خطايا القلوب

' الحلقة الاولى '

#خطايا_القلوب

أوراق الأشجار تتساقط تاركة اغصانها فارغة ...
مثل فراغ ذلك البيت الكبير ..
هل يا تُرى سيزهر؟
نفتح باب بيت جديد ..
لحكايه جديدة ..
البيت نضيف و ريحة المعقمات تبعث الحياة من عنده ..
المكان هادئ حيل بس صوت مال قراءة قرآن يطلع من إحدى الغرف .. صوت يبعث الطمأنينه يرتل بصوت خاشع بسورة البقره ..

بسم الله الرحمن الرحيم
<ثُمَّ قَسَتْ قُلُوبُكُمْ مِنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَ ..... >

نزلت دموعي و اني ارتل بهاي الايه .. صفحة القرآن تبللت بدموعي
نظراتي صارت على أُختي الي گاعده گبالي بس بجيت أجتي اخذت القرآن سدته و حضنتني حطت راسي على صدرها و حضنتني حيل و بچت ويايه

رفعت انتظاري الها بتعب : ليش هشكل يعاملوني معقوله قُلوبهم نفس قلوب بني إسرائيل كالحجارة و يمكن أقسى؟

باست راسي و همست : حرام لتشبهيهم خاف الله ميقبل

فزيت مثل المتكهربه : استغفر الله لاا لا استغفر الله ، يا رب سامحني على هالزله

ابتسمت : يمعوده هدي هدي دترجفين

مسحت دموعي المعلكات على رمشي :  اني احب الله ما احب ربي ااذيه او اخلي مو راضي عليه

: ابتسمت مثل أُمچ المرحومه 

همست بصوت ناصي : ليش امي جانت تحب رب العالمين؟ اذا تحب رب العالمين ليش هشكل يفشرون عليها و ياذوني بسببها

: بنتي هاي ال ناس مترحم احد ابد امج جانت تخبل الله يرحمها

:الله يرحمها احجيلي عنها ابوس ايدج باجر عكبه راح تزوجين و خاف بعد منكدر نكعد نسولف
مدام ابويه مو هنا
غِفار سولفيلي خلي انسى الالم
عليچ ابو فاضل روحي تلوب
استغفر الله احس اريد اموت من الألم ..

حطت ايدها ع راسي  و استغفرنا الله ...

نزعتني الايزار و همست : راح احچيلج بس ديربالج تنكلبين و تنامين على مكان الحرگ تره روحج تشوغ

ضحكت بتحشيش : علساس هسه روحي دتركص جوبي

ضحكت بصوت عالي و جرت نفس قوووي حيل و كعدت يمي ..

عمري يمكن ١٠ و شبح ذكرى يمر بوجهي  كاعدين اني و حسين نلعب و امي تعبانه جانت حيل و نايمه لان وكعت من الدرج و ضهرها نكسر ...

انه أصغر من علي واخوتي أصغر مني ..
جنت كاعده العب بكل براءه وامي تبجي لان سوت جواهه و حريمه متكدر تكوم لازم ابوي يرجع ينضف كلشي ..

٢٠ يوم البيت صار مينطب لان ٤ جهال و ام مقعده البيت شيصير؟

و ابويه جان ولازال متدين حيل كام يشوفنا شلون نتوصخ و شلون البيت ميتكفكف ابد ..
و اغلبنا جهال اكبرنا علي عمره 12