ဒါပေမယ့် အခုတော့ သူနည်းနည်းနောင်တရမိသည်။ သူသာ ခန့်မှန်းကိုပိုနားလည်ခဲ့ပါက ဒီအချိန်မှာ ကောင်လေးကို ပိုကူညီပေးနိုင်မည်ဖြစ်သည်။
" မင်း နားထောင်နေသေးလား?" ထန်ယီမင်က မေးလိုက်သည်။
အချိန်အတော်ကြာသည်အထိ တိတ်ဆိတ်နေခဲ့သည်။
" အင်း " ကောင်လေးရဲ့အသံက ရှင်းရှင်းလင်းလင်း မရှိသေးပေမယ့် " ကျွန်တော် နားထောင်နေသေးတယ် "
ထန်ယီမင်က " မင်းရဲ့အခက်အခဲတွေ ကိုယ့်ကိုပြောပြချင်ရင် ကိုယ်အခုဒီမှာရှိနေပြီး အဲ့ဒါတွေကို ခွဲခြမ်းစိတ်ဖြာကူညီပေးနိုင်တယ် " ထို့နောက် သူသည် အကြီးတစ်ယောက်၏ အခန်းကဏ္ဍမှ ပါဝင်ပေးလိုက်၏။ " အင်း၊ ပြောရမယ်ဆို ကိုယ်ကမင်းထက် နှစ်နည်းနည်းလောက် အသက်ပိုကြီးတယ်လေ. . . ဝမ်ချင်းယွမ်ရဲ့ စိတ်ပညာရုံးခန်းက ကျောင်းသားလေးခန့်မှန်းအတွက် တံခါးအမြဲဖွင့်ပေးထားပါတယ် "
" ချိုက်ချိုက် "
[Eng Translator's note : ခန့်မှန်းပါပဲ၊ ဒါပေမယ့် ဒီအကြိမ်မှာတော့ တရုတ်လိုပဲ။]လေလှိုင်း၏အခြားတစ်ဖက်၌ ထူးဆန်းသောစကားတစ်ခွန်း ရှိနေခဲ့သည်။
"ဘာလဲ?" ထန်ယီမင် ပြန်မေးလိုက်သည်။ " ချိုက်ချိုက်?"
"အင်း " ကောင်လေးက " ကျွန်တော့်ကို ခန့်မှန်းလို့မခေါ်နဲ့ . . . ကျွန်တော့်ကို ချိုက်ချိုက်လို့ခေါ်ပေး " ဟု ညင်ညင်သာသာလေး ပြောလာသည်။
ချိုက်ချိုက်. . . . .
ထူးဆန်းပြီး အတော်လေးစိတ်ဝင်စားစရာကောင်းတဲ့ နာမည်မျိုး။
အလွန်ရိုးရှင်းသော စကားလေးနှစ်ခွန်းသည် ထန်ယီမင်၏နှုတ်ဖျားတစ်လျှောက် ထွက်ပေါ်လာပြီး လျှာဖျားနှင့် သွားနှစ်တန်းထိကပ်သွားသော အသံလေးတစ်ခု ထွက်လာ၏။ တူညီသော တရုတ်စာလုံးနှစ်လုံးဖြစ်သည့် ချိုက်ချိုက်။
ထန်ယီမင် ရုတ်တရက် ရယ်မောလိုက်ပြီး " ချိုက်ချိုက် ဒါမင်းရဲ့ နာမည်အရင်းလား?? ချစ်ဖို့ကောင်းသားပဲ "
ထိုလူက " ချိုက်ချိုက် " ဟု ထပ်ခေါ်လာသည်။
" အင်း ကျွန်တော် "
![](https://img.wattpad.com/cover/284740993-288-k299699.jpg)
YOU ARE READING
Cāi Cāi || ချိုက်ချိုက် || [ မြန်မာဘာသာပြန်] (Completed)
RomanceCāi Cāi Author- MòLǐ 莫里 English Translators - Closed Window Translation Burmese Translator - littlewillow01 Start Date - 11 September 2021 End Date - 12 November 2022 This is Myanmar Translation of Chinese Novel " Cāi Cāi ". This is just fan trans...
Chapter (26)
Start from the beginning