"ရှင်မအံ့သြဘူးနော် ကိုဂျော်နသန် ဘာလဲရှင်ကိုယ်တိုင်ခိုင်းခဲ့တာမို့ မအံ့သြမိတာလား"
"oh no no no ဟန်နီ ကိုယ်မခိုင်းပါဘူး ဟန်နီကလည်း မမခင်က ဟိုပုလိပ်ကိုသွားမြူဆွယ်လားမှမသိတာ"
"ကိုဂျော်နသန် မိန်းမတစ်ယောက်ရဲ့ကိုယ်ကျင့်တရားကို မစော်ကားပါနဲ့"
"ကယ်ပါ စိတ်ကိုလျော့ ဟိုပုလိပ်ဘာမှကြီးကြီးမားမားမဖြစ်ဘူးမှတ်လား"
"ခေါင်းပေါက်သွားတယ်"
"ဪ ဟုတ်လား ဒါဆိုလည်းကိုယ်ခဏဆင်းကြည့်လိုက်မယ် ဟန်နီအနားယူတော့လေ မနက်ရောက်ရင် ကိုယ်အဲ့ပုလိပ်ကို ဂတ်ပြန်ပို့လိုက်မယ်လေ"
စကားအား ပေါ့ပေါ့တန်တန်ပြောကာ ဂျော်နသန်အောက်ထပ်ဆင်းသွားသည်။မိမိ၏ဒေါသများ ဖြေလျော့စရာဟူ၍မရှိ။လက်နှစ်ဖက်ကျစ်ကျစ်ပါအောင် ဆုပ်ထားပြီး ဂျော်နသန်အား မိမိကိုယ်တိုင်သတ်ချင်စိတ်များ တဖွာဖွာပေါ်နေခဲ့လေတော့သည်။
ဂျော်နသန်သည် သတိမေ့နေသော ထိုပုလိပ်၏ဦးခေါင်းအား ဆေးထည့်ပေးပြီး ကိုဘသောင်းအား ပတ်တီးစည်းပေးစေ၏။နောက်နေ့မနက် ဂျော်နသန်သည် မနေ့ည ခေါင်းပေါက်သွားသော ပုလိပ်အားခေါ်ကာ ထွက်သွား၏။ကျန်ခဲ့သည့် ပုလိပ်သုံးယောက်မှာလည်း ရှီလာစံအိမ်ကြီး၏ မိန်းမလေးများအား ဟိုကြည့်ဒီကြည့် တဏှာလောကမကင်းသော မျက်လုံးများဖြင့်လိုက်ကြည့်ကြသည်။
"မမခင်ကို နန်းအရေးကြီးပြောစရာရှိတယ်"
မနက်စောစောမိမိအားခေါ်ကာ အရေးကြီးပြောစရာရှိတယ်ဟုပြောသော နန်း၏နူတ်ဖျားမှ ဘာစကားထွက်လာမည်ဆိုတာကို ခင်ခင်တစ်ယောက်ကြိုသိနေခဲ့သောကြောင့်
"မမခင်ထွက်မသွားဘူးနော် နန်း"
မမခင်၏နူတ်မှ အရင်ဖွင့်ဟလာသောစကားကြောင့် နန်းယဥ်ခမ်း၏မျက်ရည်အိမ် ဖုဖုကလေးမှမျက်ရည်စလေး ပေါက်ဖွားလာတော့သည်။
"နန်းပြောတာကို နားထောင်ပါ မမခင်ရယ် နန်းလေ ညကလိုအဖြစ်မျိုး မမခင်ကိုထက်မဖြစ်စေချင်ဘူး"
"မမခင် အနေအထိုင်ဆင်ခြင်မယ်လေနော် မမခင်နောက်ဆို ထွေးမာတို့နဲ့တူတူအိပ်မယ်လေ"
![](https://img.wattpad.com/cover/286593979-288-k596464.jpg)
YOU ARE READING
နန်းယဥ်ခမ်းကိုချစ်သနားလှည့်ပါ(Completed)(Uni+ZG)
Romanceနန်းကိုဆိုလူတွေကသိပ်မုန်းကြတယ်နန်းယဥ်ခမ်းကသိပ်အတ္တကြီးတဲ့မိန်းမတဲ့မမခင်ရောအဲ့လိုထင်လား မမခင်ကသခင်မလေးရဲ့ကျွန်ပါကြောက်ကြောက်မကြောက်ကြောက်ချစ်ချစ်မချစ်ချစ်ကျွန်ဆိုတာသခင်အနားသေသည်အထိနေရမှာပါ ဤဇာတ်လမ်းတွင်းအမည်နာမများနှင့်ဇာတ်လမ်းသည်စိတ်ကူးယဥ်သက်သက်မျှသ...
နန်းယဥ်ခမ်းကိုချစ်သနားလှည့်ပါEnding
Start from the beginning