HOT AND COLD

PART 22

Nakita naman niya ang pagsimangot ni Sam dahil sa ginawa ni Lucas, habang si Crista ay natahimik lang.

"Arte mo talaga. Pasalamat ka gwapo ka. Arte-arte nito! Halika na nga! Puntahan na natin ang bestfriend mo! Baka matege pa yun!"

Hindi pinansin ni Lucas si Sam, pero dahil sa sinabi ng kaibigan niya ay akmang tatakbo na ito nang balingan muna nito ang kapatid niya. Pinanlisikan ni Lucas ng mata ang kuya niya bago patakbong lumabas sa bar ni Clinton, kasunod nito si Sam.

Akmang lalabas rin siya ng hawakan ng kuya niya ang braso niya. "Where do you think you're going?"

Agad na bumalong ang inis niya sa kapatid. Paano kung anong masamang mangyari kay Isiah dahil sa ginawa nito?!

Hindi siya umimik at sinamaan ito ng tingin. Ipiniksi niya ang braso niya pero mas lalo lamang nito iyon hinigpitan. "Kuya naman! What did you do to him?! Ganoon ba kalala ang ginawa mo sa kanya para sabihin mong kailangan siyang dalhin sa ospital?! Why did you do that?!"

"I just taught him a lesson." Walang kahit na anong emosyon ang mababakas sa mukha nito. "Do you think you can keep a secret from me? I know what he did to you peanut. I know all about him. Every tiny details."

"Yes kuya. Pero hindi naman ikaw ang sinaktan! I've moved on!"

"Di nga?" Natatawang singit ni kuya Booker pero sinamaan lang ito ng tingin ng kuya niya. Mabilis namang itinikom nito ang bibig.

"I'm your brother. And whoever hurts  you, I will do the same who caused you pain."

"Kuya naman, paano kung may mangyaring masama sa kanya?! And now, I feel guilty because of what you did to Isiah!"

"Why are you so concern?" Mataman siya nitong tinitigan. "Do you still love him?"

Hindi agad siya nakaimik sa tanong iyon ng kapatid niya. Napatingin pa siya kay Crista na nag-aabang ng sagot niya.

"N-no."

"Really?"

"Y-yes."

"So it's okay with you if I kill him?"

Nanlaki ang mata niya at narinig pa niya ang pagsinghap ni Crista.

"Kuya!" Hindi makapaniwalang bulalas niya. Inis na ipiniksi nalang niya ang kamay, at nakahinga siya ng maluwag ng bitawan na ng kapatid niya ang braso niya.

Mabilis niyang tinalikuran nito. Oo, mali ang ginawa ni Isiah sa kuya niya at sa kanya, pero hindi iyon dahilan para saktan nito si Isiah at hahantong pa na dadalhin ang dating nobyo sa ospital!

"Denise!" Galit na sigaw ng kuya niya pero hindi niya ito nilingon. Kanina pa sila pinagtitinginan ng mga tao sa loob ng bar pero wala siyang pakialam. Ang nasa isip niya lang ay ang kalagayan ngayon ni Isiah.

"Let her dude." Narinig pa niyang wika ni kuya Booker bago siya makalayo sa mga ito.

Paglabas niya sa bar ni Clinton ay naabutan niya si Sam na nagmamadaling sumakay sa sasakyan ni Yohann, si Lucas naman ay nakasakay narin sa bigbike nito.

"Faster!" Sigaw sakanya ni Lucas kaya naman  agad siyang tumakbo papunta sa sasakyan ni Yohann at pumasok sa back seat, at halos maputol ang pahinga niya ng mabungaran ang sinapit ni Isiah sa kamay ng kapatid niya. Walang malay ito at bugbog sarado.

"Sa sobrang pagiging seloso mo, mapapahamak ka talaga!" Gusto niyang isigaw sa mukha ng binata. Gusto niya rin itong sigawan at pagalitan pero mas nangibabaw sakanya ang pag-aalala.

"I-isiah." Nanginginig ang labing tawag niya sa dating nobyo. Agad na naglandas ang luha niya sa mata dahil sa sinapit nito sa kuya Dariuz niya. May nag-uudyok sa kanya na yakapin ito pero hindi niya ginawa, hindi dahil pinipigilan niya ang sarili, kundi baka masaktan ito sa tindi ng bugbog na naranasan.