(10)
ممدوح: ساره ينفع اسئلك سؤال ؟
ساره: اتفضل
ممدوح: انتى بتحبى احمد ؟
ساره : اممم احمد بيحبنى وقالى كده واتغير بقى كويس وميقدرش يستغنى عنى وانا من الاول قررت اديله فرصه اتعودت عليه عقلى بيقولى كده انه بيحبنى
ممدوح باصص ليها وكلمه واقفه فى زوره بس مسك نفسه : المهم انك مبسوطه
ساره: الحمد الله مش يمكن احمد عوض ع ال خسرته قبل كده ياعالم
ممدوح راح دور وشه علشان يدارى ملامح الضيقه : اها ممكن يلا انزلى علشان متتاخريش
ساره باابتسامه كبيره: تسلم يارب ع التوصيله وعقبالك كده اسمع خبر حلو عنك واردلك جزء من ال بتعمله علشانى صحيح مش ناوى بقى ولا ايه
ممدوح وشه اتغير : لما ربنا ياذن كله بامر ربنا
ساره بتغمز بهزار : بجد يا بختها ال هتكون من نصيبك انت عارف لو مش مرتبطه مش كنت هسيبك
ممدوح تنح لكلمتها : لدرجه دى
ساره: انت ياابنى كنز قومى ومش اى حد يقدرك ربنا يرزقك ببنت الحلال
ممدوح وباصص ل ساره: وتكون زيك
ساره بتضحك: لا معتقدش نسخه واحده كفايه ف الدنيا ربنا يرزقك بالاحسن
ممدوح: لا انا عاوز واحد زيك ساره فى كل حاجه حتى الشكل
ساره بتضحك : لا كده ملهاش حل غير تاخدنى انا لو مصمم
ممدوح بسرعه وبملامح جد : انا موافق و مستعد
ساره تنحت ع كلمته
ساره: تسلم ع التوصيله اراك ليلا
نزلت ساره من العربيه وهى مبسوطه وحست بحاجه غريبه من اخر كلام مركزتش وكانت مستعجله تدخل الشركه وممدوح مرضاش يمشى لغايه ما يطمن عليها حتى لو مع احمد وفضل فى العربيه قدام الشركه مستنى ساره تنزل... ساره دخلت الشركه راحت ع الاستعلامات سالت ع مكتب احمد طلعت الدور ال فيه المكتب دخلت لاقت سكرتيره
ساره: مساء الخير
السكرتيره: مساء النور ياافندم اى خدمه
ساره: مستر احمد عبد العزيز موجود
السكرتيره لا لااسف هو فى ميعاد
ساره:اممم طيب ممكن تكلميه يجى
هو يعرفنى كويس قوليله ساره
السكرتيره: مستر احمد مش موجود ولا جى انهارده لو حضرتك عاوزه سيبى رقم تليفونك
ساره: بس اعرف انه مسافر بكره
السكرتيره: ايوه حضرتك هيرجع بعد الهانى مون
ساره تنحت : هانى مون مين
السكرتيره باابتسامه: مستر احمد عبد العزيز انهارده فرحه وبكره هيسافر الهانى مون يافندم
ساره تنحت من ال سمعاه واتاكدت انه احمد وجت تخرج رجعت تانى تعرف فين الفرح ..خرجت من الشركه متنحه ومش شايفه قدامها وكان ممدوح مستنيها قدام الشركه وشافها خارجه وشها متغير وماشيه تايه راح مشى وراها بالعربيه لغايه ما ركبت تاكسى ووصلت الفندق ورجع
ممدوح ع الشركه يسئل ع احمد ويشوف ايه حصل وعرف خبر الفرح واتصدم ه خرج من الشركه يتصل ع ساره مبتردش فرجع الفندق بسرعه قابل مروه اخته
مروه: مسائو يا دوحه
ممدوح وشه متحول: ساره فين يا مروه
مروه اتخضت: ليه فى ايه
ممدوح: هى فين قوليلى
مروه: فوق فى الاوضه نايمه رجعت من المشوار وقالتلى مصدعه وعاوزه تنام
فنامت علشان قالتلى انها نازله تانى ع الساعه 9 وتعبانه من السفر
عرف ممدوح انها هتروح الفرح ..مروه: فى ايه يا ممدوح قلقتنى
ممدوح بملامح عصبيه : حيوان والله حيوان ومش عنده دم
مروه قلقت اكتر : فى ايه يابنى فهمنى
ممدوح بعصبيه : الزفت ال اسمه احمد
مروه: ماله زعل ساره ولا اتخانق معاها
بص ممدوح ل مروه: وانتى الصادقه فرحه انهارده
مروه من الخبر تنحت : بتقول ايه فرحه ازاى ومين وامتى وساره
ممدوح بعصبيه: يولع هو يتجوز يتزفت انا يهمنى ساره يعمل كده فيها ليه
مروه: ايه دا دا كان لسه باعتلها رساله امبارح وبيقولها وحشتينى وبحبك
ممدوح تنح : بعتلها امبارح وهيتجوز انهارده دا مريض
مروه : انا قلقانه ع ساره الصدمه مش حلوه لا ودى تانى صدمه ليها
ممدوح : انا مش هسيبها انا مش هسيبها ساره متستهلش كل دا
مروه: هتعمل ايه
ممدوح : هعمل اى حاجه علشان ساره انتى خليكى معاها واول ما تنزل عرفينى انا هستنى هنا مش هسيبها تروح لوحدها الفرح
مروه تنحت: هتروح الفرح
ممدوح: اه ومش هخليها تروح ولو صممت هروح معاها
مشيت مروه طلعت الاوضه وممدوح طلع اوضته عمال يفكر ومتعصب ع ال حصل ل ساره وبيتكلم مع نفسه : مصطفى كان عنده حق لما قال احمد ميستهلش ساره وانها رمت نفسها وفضل ممدوح متعصب وبيفكر يعمل ايه ومروه دخلت ع ساره الاوضه لاقيتها نايمه فعلا وفضلت جنبها وع الساعه 7 صحيت ولابست وجهزت نفسها تروح الفرح وهى خارجه صادفت ممدوح
ممدوح: ايه الشياكه دى ع فين
ساره بتضحك: دا اقل حاجه عندى فى مناسبه ولازم احضرها
ممدوح: مناسبه ايه ياعم انت لا انا مش هسيبك بالجمال دا لوحدك
ساره بتلقائيه : لو عاوز تيجى معايا تعالى
ممدوح استغرب من عزومتها ليه والابتسامه ال ع وشها
ممدوح: اشطه مفيش مشاكل اهو علشان متتعكسيش ياقمر
ساره بتضحك : قمر بالستر يلا بينا
مشى ممدوح مع ساره وركبوا العربيه ووصلوا لمكان الفرح
ممدوح بقلق: هو انتى ليه هنا
ساره باابتسامه: اعمل الواجب
مشيت ساره بخطوتين ممدوح مستحملش انها تشوف المنظر دا احمد ومعاه عروسه جنبه
مسكها من ايديها : ساره انتى ليه بتعملى كده مش لازم تيجى هنا اصلا
ساره : لا لازم اجى علشان اشوف بعينى علشان عقلى يرتاح
ممدوح : ساره يلا بينا نرجع
ساره شدت ايدها : ممدوح لو عاوز ترجع ارجع انا هدخل وابارك
دا واجب لازم اعمله
سابت ساره ممدوح ومشيت وبعدها بلحظات قرب ممدوح منها ومشى جنبها
ممدوح: ال انتى عاوزاه هنعمله سوا
ساره بصت ل ممدوح باابتسامه: اشطه يا بشمهندس
قام ممدح عمل دراعه فحط ساره ايدها ودخلوا القاعه وكان احمد وعروسته فى الكوشه ..قربت ساره منها وهى مع ممدوح احمد شافها وتنح ومش مصدق عينه قربت ساره تسلم عليهم
ساره باصه لااحمد ومدت ايديها: مبروك يا مستر احمد كده اعرف من بره
بس انا متاخرتش وجيت اعمل الواجب واباركلك
احمد ايده بقت تلاجه وبيعرق ومش عارف يجمع : الله يبارك فيكى شكرا
ساره مدت ايدها لعروسه: ماشاء الله عليكى قمرايه ربنا يحفظك
خلى بالك ع مستر احمد دا غالى علينا وفرحنا له جداااا مش كده يا ممدوح
ممدوح قرب يسلم عليهم : اه طبعا يا سو الف مبروك
وبصت ساره ل احمد: اتمنالكم حياه سعيده بعيده عن الكدب والخداع واطفال يلموا البيت عليكم
العروسه: ميرسى
راحت ساره قعدت ع ترابيزه هى وممدوح وع وشها ابتسامه
وشافت احمد وهو مع اصحابه بيرقصوا ويهيصوا والعروسه فرحانه اوى
حست ان دموع هتغلبها فقلت لممدوح : يلا نمشى
خرجت هى وومدوح ركبوا العربيه وماشيين
ممدوح لاحظها متغيره وساكته: ساره فى حاجه
ساره: اركن ع جنب يا ممدوح عاوز انزل اشم هوا مخنوقه
ركن العربيه ممدوح ونزلوا دخلت ساره شط وقعدت وممدوح قعد جنبها
بعد فتره من الوقت ساره: ممدوح
ممدوح : نعم
ساره: هو انا وحشه اوى كده لدرجه دى علشان اتعاقب كده
ممدوح : ايه ال بتقوليه دا يا ساره
ساره : انا حبيت بقلبى اتوجعت بعقلى اتجرحت انا عملت ايه علشان يحصلى كده
ممدوح لاحظ دموع ساره نازله وهى بتتكلم
ساره كملت كلامها ودموعها نازله : انا مش عارفه ايه هو الحب واعرفه ازاى ..انا كنت اعرف ان الحب سعاده وامان مش فيه جرح ولا الم بالشكل دا هو انا مش مكتوبلى اعيش زى الناس احب واتحب المره ال حبيت فيها بقلبى واول مره قلبى يدق واحس بالسعاده تتحول لجنازه واخسر اقرب اتنين ليا وارضى بالمكتوب واقول نصيب واقابل احمد تصرفاته قالت بيحبنى خلاانى اتعود عليه ووافقت بعقلى وقلت معرفتش اخد ال بحبه ادى فرصه لل بيحبنى وبعد ال عيشته واستحملته منه يعمل كده فيا ... هو القدر بيعاقبنى كده ليه يا ممدوح انا مغلطتش انا عاوزه احب واتحب واعيش مع انسان بحبه من غير مااجرح حد مغلطتش انى عاوزه اعيش .......
ممدوح اتاثر اوى بكلام ساره ومره واحده انهارت من العياط
فقام ممدوح حط دراعه حوالين كتفها فرمت ساره دماغها ع كتف ممدوح ودموع نازله قلب ممدوح كان بيدق بطريقه وكان موجوع لوجعها
ومش عارف يعمل ايه غير انه يسيبها تتكلم من غير ما يقاطعها
وقالت وهى بتضغط ع صدرها من الوجع الى قلب عليها ال فات مع ال حصل : عاوزه اعيش انا ..الحب دا مش عاوزاه ومش هفكر فى تانى
انا ال حصلى وحاولت استحمله مش قادره ..عاوزه اعيش مش اتالم كده واتوجع
فى الحظه دى وساره منهاره فى العياط وهى ع كتف ممدوح ضمها :
انتى تستاهلى احلى حاجه فى الدنيا
وهتحبى وهتقابلى ال بيحبك بجد ال مستعد يعمل اى حاجه علشانك
هتعيشى ياساره وهتكونى اسعد الناس وهتنسى ال فات دا كله
انا هنسيكى اى وجع عندك ودا وعد ان دموعك دى مش هتنزل غير من الفرحه مش الوجع
ساره مش كانت مركزه لكلامه وفتحت فى العياط وهو ضاممها ليه
وفضل ممدوح قاعد ضامم دراعه ع كتف ساره وسابها تعيط لغايه من كتر العياط اغمن عليها بسرعه لاحظ ممدوح كده كلم دكتور يحصله ع الاوتيل
تليفونه رن كانت مروه كنسل عليها وبعتلها رساله انهم فى الطريق بص فى الساعه لاقاها 1 بليل فقام بهدوء شال ساره وحطاها براحه فى العربيه ووصلوا الفندق كانت مروه مستنياهم فى الهول
قام ممدوح شال ساره بهدوء جدااا وشافته مروه فاتخضت فجريت عليه
مروه مخضوضه: فى ايه مالها ساره يا ممدوح
ممدوح : انا اتصلت بالدكتور وجى حالا تعالى نطلعها الاوضه تنام ع سريرها وهفهمك ايه حصل
طلع ممدوح اوضه مروه وساره وبهدوء حط ساره ع السرير والدكتور كشف وقال انها اتعرضت لصدمه كبيره وكتبلها مهدى اخدته ونامت وغطاها ممدوح وباس راسها وخرج هو ومروه بره الاوضه راحوا اوضه ممدوح
مروه بقلق: فهمنى ايه ال حصل وليه هى مش حاسه باى حد كده
ممدوح بتنهيده ونبره حزن: ساره اتعرضت لتانى اكبر صدمه فى حياتها
مروه : ماانا قلت بلاش تروح وتشوف بعنيها معرفش ايه ال خلااها تروح
ممدوح: ساره مجروحه اوى مش بسبب احمد بسبب الموقفين قلبها وجعها اوى بسبب مصطفى واحمد واحد اتوجع قلبها عليه والتانى عقلها خدعها فى الارتباط به والنتيجه الاولاانى مرتبطتش فيه وجت ع نفسها علشان صاحبتها والقدر عاقبها بفراق الاتنين والتانى مقدرش النعمه ال معاه ومحافظش عليها واستغل قربها ليه ولعب بيها وبمشاعرها
وباعها باقذر طريقه تحصل ...هى فى صدمه مش فاهمه ال حصلها ايه كانوا الموقفين اصعب من الاستيعاب وفضلت تتكلم وتغلط نفسها وتعاتب نفسها وتعيط لغايه من كتر العياط محستش بنفسها اغمن عليها
خلى بالك منها يا مروه وانا مش هسيبها
مروه: ساره متستهلش كل دا ..ليه حظها كده
ممدوح: ال فات راح خلاص ووعد منى قدام ربنا
ان طول ماانا عايش مش هخلى دمعه من عنيها تنزل بسهوله كده ولا تحزن ومش هسيبها
مروه لاحظت نظره ممدوح وزعله علشان ال ساره اتعرضتله وريقه تمسكه بساره
________________________________
تانى يوم ساره صحيت من النوم لاقت نفسها نايمه
بهدومها ومش فاكره اى حاجه غير انها كانت مع ممدوح وبيتكلموا وهى عيطت
ساره بخضه : هو ايه ال حصل امبارح دا وايه ال انا عملته دا
مروه دخلت الاوضه تبص عليها
مروه: صباح الفل يا سو عامله ايه انهارده
ساره مصدعه وماسكه راسها : مروه انا جيت هنا ازاى
مروه بتضحك: جيتى طايره
ساره : انا بتكلم بجد يا مروه جيت ازاى .. ممدوح
مروه: ماانتى فاكره اهو ..انتى كنتى شبه اغمن عليكى ممدوح شالك لغايه الاوضه
ساره بااحراج: ايه .. لا بجد ... ليه كده هو انا حصلى ايه
مروه لاحظت انها مكنتش فعلا حاسه بممدوح لما شالها : فكك من ال حصل امبارح المهم انتى كويسه
ساره افتكرت ال حصل امبارح وسرحت شويا وباابتسامه : انا الحمد الله
متقلقيش انا تمام
فحاولت ساره تقوم بالرغم من الصداع دخلت الحمام وبصت لنفسها ف المرايه
ساره: كده صفحه تانيه اتقفلت وبلا راجعه ومش هسمح لقلبى ولا لعقلى تانى يخدعونى باختيارات .. ساره ركزى فى نفسك وحبى نفسك من دلواقتى ومتفكريش فى اى حد ولا تصدقى حد مهما حلفلك
انا هبقى كويسه ومش هنهار
اخدت دش ساره وخرجت بعد ما غابت فتره فى الحمام مروه قلقت وكانت مستنياها شافتها خارجه متحوله بتضحك والابتسامه ع وشها
ساره : يلا يا ميرو نفطر انا جعانه اوووووى
مروه تنحت : ال يشوفك وانتى داخله ميشوفكيش دلواقتى ساره انتى كويسه
ساره بتضحك: انتى شايفانى ايه انا تماااام اوى متقلقيش يلا بقى ناكل ونشوف ورانا ايه
مروه : يلا بينا
نزلوا ع المطعم وطلبوا فطار وبيفطروا ممدوح نزل وشافهم ولاحظ ساره بتضحك وتهزر مع مروه
ولا اكن فى حاجه حصلت امبارح ورجعت لطبيعتها المرحه ..قرب منهم
ممدوح باابتسامه : صباح الخير ع الناس الكسلانه
مروه بتضحك: بريئه يا بيه
ساره : اوووبس بتدبسينى يا ميرو اعمل ايه حاجزين ف فندق المنبه مش بيشتغل
ممدوح لاحظ انها بتتعامل عادى فقرر يتعامل هو كمان عادى وينسى ال حصل امبارح :معلش يا سو خليها عليكى وابقى اظبطى تليفونك ولا اصحيكى
ساره بتضحك: لا يا بشمهندس مش لدرجه دى
ممدوح : يلا بينا علشان نقابل المجموعه علشان الايفنت بتاع بكره والتحضيرات
ساره بضحكه : تمام يا فندم
مروه: اشطه يا فندم
قاموا بعد الفطار وخلصوا الشغل ال عندهم وجه يوم الايفنت خلصوه ورجعوا تانى القاهره والحياه استمرت وساره مبنتش ابدا انه حصلها حاجه لكن ممدوح فضل يراقبها طول الوقت
___________________________________
بعد مروره 7 شهور على موقف احمد ساره بقت عمليه اكتر تهتم بشغلها بذياده منلحوظه لدرجه انها بتعمل شغل مروه وبتساعد اى حد فى شغل ناقص لاحظ ممدح كده وفى يوم طلبها فى مكتبه
خبطت ع الباب ساره ودخلت
ساره باابتسامه: صباح الخير يا بشمهندس
ممدوح باابتسامه: صباح الخير اتفضلى اقعدى
ساره: حضرتك طلبتنى فى حاجه علشان عندى شغل
ممدوح قام من كرسى مكتبه وراح قعد قدام ساره : هو الحياه عندك شغل شغل ولا ايه فين صحابيتنا نستيها كده مش ملاحظه انك ضاغطه نفسك بذياده ف الشغل
ساره ببابتسامه: والله انا جايه الشركه هنا علشان اشتغل مش اجمع تبرعات والشغل اهم حاجه عندى اهتم بيها دلواقتى ويستاهل كل وقتى
ممدوح تنح من كلامها : وانا ومروه
ساره: علاقتى بيكم مش هتتاثر بحاجه بره الشركه
ممدوح : طيب فضى نفسك يوم الجمعه علشان خطوبه مروه ولا مش هتيجى
ساره بتضحك: انا مش محتاجه عزومه انا عارفه من اسبوع وهقابل مروه بعد الشغل نجيب طلبات ليها ومتقلقش انا مع مروه
ممدوح: وانا مرتاح لوجودك معاها
__________________________________
قبل خطوبه مروه بيوم طلبت من ساره انها تبات معاها ومتسبهاش لانها قلقانه راحت طلبت من مامت وبابا ساره انها تبات معاها ووافقوا وراحت ساره عند مروه البيت وكانت عباره عن فيلا كبيره ف الشيخ زايد
مروه بتوتر : ساره الفستان جاهز ومش ناقص حاجه صح
ساره بتضحك: الفستان جاهز والجزمه جاهزه والورد جى الصبح والاكسسوارات جاهزه والكوشه والكراسى والترابيزات والدى جى حتى النجيله جاهزه متقلقيش
مروه: بتتريقى عليا ماشى
ساره: ماهو انتى صدعتينى كل شويا تسئلى متوترنيش معاكى ان شاء الله اليوم هيعدى احسن مما تتوقعى
مروه : ان شاء الله انا قلقانه فعلا ... بقولك ايه تعالى نخرج ف الجنينه نتمشى شويا
ساره: فكره حلوه علشان تفكى من توترك دا
خرجت مروه وساره يتمشوا ف الجنينه وكان ممدوح شافهم من بلكونه اوضته وهما بيهزروا وهما ماشيين فنزل علشان يرخم عليهم
وهو بيقرب منهم سمع الحوار دا وهما بيتكلموا :
مروه: انا قلقانه اوى من بكره
ساره: يابنتى دى خطوبه مش فرح وهتعدى ع خير
مروه: اصل احنا قرينا فاتحه عائلى بينا المرادى خطوبه ولبس دبل كااشهار يعنى فاول مره مش كان بالهيصه دى
ساره: كله هيبقى تمام متقلقيش وهتبقى احلى عروسه بكره
مروه: يارافعه معنوياتى تسلميلى عقبالك كده اشوفك احلى عروسه
ساره بتضحك: معتقدش هيحصل دلواقتى بس وماله دعوه حلوه
مروه : ساره انت لسه زعلانه من ال حصل من احمد
ساره: انا زعلانه من نفسى ..قرراتى دايما غلط واختياراتى
اول مره صدقت قلبى باحساس وطلع مش من حقى فموته بنفسى فجزانى القدر بموت مصطفى وملك وتانى مره قلت اصدق عقلى فااخترت ال بيحبنى واقنعت نفسى بيه وصدقته وعمل ال عمله ..انا زعلانه من نفسى وهاخد وقت لغايه ما اجمع نفسى تانى ومش سهل ادخل ف علاقه تانى لانها هتفشل اكيد
مروه: بس مين قالك انها هتفشل اكيد لما تختارى شخص بيحبك بجد ومش هيسيبك مهما كان وبيحبك من زمان معتقدش ان العلاقه هتفشل
ساره : مروه من الاخر انا معنديش ثقه فى اى حد هيقولى بحبك انا اتخدعت فى الحب ومش عارفاه ايه فليه هظلم شخص وادخل تجربه معاه
مروه: يعنى لو قابلك شخص بيحبك بجد هتسبيه بسبب خوفك دا ؟
ساره: لو يهمنى اه هسيبه علشان مخسروش
مروه: ساره ايه رائيك ف ممدوح ؟
ساره: انسان بمعنى انسان وراجل بمعنى راجل وصديق بمعنى صديق
ويا بخت ال هترتبط بيه
مروه : طيب يبقى يا بختك بقى
ساره بصتلها وبتضحك : ودا ع اساس انه بيحبنى وانا كمان
مروه بصتلها ثوانى : ايوه يا ساره ممدوح بيحبك
ساره تنحت ل مروه: بتقولى ايه
مروه:ممدوح بيحبك اكتر مما تتخيلى انتى مسئلتيش نفسك هو ليه لغايه دلواقتى مخطبش ولا مرتبطش بالرغم انه فيه كل حاجه والخلافات مع ماما ال حكتلك عليها ...كل دا علشان بيحبك ومستنيكى
ساره: مروه متكمليش علشان مش هينفع
مروه: ليه مش هينفع ادى ممدوح فرصه وصدقينى مش هتخسرى
ساره: لو اديت ممدوح فرصه يبقى هخسره زى ال قبله وانا مش عاوزه كده ويلا بينا علشان ننام هنصحى بدرى
قاموا مشيوا وممدوح سمع كل الكلام وبعد ال سمعه صمم اكترع ساره وانه هيفضل متمسك بيها ومش هيسيبها مهما حصل
___________________________________
جه تانى يوم الخطوبه وكانت مروه زى القمر بالفستان وساره كانت مميزه وسط الموجودين والكل لاحظ وجودها وكانوا العين عليها ممدوح لاحظ كده فراح مكان ماهى واقفه وكلمها
ممدوح: ايه الجمال دا مقدرش انا
ساره بتضحك: دا اقل حاجه عندى
ممدوح: لا منقدرش ع كده... عاوز اقولك انك اجمل الموجودين
ساره: لا كده هصدقك انا .. عيونك الحلوه هى ال شايفانى كده
ممدوح : عينى اصلا مش شايفه غيرك
ساره للحظه اتوترت من نظرته ليها : لا كده هصدقك بجد
ومره واحده كانت هتتكعبل تقع لحقها ممدوح وضمها ناحيه صدره ووشوش فى ودنها : لا صدقينى ومش هتخسرى اوعدك
جسم ساره قشعر من همس ممدوح ونفسه ال لمس خدها راحت سابته ومشيت ناحيه مروه وطول الحفله ممدوح كان بيبص ع ساره وساره عامله مش واخده بالها
خلصت الحفله وروحت ساره البيت لاقت مامتها مستنياها
مامتها: الحفله كانت حلوه يا سو
ساره بسعاده: اوووى يا ماما ربنا يسعدهم
مامتها: عقبالك يا حبيببتى .. لو بس تفهمينى ال حصل بينك وبين احمد مش كان زمانك فى بيتك دلواقتى
ساره بتنهيده: ماما انا قلتلك احنا متفقناش وكل واحد راح لحاله
مامتها: لو اعرف بس السبب
ساره: ماما كله نصيب ومكتوب يلا انا هدخل انام
دخلت ساره اوضتها واتكدرت بسبب ان مامتها فكرتها بااحمد لكن قالت لنفسها بلاش تتكدر وانها كانت مبسوطه بالحفله وهى نايمه ع السرير افتكرت كلام مروه ان ممدوح بيحبها مع ال ممدوح عمله ف الحفله استغربت من تحوله المفاجئ دا وفى اللحظه دى قلبها دق واستغربت نفسها لكن كذبت نفسها بانه وهم علشان مش تخسر ممدوح
____________________________________
كانت ساره بعد حفله الخطوبه بتتجنب ممدوح من غير سبب فى يوم خبط وفى يوم وهى ف الشركه فى المكتب مروه دخلت عليه مزقططه
مروه: ساره ساره سارررره
ساره مخضوضه: ايه يابنتى فى ايه
مروه : مش هتصدقى هنسافر اوروبا هيييييييييييييه
ساره تنحت: اوروبا احنا
مروه: كمان شهر الذكرى السنويه لاانشاء الشركه ففرع اوروبا هيعمل حفله وهيجمع مندوبين من الفروع التانيه لااحتفال واحنا شركتنا مسافر منها مجموعه ففى اتنين اعتذروا فعملت براشوط ورشحت اسمنا واتوافق عليهم وهنسافر هيييييييييييييييه
ساره مش مستوعبه: انتى بتتكلمى جد انا اخرى اسكندريه او الغرددقه تبع الشغل انما اوروبا واسعه دى
مروه: يابنتى اعتبريها سياحه لمده 15 يوم هنتطلق فيهم
ساره: بس انا مش عندى جواز سفر
مروه: هساعدك تعملى واحد مفيش مشاكل ع العموم انا هروح الكافتريا دلواقتى هجيب حاجه نشربها احتفالا بالخبر دا
خرجت مروه بسرعه من غير ما تسمع رد من ساره وعملت نفسها رايحه لكافتريا وراحت مكتب ممدوح
مروه: Done يا معلم ال طلبته حصل
ممدوح: انا قلت كده مش هيساعدنى غير ميرو حبيببتى
مروه: بس ليه الفه دى يعنى وليه سفر اوروبا من الاساس
ممدوح: علشان لو عرفت انى انا ال حطيتكم ف الجروب ومفيش اتنين اعتذروا ولا حاجه احتمال كبير مش كانت هتيجى انما سفر شغل فهى مجبره تيجى وبعدين انتى وافقتى ومسافره ليه
مروه: الحياه فرص وجتلى فرصه اسافر ل مازن واشوفه وابقى معاه
ممدوح: انتى قولتى اهو الحياه فرص وانا فرصتى عملتها انى ابقى مع ساره لوحدينا فى مكان نعمل لحظات مش هتتنسى مع بعض نعمل بدايه لينا بعيد عن اى حاجه وهرجع من هناك مرتبطين وقريب نتجوز هواجه ساره بحبى وبالى حسيته منها اتجاهى
مروه: ايه الثقه دى
ممدوح: قلبى بيقولى ان دا هيحصل اكيد ... بعد حفله خطوبتك ف حاجات اتغيرت وانا مش هقف مكانى كده هتحرك ومش هسيب ساره
مروه : ممدوح انت بجد مش فارق معاك التجربتين ال مرت بيهم ساره
ممدوح: انا ميهمنيش ال عاشته انا يهمنى ال هتعيشه معايا وابقى مستحقهاش لو حاسبتها ع حاجه حصلت زمان احنا بشر ومفيش حد فينا مش بيغلط بس الغلط اننا نتمادى فيه وهى زى باقى الناس مرت بتجربتين وجعوها واتعلمت وان شاء الله التالته تابته
مروه : والله يا دوحه افرحلك انت وهى تستاهلوا كل خير
ممدوح: انا متفائل خير واتكالى ع ربنا كبير و قلبى ال بيدق كل ما اقول اسمها او افتكرها او اشوفها مش هيكدب عليا وعقلى المقتنع بيها مش هيخدعنى انا واثق فيها وفيهم
________________________________________
جه يوم السفر وسافروا وركبوا الطياره وكانت اول مره ل ساره تركب طياره فكانت طول الرحله متوتره ومروه وممدوح بيضحكوا عليها اول ما وصلوا ونزلوا من الطياره
مروه: حمد الله ع السلامه يا سو
ساره: انا مش قادره
مروه: اول مره بعد كده هتتعودى
ساره: مش هكررها تانى انا مش مستوعبه انى سافرت اصلا
جه ممدوح من ورا ساره وشوشها : من دلواقتى هتشوفى حاجات مكنتيش تتوقعى تشوفيها
لفت ساره واتوترت من صوت ممدوح وجسمها قشعر : ممدوح
ممدوح بسعاده: ويلكم فى اوروبا احنا جايين شغل بس انهارده فرى
مروه: ايوه بقى هنروح الفندق نغير ننزل ع طول
ساره: ها
مروه : انتى لسه هتقولى ها يلا
وصلوا الفندق وغيروا وساره كانت مكسله تنزل
مروه: يلا يا ساره بقى
ساره: بجد مش قادره
مروه: يابنتى انتى اول مره تسافرى تعالى ننزل نشوف الدنيا ومش هنتاخر متخافيش
ساره: يخربيت زنك انا ليه نزلت معاكى ف نفس الاوضه ..طيب هو مين ال هيخرج معانا
مروه مردتش ترد: يلا هستناكى
غيرت ساره لبسها ونزلت هى ومروه وكانت متوقعه الجروب كله هيخرج يتفسح لكن وهى نازله الهول مشفتش غير مازن وممدوح
مازن: حمد الله ع السلامه
مروه: الله يسامك حبيبى
ساره: ميرسى
ممدوح: يلا نتتطلق
خرجوا من الفندق وركبوا عربيه مازن ولف بيهم فى اماكن كتير وساره كانت مندهشه من المناظر والاماكن فراحوا مطعم يتغدوا ويرتاحوا شويا وكان جنب المطعم محطه قطر
مروه: ساره بصى شوفى هناك ايه دا
ساره بصت ع الاتجاه ال شاورت عليه مروه وكان عروسه وعريس هيركبوا قطر ويسافروا
مازن: دا تقليد بيعملوا العرايس العروسه بفستانها والعريس ببدلته بيركبوا قطر يلفوا بيه اوروبا وممكن ينزلوا يتصوروا فى كل مدينه كذكرى لزواجهم
ساره مبتسمه: جميله اوى الفكره دى
ممدوح: عجبتك اوى
ساره: انا اتمنى اكون زيها وانزل واتصور فى كل بلد هيعدى عليها القطر هتبقى ذكرى جميله اوى بجد وفكرتها جديده معروف العروسه ال بتلبس الفستان وتسافر بيه ع الطياره انما القطر دا جديده
مروه: ف اوروبا تلاقى ال متلقهوش فى مصر
ساره بتضحك: اخرى قطر الصعيد عارفه والدرجه التالته لو ربنا بيحبنى ومكنش قطر النوم
ضحكوا كلهم ومروه اقترحت اقتراح يلعبوا صراحه هما الاربعه وال هيجى عليه وش الازازه الكل يسئله الكل وافق بسرعه الا ساره اترددت وبعدين وافقت ....عمل مازن الازازه لفها وكان اول حد كانت ساره
مروه : لو قابلتى يا ساره شخص بيحبك بجد وامنيه حياته يعيش معاكى هتوافقى ولا هتسبيه ؟
ساره سكتت ثوانى : مش عارفه انا فاشله ف قرراتى دايما بتبقى ضدى بجد
مازن: شكلك جبانه ف الحب انتى شايفه دا صح ؟
ساره: انا مش جبانه انا فاقده الثقه ف اختياراتى وفشلى الكتير خلاانى مش اتسرع
ممدوح بص ل ساره : لو قلتلك بحبك هتعملى ايه ؟
ساره جسمها قشعر وتنحت ومش عرفت ترد فقلبت الكلام علشان تهرب من الاجابه وخلته هزار : هقولك ذيع لو عاوز تذيع وكانت معكم الكاميرا الخفيه
ضحكوا كلهم الا ممدوح فضل باصص ع ساره فبعدت ساره نظرها عن ممدوح ولف مازن الازازه تانى وجه ع ممدوح ومازن ساله: مش هنفرح بيك قريب ولا ايه ؟
ممدوح وباصص ل ساره: ان شاء الله قريب جدا انا قلبى حاسس بكده
ساره: انت ليه واثق ف قلبك كده مش ممكن يكون بيخدعك ؟
ممدوح: لو كان هيخدعنى كان زهق منى انما سنين ياكدلى نفس الشئ يبقى حاجه اكيده مش احتمال
مروه لاحظت الحوار فجابت من الاخر : شكلك بتحب يا دوحه مين ها ؟
ممدوح : ال بحبها هى س ...
ساره قاطعته ف الكلام : انا عاوزه اروح الفندق صدعت اوى معلش ياجماعه
لاحظ ممدوح انها بتهرب فقاموا كلهم وراحوا الفندق وفضلت ساره طول اليل ع السرير عماله تفكر فى ايه وايه ال بقت تحس بيه اتجاه ممدوح ومش فاهماه و خايفه يتكرر ال حصلها لتالت مره
____________________________________
جه يوم حفله الشركه وكانت حفله حلوه وبعد ما خلصت اتفقوا انهم يسهروا فى كازينو وراحوا كلهم وقعدوا وفى منهم رقص وهيص وغنى كاريوكى وهما قاعدين فاجأه ممدوح علشان يرد ع تليفون ليه وهو بره بيتكلم كان فى عرض كابلز وهو اعتراف بالحب فطلب مقدم الفقرة من اى حد عاوز يعترف بالحب يروح ع الـ Stage " المكآن لو حد عآوز يعترف بحبه" فساره مهتمتش بالموضوع ولفت ضهرها ل ستيدج فالحظه دى ممدوح طلع ع ستيدج فطلب مقدم الفقره ان ال وافقين ع ستيدج يمسك ورده ويروح يديها لل بيحبها .. وع اغنيه رومانسيه ساره ومديها ضهرها قرب منها ممدوح وحط قدمها ورده بصت اتفاجئت من ممدوح وبيقولها : بحبك
تنحت ساره ومعرفتش ترد وقلبها دق اووى رجع ممدوح ع الستيدج ومسك المايك واتكلم بالانجليزى شويا وعرف الموجدين انه هيتكلم عربى والكلام بالترجمه انجليزى هيظهر ع شاشه الكاريوكى ...
مسك المايك ممدوح : انا انهارده هتسغل فرصه فقره اعتراف بالحب وهعترف بحبى الوحيد الحقيقى ال مش هقدر اعيش من غيره .. هعترف لااانسانه حبيتها قبل ما اشوفها ..حبيتها اكتر لما شفتها واتكلم معاها ..حبيت هزارها وشقاوتها وطيبتها وضحكتها ..حبيت دمعتها وحزنها واتمنيت تكون حلالى وام اولادى ... حبيت انسانه ملقتش زيها بالرغم انى بلف العالم الف وارجعلها ...حبيت انسانه ملقتش ليها بديل فى حياتى وجودها وسعادتها هى اكسجينى وحياتى ....بطلب منها تدى لنفسها فرصه تعيش حياتها وتسمع لقلبها وهيدلها ... حبيت انسانه قلبى اول دقه لقلبى كانت ليها واستحاله تكون لغيرها قدام الجميع انا بقدم اسمى وحياتى وعمرى ليكى يا ساره .... ساره بحبك Love you
ساره جسمها قشعر وانفضت ومكنتش مستوعبه ال بيقوله ممدوح والكل هايص على كلامه ... فاتصلبت ساره مكانها وفى ايديها الورده فقامت خرجت بره فخرج ممدوح وراها
ممدوح: ساره
ساره مدياله ضهرها : سيبنى لوحدى يا ممدوح
ممدوح قرب منها ووقف قدامها ومسك بايده دراعها الاتنين : ساره اسمعينى ادى لنفسك فرصه واسمعى لقلبك مش هيكدب عليكى
ساره بصاله: قلبى جرحنى مره وعقلى وجعى تانى مره ومش هستحمل التالته
ممدوح: مش هيكون فى تالته اوعدك قدام ربنا انى مش هسيبك ابدا ...ساره انا بحبك من قبل ما اشوفك انتى اهم حاجه فى حياتى ادى لنفسك فرصه يا ساره وانا هستناكى
ساره تنحت لحظات : طيب فرضا ووافقت ابادلك انت عادى ترتبط بواحده ارتبطت مرتين وانت عارف وكنت عارفهم وشايف
ممدوح بيضحك: انا عارف الموضوعين بتفاصيلهم اكتر منك ..ثانيا انا يهمنى ساره ال واقفه قدامى دلواقتى ال انا عارفها وال يهمنى بعدين مش ال فات
ساره: لدرجه دى واثق فيا
ممدوح: ثقتى فى حبك هو ال مخلينى واثق كده انتى قدها وعمرك ماهتخذلينى انا واثق لانى بحبك وانتى بتحبينى
مشى ممدوح وساره قعدت مكانها قلبها بيدق جامد احساس كانت فاقده الامل تحسه بس خايفه يتكرر ال بيحصلها تانى وعماله تنكر احساس جالها مقارب لل حسته مع مصطفى فى الاول لكن المرادى الاحساس متبادل ... بالرغم من انها مصدقه ممدوح بس خوفها من تكرر ال حصلها مانعها من الاستجابه لممدوح
_____________________________________
بعد يومين اختفى ممدوح وساره مش كانت بتشوفه وفاجاءه لاقت مروه بتكلمها ساره ممدوح تعبان اوى وبتعيط جريت ساره ع الاوضه ممدوح لاقته نايم ع السرير
ساره بتعيط: فى ايه يا مروه ممدوح حصله ايه
مروه: مش عارفه بقاله يومين مش بياكل ولا يخرج من اوضته قلقت عليه جيت لاقيته كده الدكتور قال ضعف عام ومتعرض لصدمه
ساره راحت ناحيه ممدوح وعماله تعيط ومسكت ايده : ممدوح .. انت ايه حصلك ..ليه كده هو دا كلامك انك مش هتسيبنى ..هو دا وعدك ليا قدام ربنا تعمل كده ومتهتمش ليا ... ليه يحصلى كده تانى يارب هو انا موعوده بالى بحبه يروح منى كده ..
وفى وسط وهى ومنهاره فتح عينه ممدوح وقال: بحبه يعنى انتى بتحبينى يا ساره بيتحبينى يا ساره
ساره تنحت : ممدوح ..انت فايق مش تعبان
قام مسك ايديها وشدها ناحيته : هو انا لازم اعمل نفسى ميت علشان اخليكى تنطقى قلتلك اسمعى لقلبك مش هيكدب عليكى
خبطته ساره فى صدره وراحت باصه ل مروه لاقتها بتضحك وبتصورها : انتى بتعملى ايه يا مصيبه والله ماشى
مروه مش قادره من الضحك: فكره ممدوح التمثيليه خرافه كل تمثيله بتصدقيه بسرعه ماشاء الله عليكى
ساره بصت لممدوح وهو لسه شاددها ناحيته : بتمثل عليا يعنى بتحبنى تمثيل
قام اتنتر من ع السرير وجاب مصحف جنبه: اقسم بالله العظيم كل كلمه قلتلهالك ربنا شاهد عليها وانها صادقه وانا بحبك اد ايه ومتمنتش ف الدنيا غيرك ولا شايف غيرك بحبك ... بمووت فيكى .. بعشقك
ضحكت ساره ع كلامه وطريقته ال خلااها تعترف بانها بتحبه ببساطه كده
وسجلت مروه الموقف دا فيديو
ممدوح: لو رجعتى ف كلامك يا ساره هفرج كل ال اعرفهم ومعرفهمش ع كلامك وانك بتحبينى ها انا مجنون واعملها
ساره: ابقى اعملها انا مقلتش حاجه
وجت تمشى ساره قام ممدوح وقف وشدها من دراعها بقت ف حضنه : هو دخول الحمام زى خروجه انسى بقى انك تخرجى انتى خلاص اتجمركتى
ساره مبتسمه وحركت دماغها بس وهى فى حضنه
وكانت احلى لحظه فى حياه ممدوح وابتدى ارتباط ممدوح وساره بااعترافهم بحب بعض وفى يوم قبل ما يرجعوا مصر ممدوح خرج لوحده مع ساره ومروه خرجت مع مازن ..اخد ممدوح ساره لاااماكن كتيره راح ع حديقه كبيره وجاب لساره بلونات وشيكولاته وايس كريم وكانت مبسوطه اوى وطول ماهما ماشين ماسكين ايد بعض فقعدوا ع الارض فى الحديقه وساره ماسكه البلونات فى ايديها
ساره : انا مبسوطه اوى ال يشوف ال جيبهولى يقول مخرج بنت اختك الصغيره
ممدوح ماسك ايد ساره: انتى بنتتى واختى وحبيبتى وحياتى ومراتى وعمرى واى حاجه نفسك فيها مجابه من غير تفكير
ساره: انا مش كنت اعرف ان السعاده طعمها كده
ممدوح ماسك ايديها وباسها: حبيبتى انا لو اطول اجبلك سعاده الدنيا كنت جبتهالك انا ضحكتك دى عندى بالدنيا ..ساره متعرفيش اد ايه كنت مستنى اللحظه دى انى اكون معاكى انا اخيرا حسيت الدنيا صالحتنى بيكى
ساره: انا ال حسيت الدنيا صالحيتنى بيك ع كل ال فات
ممدوح: احنا ولاد انهارده الحظه ديه من لحظه ماقلتلك بحبك ال قبل كده مش محسوب عندى ممسوح من الذاكره
ساره باصه لممدوح: انت عملتلى كتير يا ممدوح ربنا يخليك ليا يا اجمل هديه من ربنا ليا بعد كل ال حصل
ممدوح باصص ليها : ال فات خلاص ماشى.. خلينا نفكر فى دلواقتى وال جى
ساره بصت ع عين ممدوح لاقت رمشه واقعه مسكتها : اتمنى امنيه حالا
راح ممدوح اتمنى امنيه
ساره: ايه هى بقى
ممدوح سكت ثوانى وباصص ل ساره : لو عاوزه تعرفيها غمضى عينك
ساره بدون تفكير غمضت عينها ..
فقرب ممدوح منها براحه : انا هقول امنيتى وهتحققيها ليا
ساره بتلقائيه وهى مغمضه: طبعا ايه هى بقى
ممدوح : امنتيتى هى ....ممدوح قرب من ساره واحده واحده وقرب وشه من وشها وقرب من شفايفها وباسها وكانت اول بوسه بينهم واول بوسه ليهم واول دقه تجمعهم تدق فى نفس اللحظه و بدايه حكايتهم بعد انتظار سنين
_______________________________________________________
فى الطياره مروه وساره راجعين مصر مع باقى الجروب الا ممدوح
مروه شايفه ساره الابتسامه مبتغبش عن وش ساره وانها هتطير من السعاده : نمسك الخشب ولا ايه
ساره ضحكت: مروه بجد مش كنت اعرف ان دا معنى السعاده دا الاحساس بيه غير الكلام عنه ...
مروه : انتى كنتى بتقاوحى نفسك يا ساره ..داانتى هتطيرى
ساره وملامح السعاده : دا هديه ربنا ليا لل شوفته واجمل هديه
رجعت ساره مصر هى ومروه لكن ممدوح فضل موجود بسبب شغل وكان هيرجع بعديهم بااسبوعين واتفق مع ساره اول ما هيرجع هيروح يتقدملها ع طول ..اول ما وصلت الشركه موظف الاستقبال قابل ساره
موظف الاستقبال: انسه ساره فى واحد جه سئل عليكى كذا مره
ساره: اسمه ايه
موظف الاستقبال : مش قال اسمه بس قال هيكلمك
طلعت ساره ع مكتبها وقعدت جتلها ماسج من ممدوح (وحشتينى )ردت عليه وبعدها بثوانى تليفونها رن وكان رقم فردت
ساره: الو
احمد: صوتك لسه جميل زى ماهو
تنحت ساره من الصوت شبهت عليه : مين
احمد: ايووووووه نستينى بسرعه كده
ساره : احمد
احمد: ساره عاوز اشوفك ضرورى
ساره :,,,,,
__________
