"عشقها صدفه" مكتمله ✨سماح الشيمى

البارت الثامن..✨

صلوا على من جلس على ركبتيه يواسي طفلاً مات عصفوره ⁦❤️⁩⁦❤️⁩
_________________________

عادت شمس مجددا الى منزلها بعدما رفضت بشده عرض سليم بتوصيلها الى المنزل...فهى ورغم كل شيء لديها مبأدى وقواعد لاتتخلى عنها ابدا... دخلت من باب  البيت وجدت كلا من والداتها واختيها الاثنان اروي وياسمين بجوارها يشاهدون احدى المسرحيات القديمة للزعيم (عادل امام) وهم يقهقهون بشده... وفى يدهم اطباق كبيره من الفشار غير منتبهين لوجودها....

جلست شمس وهى تستند الى ظهر الاريكه .... تزفر براحه وتسحب نفس عميق... ثوانى ونظرت  لهم بغيظ من انهم مازالوا ع جلستهم ولم ينتبهوا لوجودها....

شمس بغيظ:" مساء الخير يجماعه..خير ان شاء الله... مالكم متنحين كده ليه..

اروى الكبيره وهى تاكل من الفشار:" مساء النور يشمس.. اسكتى بقا ع اركز ف المسرحيه...

شمس بتبرطم:" ركزى يختى ركزى... بتهيقالى أنك ثانويه عامه السنادى ي اروي ولا ايه...

اروي بلامبالاه وهى تشاهد المسرحيه:"...بيقولوا..

شمس بسخريه:" بيقولوا ؟! وانتى ايه رايك ف الكلام دى يماما....

والده شمس بانتباه:" شمس حبيبتى ..انتى رجعتى؟! ايه اللى اخرك كده النهارده...

شمس بسخريه:" لا يماما لسه مرجعتش...عفريتى اللي قاعد وسطيكم....

زمت والداتها شفتيها بحنق وقالت :" خلاص يبت بطلى تريقه...ايه اللى اخرك النهارده كده...

ردت شمس بلامبالاه ومرح وهى تذهب إلى غرفتها:" لا ولا حاجه...أصل كنت هتخطف النهارده... بس الراجل رجع ف كلامه بعد ماشافنى....

والدتها بقلق:" ايه تتخطفى؟! تتخطفى ازاى..

شمس بمرح وهى تخرج من دولابها بيجامه صيفيه ناعمه لترتديها:" اتخطف ازاى؟! هو الخطف ليه كتالوج لكل واحد ولا ايه ...اتخطف يماما اتخطف.. يعنى يخدونى يغتبونى الأول بعد كده ياخدوا الأعضاء اللي حالتى...بعد كده يرمونى ف اى حته... بس كده

والدتها بقلق وخوف وهى تذهب إليها وتتفحصها جيدا بيدها:" انتى كويسه يحبيبتى؟! ...فيكى حاجه..عاملولك حاجه اللى معندهمش دين ولا رحمه دول....

شمس بتهدئه لوالدتها وهى تربت ع يدها:" متقلقيش ي ماما... أنا كويسه الحمد لله وربنا سترها معايا... وناس قدروا ينقذونى ومسكوا الراجل....

زفرت اروى براحه وقالت:" الحمد لله ي شمس أنك بخير... بس دى حصل ازاى؟!....

ياسمين الصغيره وهى تجرى لاحضان اختها:" الحمد لله ي  ي ابله شمس أنك بخير... أنا دائما بصلى وادعيلك ربنا يحفظك لينا ...وانا هصلي النهارده وادعي ع الراجل الوحش دى...