(7)
قابل مصطفى ملك وقعدوا فى كافيه
ملك: مدخلتش الكليه ليه ساره كانت جوه
مصطفى: عادى يعنى انا كنت عاوزك انتى فى موضوع
ملك بسعاده: الايام بتلف من سنه كانت ساره مكانى يا مغير الاحوال
مصطفى بيضحك :انتى معترضه ولا ايه
ملك: لا بالعكس داانا كنت بتمنى اكون زى ساره
مصطفى بنظره ثقه: استحاله ان ساره يبقى حد زيها
ملك اتوترت فغيرت الكلام :
بس غريبه هى حتى مقالتش سلميلى عليك بس انا هسلم عليك نيابه عنها
مصطفى: الله يسلمها وهى لوحدها جوه ولا ايه
ملك بتلقائيه: قالتلى هتقابل احمد
مصطفى : احمد ....
ملك: هو انت مش بتحبه ليه
مصطفى: لانه مش يستاهل ساره
ملك: بس هو بيحبها
مصطفى: بس هى مبتحبوش
ملك استغربت: وانت عرفت منين
مصطفى بملامح جد : انتى لو تعرفى ساره كويس هتعرفى مش احمد الى يستاهلها وانها مش بتحبه وبتحب واحد تانى
ملك اتوترت :تقصد ايه
مصطفى : لا مقصدش حاجه سيبك من ساره انا كنت عاوزك فى حاجه مهمه
ملك باابتسامه: كلى اذان صاغيه
مصطفى اخد نفس :انا بعد موافقتك عاوز اقابل اهلك
ملك من الفرحه مصدقتش نفسها : بتتكلم بجد
مصطفى: مينفعش الهزار كده لو مش عاوزه ارجع فى كلامى عادى
ملك بتضحك: انا مش مصدقه بجد
مصطفى: هو انا هلاقى احسن منك واهلى نازلين كمان اسبوع
وباباكى هنا يبقى فرصه يتقابلوا ونتفق
ملك : انا فرحانه اوووى ..مصطفى انا من وقت ما عرفتك والحياه بقى ليها طعم تانى انا بحبك اووووووووووووى
مصطفى باابتسامه : ويشرفنى تكونى مراتى
ملك اتكسفت وكانت هطير من السعاده
وصلها مصطفى لبيت وقبل ما تدخل شقه خالتها راحت اتصلت بساره
ملك: سوووو انا اسعد واحده فى الدنيا
ساره: خير فى ايه
ملك: اخيراااااا مصطفى نطق وقالى بيحبنى وطلبنى لجواز
ساره سمعت الكلام زى الصاعقه معرفتش تنطق
ملك: ساره انا فرحانه اوووى انا بجد اسعد واحده ومن غيرك مكنتش هكون كده
ساره حاولت تجمع نفسها: مبرروك يا لوكتى يااحلى عروسه
ملك: انا هطلع اغير واكلم بابا وماما علشان نحدد ميعاد لان اهله جايين اسبوعين وهبقى اكلمك تانى
ساره مكنتش عارفه ترد عليها وقفلت ودموع عنيها ابتدت فى النزول
وحطت ايدها ع صدرها لان قلبها وجعها اوووووووووى
معانها كانت عارفه ان دا هيحصل بس مقدرتش توقف دموعها
بصت لنفسها فى المرايه وقالت : الدموع ديه معناها نهايه
اى حاجه كانت ممكن تبتدى وكل حاجه فى مكانها الصح كده
تليفونها رن وبصت لاقت احمد
فقررت تديله فرصه فى علاقتهم وتبقى جاده فيها عن الاول
وكده يبقى صفحه مصطفى حبها الاول فى حياتها اتقفلت بدون راجعه
______________________________________
فى اليوم الى اتفق فيه مصطفى مع ملك راح هو واهله واتقدم وخطبها
واتفقوا ع ميعاد الفرح ويوم فرح ساره كانت مع ملك
ساره: ماشاء الله يا لوكتى زى القمر
ملك: ساره انا مش مصدقه حاسه ان قلبى هيقف
ساره اتخضت: قلبك ايه ويقف ايه لا اهدى
ملك: بجد انا حاسه بان ربنا ادانى اكتر مما انا عاوزه بعتلى انتى فى وقت كنت فقده الثقه فى كل الناس وعن طريقك عرفت مصطفى
ساره باابتسامه: كله مقدر ومكتوب وكل واحد ميعرفش ايه هيحصله
والنصيب فين
ملك وهى ماسكه ايد ساره: بجد يا ساره انا بدعيلك ربنا يرزقك
بشخص زى مصطفى لانى من الى شيفاه احمد مش مناسب ليكى
ساره بتضحك: يواد ياخبره انتى داانتى معرفتيش غير مصطفى
واتعاملتى معاه علشان تحكمى ع الناس
ملك: بس قلبى حاسس بجد
ساره : لا قلبك دا خليه يركز مع مصطفى وسيبك منى انا بعرف اتعامل
بس احمد مش وحش بالعكس دمه زى العسل ودايما بيكلمنى
وبلاقيه دايما ناطط فى وشى من غير مواعيد فى الجامعه
بصراحه ببقى ىمبسوطه معاه وبيساعدنى مفكرش كتير
ملك: انتى سعيده يا ساره
ساره سكتت لحظات: المهم دلواقتى انك سعيده يا لوكتى
ملك بصتله لثوانى :برضه خلى بالك
ساره بصت لملك: هو انتى هتقضيها عليا كلام وانهارده فرحك
ركزى فى نفسك يا عروسه
ساره: صحيح عرفتى مصطفى بموضوع تعبك
ملك : لا
ساره: نعم ليه كده دا حقه يعرف
ملك: هقوله بعدين مش دلواقتى انا عاوزه يتجوزنى علشانى مش عطف
ساره بصتله: انتى غريبه اوى
فى وقت دا مصطفى وصل هو وممدوح علشان ياخدوا ملك
مصطفى بص ع ساره باابتسامه وراح لملك
مصطفى: ايه القمر دا
ملك بكسوف: متكسفنيش بقى
ساره بهزار : القمر نزل ع الارض وهتاخده معاك ع المانيا
حافظ عليه بقى
مصطفى باابتسامه: دى فى عيونى
دورت ساره راسه الناحيه التانيه شافت ممدوح راحت تسلم عليه
دخل مصطفى وملك الاستوديو يتصوروا وقفت ساره وممدوح مستنينهم برضه ممدوح بيبص ل ساره: ماشاء الله عليكى يا ساره
ساره باابتسامه: دا ااقل حاجه عندى ع فكره
ممدوح بيضحك: يلا عقبالك
ساره: لا لسه شويا لما اخلص الكليه
ممدوح: يعنى مينفعش حتى خطوبه
ساره: عندى فى البيت ارتباط يبقى بعد الكليه علشان اركز
ممدوح: وعامله ايه مع احمد
ساره : الحمد الله ماشى الحال
ممدوح: هو مش هيجى انهارده
ساره: لااسف مش هيعرف بس باعتلى مباركته لمصطفى وملك معايا
ممدوح: انتى عارفه ان مصطفى وصانى عليكى
ساره بصتله بااستغراب : ودا ليه
ممدوح: يعنى احتاجتى حاجه مساعده صديق انا موجود
ساره: بجد انا سعيده انى اتعرفت ع شخص زيك ومدام جى بتوصيه
متشتكيش بعد كده
ممدوح بيضحك: لا متقلقيش مش هشتكى انا هبقى مبسوط جداا
ساره: انا قلتلك اهو
ممدوح : هيفرق معاكى سفر مصطفى وملك ع انهم اكتر اتنين قربيبن ليكى
ساره بتنهيده : مكدبش عليك انا فعلا حاسه ان حاجه كبيره منى بتروح بعيدبس دى سنه الحياه كل واحد بحياته وهعود نفسى
ممدوح: انا موجود اهو مساعده صديق رغى وقت ما تنوى هتلاقينى موجودوطبعا مفيش مشاكل لو سالت عليكى كل فين وفين
ساره : لا طبعا عادى ماانا الى ابتديت وكلمتك يعنى التصريح اتديهولك
ضحكوا الاتنين
و ممدوح باصص ل ساره وهى بتبتسم وكانت بتحاول تبان عادى
وممدوح فضل مراقبها من بعيد ولغايه ما خرج مصطفى وملك
وصلوا لقاعه والفرح خلص ووقفت ساره تسلم ع ملك ومصطفى
ساره: مبروك يا لوكتى ربنا يهديلكم حالكم ويبعد عنكم اى حاجه وحشه
ملك: عقبالك يا سو يا حبيببتى ..هتوحشينى اووى
بس هنتواصل ع طول مع بعض نت وتليفون
ساره: طبعا طبعا
ساره بصت لمصطفى وباابتسامه وروح حلوه: مبروك يا درش
معاك امانه تحطها جوه عينك قلتلك اهو لو زعلتها هتلاقينى انا الى وقفالك
مصطفى بص لساره نظره غريبه وترؤيتها : متقلقيش عليها داانتى موصيانى عليها من زمان
اتلغبطت ساره وقلبتها ضحك وجت تستاذن وقفها ممدوح
ممدوح: رايحه فين
ساره: هروح
ممدوح: لوحدك كده
ساره: مش هتخطف هوقف تاكسى
ممدوح: لا طبعا انا هوصلك
ساره بضحك: يوووه لو مكنتش تحلف
ممدوح ضحك: طيب يلا بينا
ركبت ساره مع ممدوح العربيه وفتحوا كلام
ممدوح: ساره هو ينفع اسئلك سؤال
ساره: اتفضل طبعا
ممدوح: هو انتى حبيتى مصطفى
ساره باابتسامه : اقولك وتصدقنى
ممدوح: معاكى
ساره: انا الى حسيته اتجاه مصطفى احساس مش عارفه معناه
وعلشان مصطفى اول شخص يدخل حياتى فلاقيت نفسى ماشيه ورا احساسىواحساسى قالى ان دا حب .. لكن الواقع قالى مش حب
ممدوح : ازاى يعنى
ساره: الحب بالنسبالى استقرار والشخص الى احبه افضل معاه مش تجربهانما علاقتى مع مصطفى اتكتب عليها عدم الاستمرار بالرغم من انها مبدئتش اساسا بس كل واحد مع الانسان المقدر ليه ودى حكمه الحب الاول انه مش دايما بيدوم
ممدوح: طيب واحمد
ساره بتضحك: هو انت ممكن تقول ربنا بعتلى احمد يخفف عنى
ويخلينى الم نفسى وابتدى حاجه صح بين طرفين مش طرف واحد
يعنى انا اعتبرته منقذى وبصراحه هو مش مقصر
ممدوح: يعنى مصطفى حبك الاول الغير مكتمل واحمد مشروع حب تحت الانشاء
ساره بتضحك: حلو اوى اسلوب المهندسين دا
ايوه ممكن تقول كده .. انا بعد تفكير لاقيت انى مش هينفع ارتبط بمصطفى والصح يرتبط بملك .. وفى نفس الوقت ادى احمد فرصه علشان حياتنا فرص ومش بتتكرر .. ودايما بيقولوا خدى الى بيحبك علشان الوجع ميبقاش جامد زى لما تحبى ومتاخدهوش ..يعنى
ممدوح : انتى اتالمتى اوى يا ساره وبتقاوحى
ساره: انا من اللحظه الى كلمت مصطفى وقفلت الصفحه خلاص
وهاخد وقتى وهبقى كويس متقلقش
ممدوح: بجد اتمنى تكونى فى احسن حال
..وسعيد جدا انى اتعرفت عليكى
ساره بتضحك : انا الاسعد ..وبعدين متندمش ع قرارك فى الصداقه دا ها
بيضحك ممدوح: لا متقلقيش انا مصدقت
وصل ممدوح ساره لغايه البيت وطلعت لاقت مامتها مستنياها
ودخلت اوضتها تغير ودخلت مامتها الاوضه
مامتها بملامح حزن : كان حلو الفرح
ساره: جداا يا ماما ربنا يفرحهم
مامتها بنبره حزن: انا وباباكى كنت متوقعين انتى الى تتجوزى مصطفى
من تصرفاته واهتمامه واحنا اديناله مساحه يتصرف براحته على اساس انه حد مضمون وكويس واتفاجئنا بصراحه لما قلتى انه هيتجوز ملك ..بس اتصدمنا
ساره باابتسامه: يا مامتى كل شئ نصيب ومنعرفش ايه مكتوبلنا عند ربنا وانا بجد فرحنالهم جدااااا
حضنتها مامتها : ربنا يرزقك بالزوج الصالح ان شاء الله وافرح بيكى
ساره وهى فى حضن مامتها : طبعا لما اخلص الكليه صح
مامتها : طبعا مصطفى الى كان استثناء واحنا توقعنا اكتر من الممكن
ساره ودمعه نزلت من عنيها : كله نصيب ومكتوب يا ماما
_________________________________
مرت سنه ع سفر ملك ومصطفى ودايما ملك يوميا تكلم ساره ع النت
وفاتحه الكاميرا ويفضلوا يرغوا بليل مع شبه مقاطعه كلام مع مصطفى
وساره بقى وقت النت عندها ملك وممدوح اوقات ع حسب ما بيفتح
ومكالمات تليفون وبيروحلها الجامعه كتير وعلاقه صداقتهم بقت جامده واحمد ويوم بيكلم احمد ساره ع الموبيل
احمد: وحشتينى
ساره: بتقول ايه
احمد: بحبك
ساره: ايوه يا ماما بتنادى
احمد ضحك: هو انتى دايما تصدريلى مامتك دى حبيببتى
ساره : ماشى ياعم انت فينك كده
احمد: راجع من الشغل اهو كنت فى مشوار
ساره: مشوار ايه دا بتلف من ورايا اه قول بقى انت فى حته وانا فى حته
احمد: انت مصدقتى ماسوره وانفجرت كنت فى مشوار ببص ع شقق
ساره: ليه كده هتعزلوا ولا اشتغلت سمسار
احمد بيضحك: خفه دمك ديه هتوديكى فى داهيه
ساره: طيب كويس هروح وانا بضحك
احمد بيضحك: ههههههههه بطلى يابت
ساره: بت ما تبتك انت بتكلم بنت اختك
احمد: الله الله وكبرنا اهو وصوتنا بيعلى
ساره: لا اطلاقا داانا كنت بسلك الحنجره
احمد: ماشى هنعدوهالك المرادى
ساره بتضحك: ههههههه لا بجد كنت بتشوف شقق ليه
احمد: بشوف شقه ليا
ساره: مبرووك هتتجوز
احمد: لا بجد
ساره: مش تقولى يابنى هفرحلك والله بس منين العروسه
احمد: العروسه واحده مطلعه عينى من القاهره قلت اخطبها قالتلى
اهلها مش هيوافقوا الا لما تخلص دراسه فقلت اجيب الشقه واجهزها
لغايه ما تخلص علشان تخلص من هنا واخطفها من غير كلام من هنا
ساره بتضحك: هههههههههه لا جدع وتعملها
احمد: هتشوفى
ساره: ولاقيت شقه ولا لسه
احمد: شفت كام حاجه بس لسه مكررتش
قوليلى صحيح انتى المهم عندك فى الشقه ايه
ساره: ع اساس انا العروسه
احمد: اعتبرى نفسك ياستى
ساره: المهم تكون واسعه والمطبخ واسع لانه اغلب الوقت فيه
والصاله كبيره علشان متخنقش
احمد: امممممم طيب يعنى كام اوضه كده
ساره: امممم شقتنا 3 اوض وصاله وريسيبشن وحمام كبير ومطبخ كبير وطرقتين
احمد: ايه الدقه ديه انتى بتتمشى فيها
ساره: اها علشان متخنقش ياعم الرخم
احمد: طيب اشطه اعتبرى الشقه هتتوجد نسخه من شقتكم علشان متحسيش بغربه
ساره: هو انا وافقت اصلا عليك
احمد: اقفلى ياساره مش طالبه رخامه
ساره: انت الى خسران يا عبد السميع
احمد: لا داانا ما صدقت انك وافقتى عليا
مامت ساره ندهت عليها
ساره: طيب يلا طير بقى علشان ماما بتنادى عليا
احمد: اطير انتى بتكلمى عصفور .. وانا الى كنت فاكرك رومانسيه
طلعتى واحد صحبى
ساره: والله احنا فيها مش عاجبك اخلع انا مضربتكش ع ايدك
احمد: انتى بتتلككى ولا ايه يلا قبل ما اعوزك
ساره بتضحك : سلام
فى اللحظه ديه مامتها دخلت عليها الاوضه شافت ع وشها ابتسامه نص
مامتها: فى ايام ما كانت ابتسامتك بتطيرك من ع الارض
ساره باابتسامه : ومالها ضحكتى ممكن تقولى انى عقلت بس شويا
وباست مامتها وخرجت من الاوضه
مامتها: استنى نستينى كنت عاوزاكى ليه
ساره بصوت عالى : لما تفتكرى كلمينى لانى نازله
___________________________
وفى يوم ملك قاعده مع مصطفى وبيتفرجوا ع فيلم عربى قديم
مصطفى : ساره بتحب الفيلم دا اوى ابعتيلها خليها تتفرج عليه
ملك باابتسامه: حاضر
مصطفى بيتفرج ع الفيلم وبيتمتع وفاجاءه : ساره ممكن ش..
لاحظ انه مش قال اسم ملك : سورى ملك ممكن شاى
ملك باابتسامه : متتأسفش قلتلك كذا مره
مصطفى بخجل: بجد مقصدش حاجه بس مش عارف ازاى بقول اسمها
ملك باابتسامه : لانه لسه فى قلبك
مصطفى تنح: ملك انا قلتلك من وقت ما اتجوزنا مفيش حاجه بينى وبين ساره زى ماانتى شايفه الكلام مبنتكلمش اصلا وثانيا قلتلك الموضوع كان من ناحيتى بس وانا قفلت عليه علشان عاوز ابتدى بدايه جديده معاكى ..هو انا مقصر ف حاجه
ملك: لا مش مقصر بالعكس ..دا الى كنت بتمناه اكون جنبك وافضل معاك وانت بتحاول ترضينى بكل الطرق وتسعدنى
مصطفى: صدقينى مش هيتكرر تانى الغلط من شويا ديه
ملك : لالالا بالعكس داانا ببقى فرحانه لما بسمع اسم ساره
مصطفى باصص ليها كده: بجد مش هتتكرر تانى
ملك باابتسامه: ينفع اطلب طلب
مصطفى : اتفضلى طبعا نفسك فى حاجه عاوزه حاجه اجيبهالك
ملك: اتجوز ساره
مصطفى تنح ل ملك: نعم
ملك: اتجوز ساره ونعيش سوا هنا مع بعض صدقنى ماهو زعل منى ولا مضايقه
مصطفى مستغرب من كلامها قامت ملك جابت المصحف وحط ايدها عليه دموع نازله من عنيها :
وكلام ربنا انا مافى نيتى اى حاجه وحشه لا ناحيتك ولا ناحيتها وانا بحبكم لانكم اغلى اتنين فى حياتى الى غيرتوها لاااحسن مما كنت اتوقع يحصل ...وانا عارفه ان انت بتحب ساره وساره كمان بتحبك
واقنعتك تتجوزنى علشانى ودى حاجه اثبتتلى ان ساره شخص صعب تلاقيه تانى وانت عاوز اطفال وانا حاسه انى حارماك وخصوصا بعد الى سمعته من الدكتور بنفسك ان صعب يحصل حمل لانه غلط عليا وكانه عقاب من ربنا على الى عملته بينكم ... مش فيها حاجه نعيش سوا وبدل ما بتلغط فى اسمى وتقول ساره بتحب دا وساره لو هنا هتعمل كده نعيش كلنا مع بعض .. وكلام ربنا المجيد انا بكلمك كلام صادق من قلبى من غير مجاملاات وربنا يعلم بصدقه انا حاسه من الاول انى اخدت مكانها ومش استحقه انا افتكرت هتتعود عليا وهقدر اخليك تحبنى
انا امنيتى انى اعيش معاك واموت وانا شايله اسمك انت انا محبتش عمرى غيرك ..انت مقصرتش معايا فى خلال السنه ديه ولا حسستى بمرضى حقك تعيش وساره تعيش بدل ماهى واهمه نفسها باانها بتحب شخص تانى انا بعترف بانانيتى انى مفتحتش ساره واتكلمت معاها عليك ..انا قلبت الموضوع لصالحى للحظه خفت ساره ترتبط بيك ..انا مكنتش هستحمل مش ذنبكم بس اكون لحد تانى غيرك لا مش هقدر
انما ساره عملت العكس جت ع نفسها علشانى ودا تاعبنى .....
مصطفى انا فكرت كتير وهو دا الحل وكنت هفاتح ساره الاول فقلت افاتحك انت علشان تساعدنى ع اقناعها
واحنا هننزل مصر قريب الزياره يا نرجع احنا التلاته يا هترجع لوحدك لانى مش قادره اتحمل اكتر من كده وانا شيفاك بتقنع نفسك بواقع وهى كمان ودا بسببى انا ..مش قادره اكسب شخص ع حساب شخص تانى
ساب ملك مصطفى ودموع نازله من عنيها ومصطفى مستغرب من الى سمعه دا ومنطقش بولا كلمه
________________________________
فى يوم ممدوح بيكلم ساره ع النت
ممدوح: هاى
ساره: ياهلا
ممدوح: عندى ليكى خبر حلو
ساره: هتتخطب
ممدوح: انت عاوزه تزقينى وخلاص
ساره: ماهو الخبر الحلو لعزاب الجواز بصراحه هههههههه
ممدوح: لا انا مش هتجوز الا لما اطمن عليكى دانتى متوصى عليكى
ساره: بلاش احس بتانيب الضمير دا يابنى لو فى بنت حلال اتكل
ممدوح: خلاص دوريلى انتى
ساره: ابعتلى اال cv وطلباتك وندورلك
ممدوح: هو الاختصار فى جمله واحده بس
بنت نسخه طبق الاصل من ساره
ساره: هههههههههههه لا لااسف مفيش نسخ هى طبعه واحده ومحجوزه انت الى جيت متاخر
ممدوح: ياريتنى كنت قدمت طلب بدرى
ساره: هههههههههه استنى بنتى بقى
ممدوح : ههههههههه وماله استناها
ساره: بس والله فى بنات حلال كتير دور انت بس
ممدوح: بس مفيش زيك انتى
ساره: بس بقى لصدق انك بتعاكسى وانا مرتبطه
ممدوح: هههههههههه قضيه تحرش علنى
ساره: اها وانا الى هبلغ
ممدوح: لا خلاص يا بيه
ساره: بجد بقى ايه الخبر الحلو
ممدوح: هى ملك مقالتلكيش انهم نازلين الاسبوع الجى اخره
ساره: لا خالص
ممدوح: اممم خلاص اعملى نفسك متفاجئه بقى لانهم نازليين
الاجازه علشان ملك تشوف مامتها علشان تعبانه
ساره: اممممم ماهو انا عارفه وكنت بروح اطمن عليها
ممدوح: يعنى عاوزه تفاجئك اعملى من بنها بقى
ساره: هههههههههه ماشى يا بنها
قفلت مع ممدوح واتصلت ع ملك
ساره: وحشتينى يا لوكتى
ملك: وانتى كمان بس هانت اهو
ساره: هتيجى قريب ولا ايه
ملك: بصراحه كنت عاوزه افاجئك بس يلا لمرادى
ع اخر الاسبوع الجى كده
ساره: والله احلى خبر نفسى اقعد معاكى اووى
ملك: وانا كمان وعاوزاكى فى موضوع مهم اوى مش هينفع نت ولا تليفون لازم تكونى قدامى
ساره: ايه جو الاثاره دا
ملك بتضحك: وهيعجبك
ساره: وانا فى الانتظار ابقى سلميلى ع مصطفى
ملك: يوصل
_____________________________
قبل يومين من وصول ملك ومصطفى ساره اتصلت بمامت ملك تطمن عليها ردت اخت ملك منال وبتعيط
ساره بقلق : منال فى ايه طنط حصلها حاجه ولا ايه
منال وهى بتعيط: ملك يا ساره ملك
ساره اتخضت : ملك مالها فى ايه
منال بتعيط: ملك ومصطفى عملوا حادثه والاتنين حاله خطره
ساره موبايلها وقع من ايديها ومش مستوعبه ومش عارف تصدق الى سمعته دا راحت اتصلت بممدوح
ساره: ممدوح ايه الى حصل دا
ممدوح صوته متوتر ومخضوض: انا مش عارف اى حاجه انا رايح المطار
اشوف اى رحله وهسافر ليهم انا كنت هكلمك واعرفك لما اشوفهم واطمن
ساره ودموع نازله من عنيها : ملك .. مصطفى
ممدوح بيحاول يهديها: اهدى ياساره ان شاء الله تكون حاجه بسيطه
ساره بصوت مخنوق عياط: ممدوح اول ماتوصل تطمنى انا هفضل صاحيه
والموبيل جنبى فى اى وقت كلمنى بالله عليك
ممدوح: ان شاء الله ان شاء الله
قفلت ساره مع ممدوح ودموعها بتنزل من عنيها مش مستوعبه الى حصل وانها مربوطه مش عارفه تعمل حاجه فضلت صاحيه طول اليل تبص ع موابيلها وتقرا قران وتصلى وتتدعى ربنا يكونوا بخير
تليفونها رن وكان ممدوح
ساره بقلق: الو .
ممدوح بصوت منهك وحزين: ايوه ياساره ..
انا وصلت من كام ساعه وعندهم فى المستشفى وقلت اطمنك
ساره: وهما عاملين ايه واصابتهم ايه
ممدوح كان متردد يكلمها اصلا : هما .. كويسين كويسيين انا هقفل دلواقتى وهكلمك بعدين
ساره: طيب ابقى طمنى عليهم
ممدوح: حاضر .. سلام
قفل ممدوح وهو مش عارف يقولها ايه وهى لوحدها كده سمع صوت بينادى عليه من قرايب مصطفى
قريب مصطفى : ممدوح
ممدوح لف ع الصوت : ايوه
قريب مصطفى: كلمت اهل ملك فى مصر تعرفهم
ممدوح تنح : لالا هكلمهم دلواقتى اهو
قريب مصطفى : كلمهم واسئلهم ملك عاوزينها تتدفن فين هنا عندنا ولا عندهم فى مصر علشان نتصرف ونخلص الورق
ممدوح بيتنهد: اصلا اوصل لشخص خبر موت حد غالى عليه صعبه
قريب مصطفى: والله الى حصل دا مكنش متوقع حادثه ع الطريق
ولكن تتعدد الاسباب والنتيجه واحده وربنا يلطف بمصطفى لان حالته الدكتور مش مطمنا
ممدوح: ربنا يستر لان خبر الحادثه كارثه اصلا
قريب مصطفى : طيب يلا بينا نشوف الاجراءات بعد ما تكلم اهل ملك
ممدوح: ادخل انت وانا هحصلك لما اخلص
وقف ممدوح من الصدمه مش مستوعب الخبر هيبقى فى مصر ازاى وهيستقبلوه ازاى وانه مش قال لساره حاجه ولا اى تفاصيل اصلا
فقرر يكلم اهل ملك اخد رقم اخوها وكلمه
_________________________________________________
____________________________
تانى يوم الصبح لبست ساره وقررت تسافر لااهل ملك
تطمن عليهم ومش كانت تعرف اى حاجه عن الى حصل وان ملك ماتت
وصلت البيت سمعت صوت قران شغال بصوت عالى وستات لابسه اسود
داخله البيت كل دا ومش فى دماغها حاجه حصلت لملك وافتكرت مامتها
ولسه هتطلع البيت تليفونها رن وكان ممدوح
ساره بصوت مخضوض : الو
ممدوح: انتى فين وايه الصوت العالى دا
ساره: انا ..انا عند اهل ملك
ممدوح اتخض واتوتر: ايه اهل ملك روحتى لوحدك ليه
ساره: انا جيت اطمن ع مامت ملك وابقى معاهم واطمنهم ع ملك
ممدوح بصوت لجلجه: ساره
ساره: ها
ممدوح بصوت متوتر: ملك
ساره دموع نزلت من عنيها : ماتت
ممدوح : انا مردتش اقولك ومكنتش متوقع انك تروحى لوحدك و
ساره قاطعته: ومصطفى كمان
ممدوح : لالا مصطفى فى المستشفى حالته لسه مستقرتش
ساره فضلت ساكته ودموعها نازله من عنيها
ممدوح: ساره
ساره : انا هقفل دلواقتى
قفلت ساره وفضلت مش مستوعبه الى سمعته صاحبتها واقرب واحده ليها كانت مكلماها من يومين وبتستنى كمان يومين علشان تشوفها
خلاص مش هتشوفها تانى ..مشيت ببطى ودخلت لاقت منال اخت ملك ومامتها وقرايبها منهارين فى العياط
وساره بتحاول متصدقش الى سمعته شافتها مامت ملك فتحت ايديها
راحت ساره رمت نفسها فى حضن مامتها وانهارت فى العياط
روحت ساره وطول الطريق دموعها مبطلتش نزول وتفكيرها فى صاحبه عمرها ماتت ومصطفى اول حب حالته صعبه وافتكرت ال عملته علشان يفضلوا جنبها والقدر فرقها عنهم برضه بالموت
_______________________________________________________
مر اسبوع وحاله مصطفى مش مستقره وفى يوم ممدوح كان فى المستشفى عند مصطفى دخل اوضته وقرب منه ومسك ايده وبيكلمه : مصطفى حاول تتماسك وتكون اقوى من كده انت مش شخص يستسلم لتعب كده قوم علشان كلنا مستنينك
وهو ماسك ايده مصطفى ضغط ع ايد ممدوح : ممدوح
ممدوح بسعاده انه سمعه وفاق: مصطفى انت كويس حمد الله السلامه
مصطفى بصوت ضعيف وتعبان : ملك
ممدوح بصوت متوتر : شد حيلك انت بس واتحسن
مصطفى: انا رايح مع ملك لانى مكانى معاها
ممدوح ودموع نزلت من عنيه: مصطفى مينفعش تقول كده
انت هتكون كويس بس انت ساعد نفسك
مصطفى بصوت ضعيف: اوصيك ب ساره يا ممدوح متسبهاش لوحدها
مت...تسبش ساره ...
وفاجاه سكت مصطفى وساب ايد ممدوح
ممدوح: مصطفى مصطفى انت كنت بتتكلم دلواقتى
خرج يجيب دكتور بسرعه ورجع ع الاوضه الدكتور حاول يعمل انعاش للقلب وفشل ممدوح فضل واقف مكانه ومش مستوعب الى حصل وان مصطفى نطق قاله الكلمتين دول ومات ..خرج ممدوح من الاوضه من عند مصطفى ودموعه نازله على خسارته صاحب عمره
وبعت رساله لساره __البقاء لله __
استلمت ساره الرساله وكانت خايفه تفتحها وايديها بترتعش
جمدت قلبها وفتحت الرساله وقريتها ومن صدمتها دموعها مقدرتش تحوشها وقلبها وجعها اووى قعدت ع الارض وفتحت فى العياط دخلت عليها مامتها
مامتها: مالك يا ساره فى ايه
ساره بصوت عياط: مصطفى ياماما راح لملك خلاص بقيت لوحدى
حضنتها مامتها : لا حول ولا قوه الا بالله
اعمار يا ساره الله يرحمهم ويصبر اهلهم ويصبر اى حد ع فراقهم
فضلت ساره تعيط فى حضن مامتها تعيط مع انها كانت حاسه بس مكنتش تتوقع انها هتبقى جامده كده تخسر الاتنين مره واحده ورا بعض
_______________________________________________________
عرف احمد الى حصل ولاحظ ع ساره اتغيرت وبقت تسرح كتير ومبقتش تضحك زى الاول ونزولها الكليه قل اووى ومبقتش تدخل نت زى الاول
فى يوم الصبح بدرى كانت بتجهز ساره علشان تنزل الكليه
تليفونها رن وكان احمد
ساره: صباح الخير
احمد: صباح الخير ع القمر
ساره: ايه مصحيك بدرى كده شغل ولا ايه
احمد: امممم بصراحه شغل مهم جدااا
ساره: طيب ربنا يسهلك يومك
احمد: ايه نظام القلب دا
ساره: لا مش قلب بس مش عاوزه اعطلك
احمد: لا مش تعطلينى ولا حاجه بس انا جعان متعتش ومطبق من امبارح
ساره: ودا ليه يعنى افطر
احمد: مش بعرف افطر لوحدى
ساره بتضحك: اجى افطرك
احمد: ياريت
ساره: ع عينى بس محطه مصر بعيده
احمد: لا مش بعيده مسافه نص ساعه من بيتك
ساره تنحت : هو انت هنا وفى الوقت دا
احمد: اخيررررررا وصلتلك كنتى هتخلينى اغير راى فيكى
ساره: وايه جابك بدرى كده ومقلتش امبارح يعنى
احمد: ايه الرد دا بدل ماتقوليلى نورت ياحبيبى وتاخدينى بالحضن اقصد تفطرينى
ساره بتضحك : يخرب عقلك والله مجنون
احمد: من ساعه ماعرفتك وانتى مشحتطانى كده يلا متتاخريش
هتلاقينى قدام الكافيه مستنيكى لان طبعا مش هيفتحوا الساعه 8 الصبح لو يرضيكى اقف بدرى كده ولوحدى واتعاكس اتاخرى انا قلتلك اهو
ساره بتضحك: اقفل يلا نازله اهو
احمد: اعملى حسابك مفيش كليه ها
ساره: دا امر .. تمام يا فندم
نزلت ساره ولاقت احمد واقف قدام الكافيه مستنيها وقربت منه
راحت مطلع شيكولاته وبيدهالها
احمد: انا عارف ان البنات بيعجبها الحاجات ديه
ساره باصه لشيكولاته بفرحه: جداااااااا
احمد: ايه دا دانتى مبسوطه انك شوفتى الشيكولاته عنى
ساره بتضحك: لا ليه كده ربنا يخليلى الى جبلى الشيكولاته
احمد: يلا بينا نفطر فى المطعم الى هناك دا
ساره: يلا بينا
قعدوا فطروا وبيهزروا واحمد خرجها من الجو دا وبعدها اخدها
وراح مكان تانى اتمشوا وقعدوا فى كافيه
ساره باصه لاااحمد ومبتسمه
احمد: لو عاوزه صور قوليلى اديلك
ساره: بجد ميرسى اوى يا ااحمد
احمد: ع ايه بتشكرينى
ساره: ع المجهود الى بتعمله برغم مشغولياتك وبتيجى القاهره
علشان تشوفنى وتقعد ساعتين معايا .. والاهم وقوفك معايا فى الى حصل انا بجد مبضحكش كده ولا ببقى مبسوطه غير معاك
احمد بصلها : علشان بحبك يا ساره انا ممكن اعمل اى حاجه تفرحك
ساره اتحرجت ورسمت ابتسامه ع وشها
احمد: اهو علشان الابتسامه ديه من اجيلك من اسكندريه لا دا لو فى موزنبيق اجيلك
ساره: ربنا يخليك ليا
احمد: ويخليكى ليا
ساره: اوعدنى يااحمد انك متسبنيش وتفضل معايا ووقت ماتحس بملل وزهق منى قولى وننفصل بهدوء
احمد: ايه الى بتقوليه دا انا مش هسيبك ابداا خلاص ربطت نفسى بيكى ومستنى السنه الجايه تخلص وتاخدى اليسانس يا متر وهتلاقينى فى بيتكم
ساره: ربنا يخليك بجد انا معنديش حد غيرك فى حياتى
احمد: وانتى كل حياتى
ابتسمت ساره من الكسوف وفضل احمد بيتكلم ويهزر
وخرجت ساره من المود الكابه الى كانت فيه شويا
____________________________________
نزل ممدوح مصر بعد ماقعد فتره مع اهل مصطفى فى المانيا
واول مانزل كلم ساره وطلب يقابلها
نزلت ساره فى كافيه استنيت ممدوح وهو وصل
ممدوح باابتسامه: ازيك يا قمر
ساره باابتسامه: تمام ايه اخرك مواعيدك مضروبه
ممدوح: لا ابدا السكه وحشه اوى
ساره: ماهو الى يقعد بره مبيعرفش يرجع لزحمه
ممدوح بيبص ل ساره وشايفها بتضحك بس جواها حاجه تانيه : طمنينى عليكى
صوتك فى التليفون متغير وبقيتى حد تانى خالص
ساره: لا ابدا هبقى كويسه بس اتاقلم مع الوضع الجديد
ممدوح: لا ياساره حاولى تكونى احسن من كده انتى كده مش هتريحى حد
ولو بتحبيهم بجد اهتمى بنفسك وعيشى لانهم اكيد هيفرحهم دا
ساره بتضحك نص ضحكه: ان شاء الله ..
اهو نصيب ومكتوب عليا واعمار واللهم لا اعتراض
ممدوح شافها ودموعها بتنزل وهى بتداريها: متمسكيش نفسك عيطى
ساره بصتله والدموع نازله: مش قادره اصدق انى مش هشوف ملك ومصطفى تانى انا عملت الى عملته علشان احافظ ع الاتنين جنبى ومخسرش حد فيهم
فى لحظه كده الاتنين يروحوا بلا راجعه ..صعب اوى العقاب دا
ممدوح: متقوليش كده دى قدر ومكتوب
ساره بصه لممدوح: بجد لولااك انت واحمد مش عارف كنت هستحمل ازاى الى حصل
ممدوح: انا جنبك فى اى وقت هتلاقينى موجود
ساره بصتله : تسلم يارب ا
ممدوح: كنت عاوز اقولك حاجه مهمه
ساره بصتله : اتفضل
ممدوح:
__________________________
