روايتي هادي قصيره طبعا ماتفوتش ال5حلقات ومرات تفوت الله واعلم ع حسب
عارفه عارفه انكم زعلانين مني علي خاطر كتبت روايه جديده ووقفتها.
بصراحه وقفت روايتي بيت الدعاره علي خاطر وصلني كلام مش تمام من متابيعيني سب وشتم وماخلو كلمه وماقالوها وغلطو هلبا فيا لكن طز فيهم
ولكل من قالي انتي صايعه وتعلمي في لبنات في حاجات غلط طز فيكم باهي
اني عارفه روحي شنو وعارفه روحي مش متاع الكلغم الفاضي متاعكم ونخلي خواتي هنا الي يردو عليكم بعدين كان انتم تتحشمو راه ماتقروش في روايات بنات
خلي نبدا روايتي وسامحوني ع لكلام الي فوق ي خواتي ❤️
بيسان:صاحباتي مرتبطات كلهن باهي اني ليش مانرتبطش ليش مافيش حد يحبني معا اني حلوه هلبا ربي زارع فيا جمال ماشفتاش عند بنت تانيه غيري بس مافيش حد حبني ليش نصلي صلاتي في وقتها ومومنه بربي ونخاف ربي هلبا مش شويه به ليش مافيش حد يشفق عليا
اني بيسان عمري 17سنه اصلي امازيغيه من سكان نالوت ❤️مانبيش نحكي ع جمالي 🤷♀️
تربيت وقريبت وتعلمت في نالوت نحب قرايتي هلبا وكان مستحيل يجي يوم ونسيب قرايتي كنت شاطره هلبا ونجيب في ترتيب ع المدرسه كلها بس مافيش حد كان يفرح معاي بي نجاحي غير بابا
امي اسمها سلمي تحسوها مغروره وشايفه روحه ديمه تتجكتر علي بابا بفلوسها وبابا كان يحبها ويتحمل في كلامها الي كيف السم.........
امي مش حلوه اني مانعرفش بابا ليش خداها مافيهاش حاجه تعبر ع الانوثه. 😂
بوي اسمه امير كان امير بمعني الكلمه كنت نحبه لدرجه ماتتصوروهاش كان يوقف معاي هلبا ويساعد فيا ورغم فقر بابا كان ديمه يجيبلي في طلباتي مافيش يوم زعلني فيه كان يوتق فيا هلبااا لين جي اليوم الي سمع فيا بنته هربت معا اكبر تاجر سكير ومخدارات في مصراته ......🔥
ليش هيا هربت*
شن السبب الي خلاها تهرب*
مافيش حد فكر ف لكلام هدا وزي ماتعرفو ليبيا وتفكير ناسها.
ديمه كانو يحطو ويزيدو في بهارات ع لكلام بيش يعطي نكها زايده
كان عندهم البنت كان هربت تطلع مش متربيه
وكان اطلقت من راجلها تطلع مش شريفه
وكان هربت قبل عرسها علي خاطر عريسها طلع وسخ وتبي تفسخ لكن مقدرتش تطلع هاربه مع واحد
وكان هاربه مع واحد تطلع وسخه ونزلت روس هلها
باهي انتم فكرتو ليش هربت وليش انتحرت وليش وليش وليش 🔥💔
الكاتبه جروح الحياه:روايتي قويه مافيش حد يقدر يسكتني زي ماسكتوني. غصب في رواياتي الاوله حنحكي علي كل بنت تعذبت مانبيش نزيد غير كلمه قويه 🔥
عندي اخت وخو تؤام زهره وغيث صغار مواليد 2016❤️
هادي عائلتي تعالو نحكيلكم علي عمامي ووحده وحده تفهمو عليا ان شاء الله
عمي لكبير اسمه سالم مرته الاوله ميته متجوز وحده تانيه وعنده منها زوز بنات فتحيه وساره
والوسطي نورالدين مرته اسمها ذهيبه عندها بنت وحده و3اولاد إلياس. جمعه الشيباني. ريمان
ماعنديش عمات ✌️😐
