သူမလည်း ချစ်ခဲ့တာပဲ ။ လောင်းရိပ်ကလည်း မေကို ချစ်တယ်လို့ ဝန်ခံခဲ့တာပဲလေ ။ သူမကို မချစ်မှန်း သိနေတာတောင်
တစ်နေ့နေ့တော့ သူမဆီ စိတ်လည်လာကောင်းပါရဲ့ဟု တွေးကာ လောင်းရိပ်ကို ဆွဲထားခဲ့ရသည်မို့ ပင်ပန်းခဲ့ရတာပဲ ။
ထို့အတွက် လောင်းရိပ်ကို မကူညီချင်ပါ ။ မောင့်ကို လောင်းရိပ် ကိုယ်တိုင်သာ ဖွင့်ပြောစေချင်ပါသည် ။
"မေ ပြောတာတွေ နားမလည်ဘူး "
"နောက်တော့ နားလည်မှာပါ...စိတ်ပူမနေနဲ့...၊ အဲ...မိုးတောင် ချုပ်နေပြီ မေလည်း.အိမ်ပြန်တော့မယ်လေ "
"ဒီမှာ အိပ်သွားပါလား.."
"မောင်....အဲ့လောက် မတုံးပါနဲ့လို့ပဲ ပြောချင်တယ်...တကယ်ပါပဲ သွားမယ် ၊ ပြန်ပြီ၊ တာ့တာ "
မေပြောသွားသည့် အဓိပ္ပါယ်ကို မေထွက်သွားမှသာ သဘောပေါက်သည် ။
အိမ်ထောင်သည် ကောင်လေး.နှစ်ယောက်ရဲ့ အိမ်ကို ဘယ်အပျိုလေးက ညအိပ်ညနေ နေချင်ပါ့မလဲလေ ။
တွေးရင်းတွေးရင်း.မျက်နှာတောင်.ပူလာသလိုလိုပင် ။
လောင်းရိပ် ဘယ်သို့သွားနေသည်မသိ ။
ည၈နာရီထိ ရောက်မလာသေး ။
၉နာရီ...။
၁၀နာရီ...။
လက်တလော မောင့်ကို လောင်းရိပ်က ဆေးတစ်မျိုးသောက်ခိုင်းထားသောကြောင့် ဆေးသောက်ပြီး ခဏအကြာ မောင် အိပ်ချင်လာသည် ။
အိပ်ယာထဲသို့ သွားလာပြီး မှေးနေခိုက်..
မွေ့ယာက ငြိမ့်ကနဲ့ ဖြစ်သွားသောကြောင့် လူတစ်ယောက် တက်လာသည်ဆိုတာကို မောင်သိသည် ။ မျက်လုံးတော့ ဖွင့်မကြည့်ဖြစ်သေး ။
မောင်၏ ကျောပြင်နောက်မှ ရင်ငွေ့နွေးနွေးကို ရသည် ။ ပြီးတော့ မောင်ရင်းနှီးနေသည့် လောင်းရိပ်၏.ကိုယ်သင်းနံ့။
လောင်းရိပ်က မောင်၏ ကျောပြင်နားသို့ ကပ်လျက် အပေါ်လက်က မောင်၏ ခါးကို ဖက်တွယ်ထားသည် ။
ပြီးတော့ မောင်၏ ဆံပင်နှင့် ဂုတ်အစပ်နားရှိ နေရာလေးကို ဖွဖွ နမ်းရှုံ့နေသည် ။
မောင် အနောက်ကိုလည်း လှည့်မကြည့်ချင် ။ ယခုပြောရမည့် စကားကို လောင်းရိပ်၏ မျက်နှာကို ကြည့်ပြီး.မပြောချင်ပါ ။ မပြောနိုင်ပါ ။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
part (28)
Start from the beginning
