عالم كوريا

الفرق بين الكوري و الصيني و الياباني

كم نسبة المسلمين في كوريا تقريبا ؟!

طبعا الأسلام وصل لكوريا بشكل مبكر او بدري و هم انعرض عليهم بالاسلام في اخر حرب لهم ، في هذاك الوقت أسلمو 4000 مسلم كوري تقريبا بعدين بدأو يتزايدون لين وصلو 35،000 مسلم من بين 53 مليون كوري وأنتشرو المسلمين في 3 مناطق في كوريا : سيول العاصمة و بوسان و كوانجو .

ماهي أشهر جامعات كوريا ؟ وكيف دراستها ؟

الجامعات الكورية بشكل عام تنقسم لحكومية و خاصة ، الجامعات في كوريا كلها تتركز في كلمة واحدة وهي (سكاي) ، بالنسبة للجامعات فيه جامعة سيول الوطنية و فيه كوريو وفيه يونسيه ، أما بالنسبة للدراسة فيها و ان كانت زينة او لا وايش أفضلها فأنا ما اعرف صراحة وما ودي أعطيكم شي من قوقل انا مو واثقة منه :)

هل لديهم دين محدد يتبعونه ؟

لا ما عندهم دين محدد يتبعونه وهذي النسب بالتقريب

40% كوريون ملحدون

30% كوريون مسيحيون

25% كوريون بوذيون

5% ديانات مختلفة و الي من ظمنها الاسلام

☆☆☆☆☆☆☆☆☆☆☆☆☆☆

الفرق بين الكوري و الصيني و الياباني

الفروقات بينهم واضحة وضوح الشمس طبعا مو أي احد يقدر يفرق بين الكوري او الصيني او الياباني

أغلبنا نشوفهم م تشابهين لكن اذا كنت تعرفين واحد من هالثلاثة بتقدرين تفرقين بينهم كلهم

خلونا نفرق بينهم بطريقة الكتابة أول شي

الياباني / こんにちは و ありがとう

الصيني / 您好 و 謝謝

الكوري / 안녕하세요 و 감사합니다

خليني أوضح لكم الكلمات : اول كلمة كتبتها في كل من الصيني و الكوري و الياباني تعني مرحبا والكلمة الثانية تعني شكرا

نلاحظ على الحروف اليابانيه انها تكتب بكل أريحية و كأنها شخبطة طفل وحروفها مموجه لكن الصيني تلاحظين فيها دقة و الحروف متراصة (ضيقه) وبعض الكلمات تحسينها على شكل بيوت (منازل) أما الكوري تحسين حروفه متفتحه وواضحه ومن كتاباته تحسين ان تعلمه سهل

■■■■■■■■■■■■■■■■■■■■■■■■

ثاني نقطة للتفرقة ما بينهم الكلام

طبعا الكلام يختلف مرة مرة مرة وهو عامل رئيسي ثاني للتفرقة ما بينهم

كلمة : أنيوهاسايو ، كمساهبنيدا ، كماوو ، تشنتشنايو ، سارانغ ، سارانغهيه ، انيونغ ، اوني ، اوبا

هذي كلها كلمات كورية والاغلب تكون نهايتها (ا) وتحسين بصوتهم انهم يمدونها ، وممكن تكون اخر كلمتها كلمة (ميدا) وهذي ما يقولونها الا الكوريين بعد ، كلمة (يو) ممكن تكون في نهاية اغلب الكلمات الكورية بعد ، وفيه الي نهايتها تكون (نغ) نفس الشي هي في نهاية اغلب الكلمات الكورية بعد ، اما الكلمات الي مثل أوبا و اوني و اجيما و اموني و ابوجي و هيونغ و غيرها فهذي أشياء اساسية تعني فيها الام و الاب و الاخت و الاخ و الجد و المسن و غيرها من الكلمات هذي تتعلمونها او تسمعونا بالدراما الكورية فهي أشياء معروفه