"မောင် မမှတ်မိဘူးလား...ပြန်စဥ်းစားကြည့်ပါဦး "
လောင်းရိပ်စကားကြောင့် မောင့်ဦးနှောက်အား အလျင်အမြန်အလုပ်လုပ်ရပါတော့သည် ။
"ဒါ ဘယ်လို မှတ်ဉာဏ်ကြီးလဲ "
မောင်၏ မှတ်ဉာဏ်ဆီသို့ အလည်တစ်ခေါက်.....
"ဦးရိပ်ရေ......"
အိမ်ရှိရာ အရှေ့ဘက်သို့ မသွားဘဲ အနောက်ဘက်သို့သာ တယိမ်းတယိုင်ဖြင့် ပြေးသွားနေသော မောင့်အား လောင်းရိပ် လိုက်ဖမ်းနေရပါ၏ ။ ပြေးနှုန်းနှင့် ရှောင်နှုန်းက အားကစားလုပ်သော လောင်းရိပ်ပင် အံ့သြရသည်။ ဖမ်းလိုက် လွတ်ထွက်သွားလိုက်ဖြင့် အိမ်သို့ ပြန်ကို မရောက်နိုင်ပေ ။
"မောင်...ရှူး..တိုးတိုး လူတွေ အိပ်နေကြပြီလေ "
"အာ...ဟုတ်လား...အဲ ဟုတ်သားပဲ ရှူး....."
မောင်က နှုတ်ခမ်းလေးပေါ်သို့ လက်ညှိုးလေးအား တင်လျက် မျက်ဝန်းလေးများ ဝိုင်းစက်နေအောင် လုပ်ပြနေသည်။
"ပြန်ရအောင်နော်..."
" လက်စွပ် စွပ်မပေးရသေးဘူးလေ "
"ရော့လေ "
လောင်းရိပ်လက်ထဲမှ လက်စွပ်လေးအား.ထုတ်ပြလိုက်တော့...
"မောင် ပြောသလို လုပ်ပါဆို...မလုပ်ဘူးလား...မလုပ်ရင် အကျယ်ကြီး အော်လိုက်မှာနော် "
မျက်နှာလေးအား တင်းထားကာ ခြိမ်းခြောက်နေသော ကောင်လေးအား ကြည့်ရင်း လောင်းရိပ် အပြုံးတို့ ရပ်၍ မရနိုင်ပါလေ ။
"ဦးရိပ်မပြောတတ်ရင် မောင် ရှေ့က တိုင်ပေးမယ်လေ ၊ ဦးရိပ်က လိုက်ဆိုပေါ့ "
"ဟား....မောင်ကတောလေ ၊ ဘယ်လိုတွေတောင် ချစ်ဖို့ကောင်းနေရတာလဲ "
"အယ်...ချစ်ဖို့ကောင်းတယ်လို့ ပြောလိုက်တယ်နော် "
"အင်းလေ "
"အဲ့ဒါဆို မောင်ပြောသလို လက်ထပ်ခွင့်တောင်းလေ "
"အဲ့လိုလုပ်ပြီးရင် အိမ်ပြန်မှာလား "
"ဟုတ် ဟီးဟီး ၊ တကယ် ဒူးလေးထောက်ပြီး လက်စွပ်လေး စွပ်ပေးမှာလားဟင်... ရင်တွေ ခုန်လိုက်တာ "
ŞİMDİ OKUDUĞUN
နားခိုခွင့် /နားခိုခြင့္ {Completed }
Romantizmငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
part (20)
En başından başla