عائشه ❤️

البارت ال 12

💥💥🎉🎉🎉🎉🎈🎈🎊🎊🎊🎊
#عائشة (12)
عدى يومين على ابطالنا ومفيش جديد عائشة بتجهز للفاينال.. سيف مشغول فى الشغل والصفقات وكذلك ادهم... جمال بيدور على الى عمله رامز يخص سيف.. هايدى محبوسة فى اوضتها بدون فون وبتفكر ازاى هتنتقم من عائشة

فى بيت هاجر صحبة عائشة
كانت لبست ونازلة الشغل
ـ امها: هاجر حبيبتى فى واحد اخد معاد من والدك وجاى يتقدم انهاردة
ـ هى:  ماشى خير يا مسهل شوفى سها (اخت هاجر اكبر منها شوية) هتوافق ولا ايه
ـ امها: ي هبلة سها ايه انتى ناسية انها مخطوبة اساسا ده علشانك يا فالحة... يارب صبرنى  🙄
ـ هى: نععععععععم.😳  تانى لا طبعا مش موافقة قوليله ميجيش احسنله 🤨
ـ امها: ي بت هتفضلى لامتى كدة كل ما ياجى عريس تطفشيه بمجرد ما يشوفك انتى الى فى سنك بيربوا عيالهم دلوقتى (نفس موال اغلب البيوت المصرية 😂😂)
ـ هى: وانا مالى بالناس انا دلوقتى عايزة اركز فى الى انا فيه ومش فاضية لحد
ـ  امها: ادينى بس مرة واحدة سبب مقنع لرفضك..يبت انتى اكيد معمولك حاجة 😟 اصل مش طبيعى الى بتعمليه ده ابدا
ـ هى: لا طبيعى  وجدا كمان انتو حُرين خلوه ياجى وهيمشى تانى زى غيره 😂 (يا جاحدة 🤣) علشان ابقى عملت الى عليا
ـ امها:عارفة يا هاجر لو عملتى حاجة فى العريس ده المرادى لاكون مورياكى الى مشفتيهوش
وافتكرى كلامى
ـ هى: طيب طيب سلام بقى انا اتاخرت
ـ ارجعى بدرى يبت

(سبحان الله وبحمده سبحان الله العظيم)

فى بيت جمال الكفراوى

كانوا متجمعين فى اوضة رامز وكان طبعا لا بيقدر يتحرك ولا بيتكلم بسبب الجلطة بصت مرفت بحزن على ابنها وتبص لجمال نظرة عتاب ولوم
جه اتصال لجمال وطلع برة
ـ عرفتوا حاجة
ـ ايوة ي فندم ابن حضرتك كان فى اليوم ده راح اماكن عادية لكن اخر حاجة كان فيها هو موقع البناء بتاع شركة الصاوى
ـ طيب وعرفت كان مع مين هناك
ـ حضرتك احنا سألنا كتير هناك وورينا صورته وفى واحد قلنا انه شافه واقف مع مهندسة اسمها رنا
ـ رنا مين
ـ هى كانت بتشتغل عند حضرتك واستقالت بشكل مفاجئ ونقلت لشركة الصاوى
ـ اعرفلى تليفونها  بسرعة
ـ تمام يفندم
اتصل جمال ب رنا وقابلها
ـ انتى المهندسة رنا
ـ اه يا جمال بيه كنت بشتغل فى الشركة قبل كدة
ـ اه اه
ـ خير حضرتك فى حاجة
ـ كنت عايز اسألك ايه علاقتك مع رامز
(اتقلبت ملامح رنا للغضب)
ـ انا مليش علاقة بيه ولا هيكون
ـ بس كنتو واقفين مع بعض الاسبوع الى فات فى شغلك
ـ( اتوترت لانها خجلانه من الى كان بيعمله)
ـ ليه حضرتك فيه حاجة
ـ لا مفيش بس انا عايز اعرف كام حاجة كدة مش اكتر
ـ هو رامز كان بيدايقك فى حاجة او حصلت حاجة يعنى..
ـ يديقنى فى ايه وحاجة ايه حضرتك..هو فعلا ابنك شخص مش محترم ابدا وكان بيديقنى طول الوقت لدرجة ان جه ورايا شغلى وعملى مشاكل
ـ طيب انتى ليكى علاقة مع سيف الصاوى صاحب الشركة الى بتشتغلى فيها؟
ـ لا..بس ليه يعنى
ـ متخافيش انا مش جاى اعمل حاجة ولا ادايقك انا بس عايزك تقوليلى الحقيقة
ـ حقيقة ايه مش فاهمة وبعدين انا قولت الى اعرفه
ـ حقيقة لو ليكى علاقة بسيف
ـ حضرتك قولتلك مليش علاقة بيه نهائيا هو حتى ميعرفنيش انا مجرد مهندسة عادية فى شركته الكبيرة
( استغرب جمال وقعد يفكر طيب لما هى ملهاش علاقة بسيف ليه ادايق...او ممكن حاجة تانى غير دى..وكان محتار ايه سبب ضرب سيف لابنه)
ـ حضرتك بس صحيح افتكرت فى يوم سيف بيه بعتلى مخصوص وكان بيسألنى على رامز معرفش ليه انا بالذات مع انى قلت لحضرتك ميعرفنيش.... هو فيه حاجة معينه حضرتك..اصلا الحمد لله من وقتها معدش رامز بيدايقنى ولا شفته اساسا (يلهووووى 😮 لازم تقولى قدامه 😟)