جلس يكتب أمام البحر
«عارف انى مش هقدر اواجهك زي كل مرة... لانك مش بتسيبيلى فرصة اعبرلك فيها عن مشاعري...
تنهد وفزع عندما وضع احد ما يده على كتفه
التف ليجده رجل عجوز
صالح: انا اسف انى ازعجتك بس واضح من لهفتك وعصبيتك وانت بتكتب كده... انك بتكتب رسالة لحبيبتك
اندهش نادر ثم قال: وعرفت منين
جلس صالح بجواره ثم قال: النظرة دى انا حافظها... لانى كنت بعملها دايما... كنت بمسك الورق واجي هنا اكتب بعصبية زيك كده عشان هى تحس بيا وتحس بحبي اللى مليني
نادر باهتمام: وحست!!
صالح: لأ
يأس نادر ثم قال: طب ايه اللى حصل!
صالح: مكنش هيحصل حاجة... هو اصلا مكانش شوية الورق دول هيغيروا من الحقيقة حاجة
نادر: حقيقة ايه!
نظر له ثم قال: حقيقة انها ماتت
دهش ثم قال: غرقت!!!!
صالح: لأ... مش هقلك حواديت الافلام وان عشان قابلتك على البحر يبقي حبيبتي غرقت فيه.. هى لو غرقت فعلا فى البحر انا مكنتش جيت هنا ولو للحظة
نادر: امال!
صالح: ماتت منتحرة
نادر: لاحول ولاقوة الابالله
صالح: كان عندها حق فى كل حاجة بداية من قسوتها للبسها الرجالى لكل شئ
نادر: انا مش فاهم حاجة
صالح: هحكيلك... تعالى كل يوم فى الساعة دى وانا احكيلك.. لاكن اللى اقدر انصحك بيه لو هى عايشه روحلها
نادر: مش هتتقبلنى
صالح: بتحبك؟
نادر بحيرة: مش عارف كل ماجى افتح الموضوع تهرب وحتى كمان مش عاوزة تقلى انها بتكرهنى
صالح: هو انت اذيتها!!!
نادر: عمرري... دانا محدش حبها قدي ولا داق طعم السهر والشوق زيي
صالح بابتسامة وهو يربت على كتفه: روحلها يابني... قلها كل اللى فى قلبك ومتستناش اجابة لا.... قولها ومتسألهاش
نادر: فكرك كده؟
اومأ بالايجاب
نادر وهو يقف: انا هروحلها
هم ليغادر فقال: نفس الميعاد هجيلك فيه بكره انا اسمي نادر
صالح: وانا صالح
••••••••••••
عصام بضحك: انا لو كنت اعرف انك هتحلوى كده كنت كترت من الفساتين!
رغد بمرح: وهو انا وحشة ولا ايه ي استاذ عصام !!!!
عصام بهيام: فشر انتى احلى حاجة فى الدنيا
اتى زين ووجهه لايبشر بالخير
زين بعصبية: عصااام انت ايه اللى موقفك!
عصام: واقف مع القمر وهو حد يطول
زين بغيرة: طب انزل دلوقتي شوف خالتوا جاسمين وبنتها ميس
عصام: متشوفها انت مش انت بردوا هتبقي عريس!!
زين بغضب: لسه مفيش تأكيد وبعدين امى عاوزة تخليني اتجوزها عشان ابن اخويا يوسف
عصام: لا انا مش فاهم حاليا هو اي دخل ميس!!
زين: مش جمال اخويا الله يرحمه كان متجوز سيلين اخت ميس رحمة الله عليها هى كمان ولما ماتوا هما الاتنين يوسف اتربي مع ميس ووالدتها جاسمين !!....
عصام: ااااه فهى عاوزه تجوزك لميس عشان تربي يوسف
زين: بالضبط
عصام بغمزة لرغد: اسيبك وانزل بقي
نزلت فأمسك زين ذراعها بقوة
رغد بالم: ايه فى ايه!!!!
زين بغضب: هو انتى مبتسمعيش كلامى.. لازم تعانديني وخلاص مش انا قلتلك الكلام مع اى حد من الرجالة ممنوع وبعدين اي الفستان دا مش انتى جايلك فستان منى!!!!
رغد: والله اسئل اختك لين ايه اللى حصل دا اولا وبعدين اكلم ولا مكلمش روح شوف لين وشوف تعاملها الاول وبعدين تعالى احكم عليا
زين بغضب: رغغغغد متخلينيش اتغابي عليكي... واقسم بالله اقسم بالله لو مسمعتي كلامى بعد كده لاكون معاقبك اشد عقاب فاااااهمة!!!!
نظرت له بخوف ثم قالت: تم.. تمام انا.. اسفه
ترك ذراعها ونزل
وجدت احد ما يمسك فستانها
انتى ايه اللى مزعلك وعمو كان بيزعقلك ليه!.
نظرت ثم وجدته طفل جميل فقالت: الله مين انت يقمر!!!
قال: انا اسمي يوسف وانتى؟
امسكت يده ثم قالت: وانا رغد
يوسف: انتى هنا من امتى!!
رغد: انا هنا من زمان لاكن انا اول مرة اشوفك.. انت ساكن قريب من هنا؟!
يوسف: مش عارف بس انا نمت فى الطيارة ومشفتش الطريق
رغدطيارة!
يوسف: تعرفي عمو راح فين!
رغد باستغراب: عمك مين!
يوسف: عمو زين.. ماهو يبقي اخو بابا
رغد بدهشه: ايه؟
يوسف: استغربتي ليه!
رغد: ها... لا ابدا
يوسف: ينفع نبقي صحاب!!
رغد بابتسامة وهى تقبل وجنته: اوى اوى
يوسف وهو يشير لها ان تهبط لمستواه كى يحدثها سرا: ارجوكي متبقيش زي ميس
رغد وقد فهمت من ميس لتقول: ليه!
يوسف: هى مش بتهتم بيا ودايما بتزعقلى.. انتى هتزعقيلى!؟؟
رغد بحنان: انا بقيت صحبتك يعني عمري مازعقلك ابدا
ابتسم يوسف ثم احتضنها وقال: انتى عيونك بتفكرني بمامتى... انتى عندك ام
رغد وقد اوشكت على ان تدمع عيناها: ايوا!
يوسف: امال هى فين!
رغد: مسافرة
يوسف: زي مامتى يعني!!
رغد: حاجة شبه كده
يوسف: اممم.. طب يلا نروح لعمو زين انا عاوز اسلم عليه
رغد: ماشي
ذهبوا فوجدوه يقف مع رجل ما ليعتذر منه ويآتى فابتعدت رغد وتركت يوسف اتى زين وحمل يوسف: اووووه اخبارك ايه يبطل وحشنننني
قبله من وجنته ليقول وانت كمان يعمو... تعرف انا اتصاحبت هنا على واحدة زي القمر
زين: امممم وعرفت منين انها زي القمر يعم وبعدين مين هى!!
اشار يوسف الى رغد
زين بهمس: هى فعلا زي القمر
يوسف: ايه رأيكم نيجي نتصور
رغد بتوتر: مش وقته وقت تانى
يوسف: عشان خاطري يارغد ارجوكي
زين بهمس: اعملى اي حاجة يقلك عليها دا طفل!!
اومأت بالايجاب فاستدعي زين المصور
التفتا على صوت احد ما ينادى «يوسف»
كانت ميس تقف بفستان احمر تضع يدها فى خصرها
اتت ميس لتقول: ازيك يازين!!
زين: اهلاياميس... انا الحمد لله
ميس بابتسامة: اخبارك ايه؟
زين فى نفسه: هى مبتسمعش ولا ايه
ميس: لو سمحت يازين ممكن اتكلم معاك على انفراد
زين: اوكيه تعالى على اوضة المكتب
ترك زين رغد ويوسف
يوسف: تفتكري هو عاوزها فى ايه؟
رغد: مش هو اللى عاوزها هى اللى عاوزاه
يوسف: انا رايح اسلم على تيتة ليلى وجايلك خليكي واقفة هنا
رغد: تمام
ذهب يوسف بينما ذهبت رغد الى المطبخ
رغد: ازيك يادادة فتحية... ها خلصتي الاكل؟
فتحية بابتسامة: ايوا يبنتي خلصته اهو وهنادى ماجد يجي يشيله
رغد: تمام
وبعد ربع ساعة كانت الاطباق موضوعة على المنضدة الطويلة
ذهبت رغد الى المنضدة لترتب الاكل وتضع بعد الورود
....
زين: ها ياميس؟
ميس: حقى انت هتتقدملى؟
زين بدهشه: مين اللى قالك الكلام دا؟
ميس: مامى
زين: بصي هو...
فتح الباب بواسطة يوسف وقال: عمو زين هى فين رغد انا دورت عليها
زين فى نفسه: دانتا جتلى نجدة من المصيبة دى
زين: تعالى ندور عليها
....
ازيك ياحسن!
حسن: انا بخير يالين وانتى!
لين: انا الحمد لله
حسن: اسمعي يالين انا جيت اصفي معاكى الموضوع
لين: موضوع ايه الڤيلا!
حسن: لا.... خطوبتنا
لين: ايه!
حسن: قبل ماتقولى اي حاجة انا في سؤال واحد هسألهولك... موافقة نتجوز فى شقتي على مانجيب فيلا
نظرت لين وجدت عصام يتحدث فى الهاتف فقالت: ممكن تأجل الكلام احنا فى حفلة وقت تانى نتكلم انا ويك
حسن بغضب: انا مش مأجل حاجة.. عشان لو قلتى لا هفضها ودلوقتي
لين بدهشه: طب... طب لو سمحت بس مش وقته حتى خلينا نتكلم بالعقل.... متضغطش عليا!!
حسن: ماشي يالين... اخرك معايا بكرة
تركها وذهب لتنظر الى عصام
اتى لها وقال : محتاجة اي مساعدة
لين: انت بتحبني؟؟!
••••••••••••••••
VOCÊ ESTÁ LENDO
عشاق في الوتين
Romanceهو القاسي الذى تسير علي كل من فى حياته «قواعده الخاصة والصارمة»... بينما هى.. عرفت بالمرح والاقبال على الحياة... كيف سيتوافقان معاً إذا كانا عشاق فى الوتين!؟؟؟ ❤ «مواعيد النشر الأحد والأربعاء»
