عشاق في الوتين

part 18(النصف الاخر)

.
ظلت تبكي وهى ذاهبة الى البيت حتى لمحت جسد ملقي على الارض أسرعت اليه ولفته لها لتقول :انت كويس ؟!!!
:ااه..ااه كويس ممكن تقوميني
نظرت له وقالت :طب امسك دراعى واسند عليها
نظرت له فوجدته لايحسن طريق الوصول فقالت :احم ..هو انت مبتشفش ؟!
كمال :ايوه
حاولت اسنادة وقالت : طب هساعدك امسك في دراعى وامسكت بيده وضعته على ذراعها وساعدته فى الوقوف
ميار:احم ..طب حضرتك ايه اللى وصلك هنا دى حتة شبه مقطوعة ومفيهاش حد لولا انى مروحة مكنتش هشوف حضرتك
كمال : انا السواق جابني هنا وانا طلعت اشم هوا على ماهو يجي
ميار : طب حضرتك بعته فين ؟!
كمال : قالى ان البنزين خلص ونزل يملاه وانا بتضايق اصلا من قعدة العربيه الطويلة
ميار :احب اقول لحضرتك ان السواق هرب لان الحتة دى مفيهاش بنزينة الا على بعد ٣ ساعات من هنا تخيل !!!
كمال بغضب : طب..طب ازاى هو مخافش من الى ممكن اعمله فيه ؟!
ميار : روق واستهدي بالله
بعصبيه ترنح وقال  : فين العكاز بتاعى
حياة نظرت لجميع الاتجاهات فقالت : للاسف مفيش حاجة بس انا اقدر اساعدك بس قول لى العنوان بتاع حضرتك فين؟
املاها العنوان لتقول:بص انا مش عارفة بس هسالك
كمال:لو وراكى مشوار سيبيني هنا وانا هتصرف
ميار:لا اكيد مش هسيب حضرتك..وبعدين متقلقش انا موريش حاجة ابدا انا يدوبك كنت راحة اتقدم لوظيفة
كمال باستغراب: وظيفة؟
ميار: ايوا.. مطعم butterfly عامل اعلان عن طباخات جداد
كمال بابتسامة: وانتى شاطرة بالطبخ
ميار بمرح: جدا.... دانا كنت ايه بقي فلة فى الطبخ ولا اجدعها شيف شربيني
كمال: اسمي كمال عابد !
ميار: وانا ميار سالم
كمال: تشرفنا
ميار: انا اكتر
كمال: طب انتى هتقدري تساعديني ازاى ياميار
ميار: اممم... بص يااستاذ كمال اانا هروح الكشك اضرب تليفون لصحبتي
كمال: تضربي تليفون؟
ميار بضحك: لا مش اضربه بالمعني الحرفي.. اقصد يعني انى هطلب واحدة صحبتي
كمال: تمام
ميار: معلش استئذنك بس تفضل هنا.. اصلى موبايلى وقع الصبح وانا بتشاكل مع واحد
كمال بانتباه: انتى قلتى ايه؟
ميار: موبايلى وقع..
كمال: انتى اتشاكلتى مع واحد سواق النهاردة صح كان هيخبطك
ركزت ميار فى وجهه لتتذكر عندما قالت: انت حتى مش شايف هو كان هيخبطني ازاى)
ميار باحراج: احم... انا اسفه والله مكنتش اعرف
كمال: لا لا ولايهمك... بس للاسف ههههه.. السواق اخد العربية وكان فيها محمولى كمان... وانا قلتله خلى معاك الموبايل بحيث لو حد اتصل
ميار: يبقي سرقه.. نا مش عارفة عجبه ايه فى التليفون دا حتى تليفون بزراير... امال لو كان ايفون بقي كان باع اعضائي
ضحك كمال وقال: انتى فظيعة
ميار: احم.. انا اسفه بس انا تلقائيتي فى الكلام مضيعانى والله
كمال: ولايهمك
ميار: استني هنا ثانيه بس وهاجى لحضرتك على طول
_______________________
كان يتمشي ويصفر فى الشارع حين وجد فتاة تقف وهى تمسك كتابا وتتكأ على العمود الكهربى
مراد :ممكن تعديني ؟!
مي : متعدي انت  اكتع!!
صدم مما قالته : بتقولى ايه ؟!
مي : بقولك اكتع ؟!!!
مراد :انتى عارفه انتى بتتكلمى مع مين ؟
مي : انتا شفتني او انا شفتك قبل كدا واتكلمنا ؟!
مراد : لا
مي : يبقي معرفكش سهلة اهى
مراد : انت يبت لسانك متبري منك
مي : بت اما اتبتك كنت بلعب معاك كورة فى الشارع
مراد : وقسما بالله لولا انى مزاجى رايق كنت فعصتك
مي: ليه جزمة ؟!!!!
مراد : بت انتى
مي : ولااا فكك من دماغى انا جعانة وهتنرفز عليك والله
تركته وجاء اتوبيس لحقت به وقالت : see you later يامسكر (غمزة )
مراد : الله يلعنك ...وانت بتدق جامد ليه كدا؟!(اشار على قلبه )
اتصل بكمال : مغلق او غير متاح
اتصل بجمال : الو
جمال : الو يامراد بيه الحقني ؟
مراد بخضة: فيه ايه كمال حصله حاجة ؟
جمال : العربيه اتعطلت فقلتله انى هملاها بنزين المهم هو اصر ينزل فقلتله انى هملاها واجى وقعدت ازق العربيه لحد مالقيت ناس جدعة ساعدتني ووداناها  البنزينه انا واربعه من الى ساعدونى ورجعت ملقتوش
مراد اقفل الله يحرقك دور عليه فى كل مكان
جمال : حاضر يبيه
مراد بعصبيه: اقفل دلوقتي
_________________
ميار : كدا يكمال بيه انا وصلتك
كمال : اسمك ميار سالم  ايه ؟
ميار : اسمي ميار سالم الشامي
كمال :تشرفنا....خدى رقمي بس على التليفون التانى لان تليفونى الاول ضاع بحيث انا وعدتك اساعدك لو احتاجتيني!!
ميار : تمام يفندم..... احنا وصلنا اهو
رغد باستغراب : بس دى فيلا وعليها حرس
كمال : ههههه قصدك قصر يا انسه
رغد  : دا قصرك ؟!
خرج سامر ليقول : كمال قلقتنا عليك كنت فين ؟!
ايه دا ميار ورغد  !!!!!!!
رغد باستغراب  : دكتور سامر!!!
ميار : حضرتك بتعمل ايه ؟
سامر : انا عايش هنا
كمال : دا اخويا
سامر : اتفضلوا
رغد  : لا مينفعش انا أتأخرت جامد ورايا اوردرات اسلمها
سامر بتعجب: ارودرات؟...
رغد: ايوا مانا بفصل فساتين افراح وبردوا ملابس حريمي
سامر: بس انتى فى دراسة!
رغد: بس انا بوفق بين دراستي وحياتى يافندم
كمال مراعيا لتأخرها: شكرا لتعبك معانا
رغد  : العفو
كمال : وشكرا ليكي انتى كمان يا ميار 
حياة : العفو حضرتك
ودعهما وغادروا
سامر لكمال: هما عرفوك ازاى!
كمال: هحكيلك لما ندخل
دخلوا القصر
مراد باللهفة: كمالل!!!!!!
ارتمي فى حضنه مراد
مراد :حرام عليك خضتني ياكمال
كمال بعصبية : السواق هو اللى سرق العربيه
مراد : مسرقهاش اانا كلمته البنزينه بعيدة تصور انه جاب اربعه يزقوا العربيه ووصلوا بعد ٣ ساعات
كمال : هى فعلا قالتلى كدا
مراد باستغراب : هى مين دى ؟
كمال : ها.. لا مفيش
جاءت شابة جميلة جدا رشيقة القوام
سوزان : هاى كمال
كمال بعدم مبالاه : حضريلى يا دادة الغدا
مراد وهو ينظر لسوزان بشمئزاز وهو يتذكر ماحدث
فلاش باك
دخل مراد الى الفيلا
قابلته سوزان
سوزان : هاى مراد
مراد بتجاهل: كمال مجاش ؟
سوزان : هو مش فى الشركة؟
مراد : هو مش موجود
سوزان : هيرجع متخافش
مراد : انتى مش خايفه على جوزك !!!!!!
ارتمت بحضنه وقالت : قولتلك انى مبحبوش انا ..بحبك انت
نفضها بتقزز ثم قال : لولا انى خايف على مشاعر كمال انا كنت قلتله قذارتك بس انا عارف الظروف اللى هوا فيه وان بينكوا ابن ياهانم
سوزان : المشكلة انك مش هتعرف تقله عارف ليه عشان هتجيب معاها ليلة شرم الشيخ
يا....دراعه اليمين
امسك ذراعها بقوة :انتى اللى شربتيني  انتى السبب انا مكنتش فى وعيي انا عمرى ماكنت هخون صاحب عمرى عشان واحده رخيصه زيك
سوزان :الرخيصه دى انت الل كنت بتحبها وصاحب عمرك هو اللى خدها منك
مراد : وبحمد ربنا على دا انى مرطبتش بواحده زيك بس الى قاهرنى ان صاحبي هو اللى خاد واحدة زيك
سوزان : صاحبك الاعمي
صفعة عل وجهها : لو قلتلى الكلمة دى تانى
هموتك
باك #
كمال لسامر : سامر انت ومراد عاوزكم
قاده سامر للغرفة وجلسوا
كمال :سامر تعرف ميار ورغد منين ؟
سامر : دول طلابي ياكمال
كمال :طب وعن ميار تعرف عنها حاجة؟؟
سامر : بص هو كل الى اعرفه انها عايشه مع رغد وطالبة معاهم اسمها همس
مراد: ليه فى حاجة يكمال ؟!
كمال : انا كنت عاوز خدمة ليها بما انها ساعدتنى انى اوصل
مراد : ايه هى ؟!!
كمال :عارفين مطعم Butterfly
مراد :ايوه
سامر : ماحنا برنوحوه كل يوم جمعة نتغدي فيه
كمال : هتكلم المدير يشغلها هى هتروح بكرة تقدم على وظيفة بشرط انه متعرفش انى انا اللى موصي عليها وتانى حاجة يخلى المواعيد بتاعتها من الساعه ٣ للساعه ٨
مراد :ليه ؟!
كمال : عشان جامعتها
سامر :خلاص تمام انا هقوم اتصل عليه
(صوت بكاء طفل )
تجدعت ملامح كمال
مراد فى نفسه *عيني عليك يكمال حتى ابنك مش عارف تاخده فى حضنك من خوفك عليه *
_______________
مر اليوم وجاء الصباح ليشرق فى كثير من الناس امل وطموح ومعظمهم طمع بصباح جديد يملؤه الرفاهيه والمال
استيقظت هى لتهرول كى تلحق المطعم
دخلت لتقابل المدير
سامح :ازيك ي انسه ميار
ميار : ازاى حضرتك يفندم ؟
سامح : بخير اتفضلى اقعدى
سامح : مبدئيا كدا انتى متوصي عليكي انما مقدرش اقلك من مين لاكن مواعيد شغلك هتبدء من ٣ الى ٨ وبمرتب ١٨٠٠ جنيه كحد ادنى عشان انتى لسه مبتدئة وريني شطارتك فى الشغل وهتقبضي اكتر
ميار بابتسامة : شكرا جدا ليك يفندم
سامح : يلا ياستي قومى وروحى المطبخ اتعرفي على الشلة احنا دلوقتي الساعه ٧ واحنا بنفتح ٨ بس طلبت اقابلك بدرى عشان تتعرفي كدا على الناس وتاخدى على الجو
ميار : انا متشكرة جدا ليك يفندم
سامح :اسمي سامح مبحبش القاب بس ليا برستيجي بردوا مبحبش الهزار التقيل
ميار:وهو كذلك يفند..قصدى يا ...سامح
سامح : ايوه كدا اتفضلى بقي ولا مش عاوزة تتعرفي عليهم ؟!!!
ميار : لا ازاى عاوزة طبعا
سامح : اوكيه
خرجت وظلت تبحث عن المطبخ الى ان وجدته دخلته لتجد اناس يتحدثون
جاءت اليها فتاة وقالت : مرحب بالناس الجدد انا خلود
ميار وهى تصافحها : انا ميار 
خلود : تشرفنا يقمر
ميار : خلاص يستي بقينا صحاب
خلود بجديه : اسفه مبدئيا كدا مبصحابش غير تفاهين
ميار بضحك :وانا تافهه اصلا ياستي
خلود : لا داحنا نبقي اصحاب بقي بجد هههه
تعالى اما اعرفك على الباقيه بصي ياستي
حسين الطباخ طبيخه مطفش المطعم كله هههه
ضحكوا جميعا
حسين بمرح : بس بطبخ الشوربة كويس
خلود :لازم اجاملك منتا خطيبي
ميار بابتسامة:ايه دا بجد مبروك
خلود : الله يبارك فيكي
ودا مروان الطباخ التانى
ميار : ازاى حضرتك ؟
مروان :انا الحمد لله
مالت على اذنها وقالت :مبيتكلمش مع حد كتير عنده حب تملك شويه عشان كدا مبيتكلمش مع حد عشان بيتضايق لو حد راح وكلم غيره
ميار : امم تمام
ودى نوال غسالة اوتوماتيك للصحون
ميار : البقاء لله ينوال
نوال بضحك :شفتي قولتلك انك بتنقي ياخلود اهى جيت الى هتنصفني اهى
ضحكت وقالت خلود :دول افراد المطبخ بصي انتى هتتعاملى معانا هنا بصفتك طباخة بجانب الاخ حسين... واتمني تطبخي كويس والا هنقلك توأم حسين
ميار : مفهوم
خلود : يبقي كدا اوكيه
ميار : اوكيه
__________
*نسبة علاجك ناجحة بمقدار ٨٠% يا باشمهندس*
بدأ يأخذ العلاج بعد تذكره لما قاله الطبيب حتى دخلت عليه زوجته
سوزان :انا هنزل ياكمال
كمال : مفيش نزول ياسوزان
سوزان :مينفعش ياكمال نادين عامل بارتى مينفعش محضرهاش انا وعدته
كمال : وهو انتى كنتى قولتيلى وبعدين دا راجل يمدام راحاله البيت ؟!!!
سوزان :وفيها ايه يعني دى بارتى مش راحاله لوحدى؟!!!!
كمال : مفيش نزول
سوزان : انا ماشيه يكمال وياريت تحتفظ برأيك لنفسك
كمال : لو نزلتى انتى طالق ومحرومة من ابنك طول العمر
سوزان : انت يعني بتمسكني من ايدي اللى بتوجعنى !!
كمال :اوعى لتكونى مفكرانى عشان اعمى ابقي مغفل ياسوزان لا انا عارف كل حاجة من ساعة اخر ٣ شهور
سوزان : ايهههه !!!!!!
كمال : اقلعى هدومك ونامى فى امانة الله عشان لو شميت خبر انك نزلتى ...مفيش رجوع تانى
___________________
مي : مصاحبش فارافير حتى لو راكبين فرارى لا دانا اصاحب الجامدين حتى لو هعزف اتاري
: انتى بتقولى ايه يبنتي ؟!!!
مي :مين... انت تانى !!!
مراد :اه انا تانى وبالمناسبة بقي على فكرة دى عمارتى انا
مي : طب وانا اعملك ايه ؟!
مراد :يعني متسنديش علي الحيطة بتاعتى
مي : ايه شغل الاطفال دا وبالمناسبة بقي انا ساندة على حيطة المكتبة يعني مش عمارتك
مراد : لاعمارتى ودى مكتبتي انا
مي : والله انا باجى هنا كل يوم مبلاقكيش فى المكتبة
مراد : عشان انا شغال فى شركة مقاولات
مي : لايهمنى
مراد :امشي من هنا بدل ماديكي بونيه
مي : تديني بونيه مره واحده طب خد الكشاف دا(ثم ضربته على جبهته وركضت )
مراد :البت رزعتنى واحد كشاف !!!!!!