပါလေ ။
တစ်နေ့တစ်နေ့ နည်းနည်းစီ ယူယူသွားသော ဖိုင်များက အိမ်ထဲတွင် တောင်လိုပုံနေပါသည် ။
အခုထိ ယူ၍ မကုန်နိုင်သေးပါလေ ။
"တစ်ဝက်ကျော်ကျော် အောက်ရောက်လာပြီပဲမလား နောက်ထပ် ၅ခေါက်လောက်ပါပဲ "
"နေဦး ဒါတွေ ရုံးခန်းထဲ အရင်သွားထားရအောင် "
"အင်း.."
"ဟာ..ကိုမောင်ပါလား "
ဖိုင်များကို ခြင်းထောင်းထဲထည့်နေစဥ် ကားလေးတစ်စီးက မောင်တို့အနားသို့ ရောက်လာသည်။
ကားနောက်ခန်းတွင် ထိုင်နေသော ဇွဲနိုင်က ခေါင်းလေးပြူကာ နှုတ်ဆက်နေခြင်းပင် ။
"ဪ ဇွဲနိုင် "
"မတွေ့တာတောင် ကြာပြီဗျာ ဟိုတစ်နေ့က ကိုမောင့်ညီမ မေနဲ့ တွေ့တယ် ကျွန်တော့်ကို ခုထိ ရန်လိုနေတုန်းပဲ "
"မေက အမှတ်သည်းချေ နည်းနည်းကြီးလို့ပါ "
မေက ဘာလုပ်လိုက်သလဲတော့မသိ ဇွဲနိုင်ကတော့ ပြောရင်းပင် လန့်နေပုံမို့ မောင် နည်းနည်း ကာ ပြောလိုက်ပေးလိုက်ရပါ၏ ။
"မောင်ရေ သူ့ကားနဲ့ဆို ဒီဖိုင်တွေ ရုံးခန်းကိုပို့ဖို တစ်ခေါက်နဲ့ လောက်တယ်နော် "
သက်သက်သာသာ နေချင်သော သော်တာကတော့ ဇွဲနိုင်ဆီက အမြတ်ထုတ်ဖို့ ကြံနေပါပြီ ။
ယခု ၄ ထပ် အဆောင်ကြီးနှင့် ရုံးခန်းတို့က အတန်ငယ်ဝေးသည်ကိုး ။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
part (33)
Start from the beginning
