"ခဏလေးပဲ လာတာ နေမှာပါ ၊ ထပါဗျ "
"Morning kissလေး ပေးဖူးတယ်ရှိအောင် ပေးကြည့်ပါလား "
လောင်းရိပ်က အိပ်ယာပေါ်မှ ထိုင်လျက်ပင် နှူတ်ခမ်းကို စူပြလေတော့...
"သွားမတိုက်ရသေးဘူးလေ ဦးရိပ်က "
"ခုမှ အသန့်ကြိုက်နေတယ်ပေါ့လေ "
"အစကတည်းက ကြိုက်တာပါ "
"ကိုယ့်ကိုလား "
"မဟုတ်ပါဘူး အသန့်ကိုပါ "
"အဲ့ အသန့်ကို မနာလိုသွားပြီ "
"ကဲပါ ထပါတော့ဗျာ "
"ဟုတ်ကဲ့ ထပါပြီဗျာ "
ပြွတ်!
မောင် မပေးလည်း.လောင်းရိပ် ပေးမည်လေ ။ အိပ်ယာပေါ်မှ ထလာကာ မောင် မတ်တတ်ရပ်နေသည့် နားသို့ ကပ်လိုက်ပြီး မောင့်နှုတ်ခမ်းဖူးဖူးလေးကို နမ်းလိုက်ပစ်လိုက်ပါသည် ။
ရုတ်တရတ် မောင့်မှာ ရှောင်ချိန်တောင် မရလိုက်...
လောင်းရိပ်ကတော့ ရေချိုးခန်းထဲသို့ ဝင်သွားပါတော့သည် ။
....
"ဦးလေး ခဏစောင့်ပါဗျ ဦးရိပ်က ခဏနေ ထွက်လာတော့မှာပါ "
ထိုလူကြီး ရှေ့သို့ ကော်ဖီခွက်ကို ချပေးရင်း မျက်နှာချင်းဆိုင်တွေ ဝင်ထိုင်လိုက်ပါသည် ။
"သုံးဆောင် ပါဦး "
"ကေျးဇူးပါပဲ ဦးရဲ့ နာမည်က ဦးကျော်နိုင်ပါ မောင်လောင်းရိပ်ရဲ့ အဖေ ဦးခင်မောင်ရင်ရဲ့ ရှေ့နေကြီးပါကွဲ့ "
"ဟုတ်ကဲ့ တွေ့ရတာ ဝမ်းသာပါတယ်ဗျ ဦးလေးရဲ့ အကြောင်းကို ကျွန်တော် နည်းနည်းတော့ ကြားဖူးပါတယ် "
"ဒါနဲ့ မောင်ရင်က...."
"ကျွန်တော်က ဦးရိပ်ရဲ့.. အ..အမျိုးသားပါဗျ "
"မောင် ဆိုတဲ့ ကောင်လေးလား "
"ဟုတ်ပါတယ်ဗျ "
ဦးကျော်နိုင်က မောင်၏ အဖြေစကားအသံအပြီး ခေါင်းကို ဖြေးညင်းစွာ ညိမ့်ရင်း အသိအမှတ် ပြုသည့်ဟန် ပြသည် ။ ဦးကျော်နိုင်၏ မျက်လုံးထဲမှာတော့ အားနာသည့် အခက်အခဲ ဖြစ်နေသည့် အရိပ်အယောင်များကို မောင် တွေ့နေရသည် ။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
part (30)
Start from the beginning
