"ဘာပြောမလို့လဲ ပြောလေ "
"မင်း ရန်ကုန်မှာပဲ ရှိအုံးမှာမလား "
"အင်း ဘာလို့လဲ "
"ငါ Guide လုပ်နေတဲ့ ကောင်လေးရဲ့ သူငယ်ချင်းက ဂိုက်လိုချင်လိုတဲ့ ငါ့ကိုပြောထားတယ် "
"ဟုတ်လား အဲ့တာဘာဖြစ်လဲ "
"မင်းလုပ်မလား "
"ဟားဟား "
သော်မှူးဟန်ကတော့ ပေါက်ကရပြောပြီ ။
သော်မှူးဟန်က ဟိုးအရင်တည်းက စာတော်ပြီး သူ့အဒေါ်ရဲ့ ကလေးတွေကိုလည်း စာပြဖူးသူဖြစ်တာကြောင့် ဒီလိုကိစ္စတွေက သူ့အတွက် ဘာမှမခက်ခဲပေ ။ ညိမ်ကတော့မဟုတ် ၊ စာတော်လည်း စာပြလို့ရတာမှမဟုတ်တာ ၊ ဒါကြောင့် လာမေးသည်ကို ကျေးဇူးတင်ရမလိုဖြစ်နေသည်။ မိုးသန့်ညိမ် လက်ကိုအသာခါပြလိုက်ရင်း...."တော်ပါပြီ မလုပ်ချင်ပါဘူး "
သော်မှူးဟန်က လက်မလျှော့သေး ၊ ဆက်ပြောသည်။
"လုပ်ပါကွာ မင်းကလည်း ဆယ်တန်းလည်းမဟုတ်ဘဲ "
"ဘာပဲဖြစ်ဖြစ်လေ မလုပ်ချင်ပါဘူးကွာ "
မိုးသန့်က စိတ်ရှည်ပြီး အနေအေးသူမို့ သော်မှူး မိုးသန့်ကိုသာ လုပ်စေချင်သည် ၊ဒါမှသာ သူမျက်နှာမပျက်ရမှာဖြစ်သည်။ တန်ကူးရဲ့ အဖွားကိုယ်တိုင်က မနေ့က လူရှိလျှင် ခေါ်ပေးဖို့ပြောထားတာကြောင့် သော်မှူးခေါ်နေရခြင်း။ ကိုးတန်းကျောင်းသူတစ်ယောက်မို့ တွေ့သမျှလူမခေါ်ချင်ဟု ဆိုသည်။ ဒါ့ကြောင့် အနေအေးပြီး မိန်းကလေးများကို ခပ်ခွာခွာရှိတာကြောင့် မိုးသန့်သာ ထိုနေရာအတွက်အသင့်အတော်ဆုံးဖြစ်သည်ဟု သူထင်သည်။
"ယတိပြတ်ကြီးတော့ မငြင်းပါနဲ့ကွာ ၊ စဉ်းစားပါအုံး ၊ Uni မတက်ခင် အပို၀င်ငွေလေးဘာလေးရတာပေါ့ "
သော်မှူးစကားက ထိရောက်ပုံရသည်။ မိုးသန့်ညိမ် တွေသွားသည်။
"ဒါဆိုလည်း စဉ်းစားဦးမယ် "
"ကျေးဇူးပါကွာ "
"ဟိုးထား အာမမခံဘူးနော် "
"အေးပါ "
ယောင်္ကျားလေးများမို့ စကားများကဆက်ကာ ဟိုဟိုဒီဒီ ရောက်ရာပေါက်ရာပြောဖြစ်ကြ၏။
YOU ARE READING
Love Of My Life [Completed]
RomanceGenre// BL , Romance Writer// Genny Start Date//30.10.2021 End Date// 10.12. 2022 Pic full crd (from Pinterest)
Epi(5) Unicode
Start from the beginning