عالم كوريا

الشذوذ في كوريا :/ !

1- طريقة عمل الكيمتشي ؟!

تاخذين 2 من الملفوف الكوري ويقطع مربعات متوسطة (طبعا تقطيع الملفوف له طريقة خاصه في الكيمتشي) وتحطينه بطاسة و تحطين ملح بكمية مناسبة لكمية الملفوف و تقلبينه بيدك و بتحسينه يطلع شوي مويا ، بعد ما تقلبينه عدل خليه على جنب ويكون مكشوف يعني لا تغطينه ، قصصي الخضراوات الي تفضلينها والاساس هي : البصل الابيض و البصل الأخضر و الفجل الأبيض الكوري أو الصيني وطبعا الفجل الصيني يجي عريض و طويل أما الكوري يجي عريض و قصير ، والجزر و الثوم و الزنجبيل الأخضر ، يقطع الجزر و الزنجبيل الأخضر و الفجل الأبيض قطع بطول الأصبع و ضعيفه جدا وتقدرين تبشرينها يكون أحسن ، ويقطع البصل الابيض قطع صغار و يقطع البصل الأخضر بطريقة مائلة ، بعد فترة لفترة نرجع نقلب الملفوف عشان يتوزع الملح و بتلاحظون انه في مويا بسبب الملح ، نفرم كمية كبيرة من الثوم و نخلطه مع الخضراوات طبعا مو مع الملفوف ، الملفوف بيكون في طاسة بروحها ، الحين نروح ناخذ قدر و نحط فيه دقيق الارز أو الدقيق العادي (الطحين) طبعا 3 ملاعق و كوبين مويا و نخلطهم مع بعض لين يصير خليط كثيف ، نرجع نقلب الملفوف مرة ثانيه وبنلاحظ زيادة في المويا ، في شي بحري أسمه خثاق (صورة رقم 1) اذا عندكم قطعوه و حطوه مع الخضراوات و أذا ما عندكم في صلصة أسمها صلصة سمك (صورة رقم 2) حطوه مع الخضراوات وكل ما كثرتو منها صصار الططعم أحلا لانه بديل للخثاق ، بعدين تاخذين ملعقتين كبار فلفل أحمر حار و تحطينهم بالخضراوات و بعدين تحطين الخليط الي سويناه وتحركينه بتلاحظين اندماج الفلفل الأحمر مع الخليط و الخضراوات و حركيه عدل لين يصير كله لونه أحمر واذا كان لونه برتقالي تقريبا زيديه فلفل أحمر لين يصير لون الخليط مع الخضراوات أحمر غامق وبتلاحظون سماكة الخضراوات مع الخليط و الفلفل ، نرجع نقلب بالملفوف أخر مرة و نروح نغسلة أكثر من مرة لين ينظف الملفوف من الملح وبعدين نكب الخضراوات الي خلطناها مع الخليط و الفلفل الأحمر و تحركونه بيدكم عدل لين يختلط الملفوف مع الخضراوات بس لازم قفازات لان الفلفل الأحمر ممكن يأثر على يدك وبس هذي هي الطريقة واذا كان فيه زيادة ما أنأكل و حابين تخزنونه لازم تاخذون علبة لها غطا وترصون الكيمتشي فيه ولا تخلون فراغات رصوه عدل و غطوه زين و حطوه بالثلاجه و اذا جيتو اليوم الي بعده بتاكلونه طلعوه من الثلاجه و اكلوه عادي ويقولون أول يوم تقدرين بعد ما تحطينه بعلبه وتغطينه تخلينه برا بس اليوم الثاني اذا ما كلتيه حطيه بالثلاجه وبس :)

2- ضروري أستخدام الفلفل الأحمر في الكيمتشي ؟!

أيوا الثوم المفروم و الملفوف و الفلفل الاحمر أشياء أساسية وأذا حابين تقللون من الاشياء الحارة الاساسية و الفلفل الأحمر مستحيل نستغني عنه ﻷان هو شي أساسي في الكيمتشي :)

《》《》《》《》《》《》《》

طيب نجي لموضوعنا الشذوذ في كوريا !

الشذوذ في كوريا شيء مضحك جدا يعني لما تلقين واحد يجي يقول لكوري أنا شاذ تلقين هالكوري ميت ميت ميت ضحك و بنفس الوقت ممكن يقطع علاقته فيك

الشذوذ في كوريا مو منتشر أصلا أو بمعنى أوضح ان قليل تلقين شاذين أصلا و يكون من تحت لتحت يعني ما يظهرون للناس أنهم شاذين بس فيه ممثل واحد أعترف أنه شاذ وغيره من ممثلين أو مغنين أو ححتى ناس طبيعين ما أعترفو هو الوحيد الي أعترف في كوريا انه شاذ وأسمه 《هونغ سوك تشون》 بالعربي و 《 hong suk chun 》 بالأنجلش وصورته رقم (3)

فالكوريين من جهة القانون أن كل كوري و كورية لهم الحرية في التصرف في حياتهم وما يقدرون يمنعونهم عن شي هم يبونه لكنهم ما يعترفون بالشذوذ ولا يحبونه فتلاقين الشاذين ما يعترفون كونهم شاذين عشان ما يخربون سمعتهم و صورة البلد عشان كذا القانون معطينهم حريتهم لانهم شعب أصلا يستحي وما يحب أي شي يشوه صورة بلده أو عايلته أو سمعته هو عشان كذا محد يعترف أو أعترف من قبل كونه شاذ غير هذا الممثل يعنب تخيلة من بين كل الكوريين و الكوريات محد أعترف أنه شاذ غيره هو

يتبع ..

طبعا هذا يلي كان عندي اليوم مثل ما قلت لكم البارت قصير سوري :$

أممم البارت ألجاي متردده أتكلم عن أيش محتارة بين الميك أب في كوريا أو الأزياء والموضه في كوريا أو السكن و العيشة في كوريا وكم ممكن يكلف ومن هذي الاشياء فقولو لي وش حابين نتكلم عنه البارت الجاي والي عنده أستفسار عن شي سواء عن موضوعنا اليوم أو موضوع البارت ألجاي فأسألو وحتى لو عندكم نقطه نسيت أقولها عن موضوعنا اليوم قولو لي عنها وبسس لوف يوو بايو