"ပြီးတော့ ကိုယ် မောင့်ကို မချစ်ဘူး ၊ အတတ်နိုင်ဆုံး ကိုယ်နဲ့ ဝေးဝေးမှာ နေပေးလို့ရမလား၊ မတွေ့ဖြစ်အောင် နေပေးလို့ ရတယ်မလား ၊ ကိုယ့်မုန်းတဲ့အရာကို မောင်သိပါတယ် "
"မောင် သိပါတယ် ၊ ဦးရိပ် စိတ်ချပါ ၊ ဦးရိပ် ဖြစ်ချင်တဲ့အတိုင်း.ဖြစ်စေရပါမယ် "
မောင့်မျက်နှာမှာ အပြုံးလေးက မကွယ်ပျောက်ခဲ့ပါ ။ ဝဲချင်နေသော မျက်ရည်အချို့ကို ထိန်းထားလိုက်သည့်အတွက် ရင်ထဲမှာ စူးအောင့်သွားသည်။
ဦးရိပ်.. မောင့်ကို မုန်းသွားပြီ ။
အရှုံးကို အပြုံးနဲ့သာ ရင်ဆိုင်တတ်သော မောင့်အဖို့ ထိုအပြုံးက မခက်မယ့် ဟန်မဆောင်နိုင်သော မျက်ဝန်းကိုတော့ ခက်ခက်ခဲခဲ ကြိုးစား.ဟန်ဆောင်ရသည်။
"ဦးရိပ် ပျော်မှာပါ ၊ မေ့အကြောင်းသိတယ်မလား ၊ မေက အရမ်းချစ်စရာကောင်းအောင် နေတတ်တယ်လေ "
"မောင်.... ကိုကို "
ရုတ်တရတ်ဆန်လှသော အဖြစ်အပျက်များကြား မေ့မှာတော့ စဥ်းစား၍ လိုက်မမှီနိုင်သေးသဖြင့် နာမည်လေးများသာ ရေရွတ်နိုင်သည် ။
" မောင့်ရဲ့ အကူအညီက အရမ်းထိရောက်သွားတာပဲ ဟုတ်တယ်မလား မေ"
" ကျေးဇူးပဲ ၊ နောက်တစ်ခါ ကူညီစရာ မလိုတော့ဘူး "
ေလသံမာမာဖြင့် ပြောလိုက်သော ဦးရိပ်ကို မောင် မော့ကြည့်လိုက်ပါသည်။
ဦးရိပ်မျက်နှာမှာ အမုန်းတွေ တွေ့နေရသလိုပဲ ။
"မြက်တွေ အကုန်ရှင်းပြီးပြီ ၊ မောင်သွားတော့မယ် မေ ၊ပြီးတော့ မောင် ဦးရိပ်နဲ့ ဝေးရာမှာပဲ နေမှာမို့ မေ့ကိုတော့ အရမ်းချစ်ပေးပါ ဦးရိပ် ၊ မောင့်ရဲ့ တစ်ဦးတည်းသော ညီမလေးမို့ပါ ၊ .မောင် ဦးရိပ်ရှေ့ပေါ်မလာတော့ပါဘူး "
ပြောပြီး ချာခနဲ လှည့်ထွက်လာခဲ့သည်။
တစ်ဖက်က ကိုယ်ချစ်ရတဲ့သူ ၊ နောက်တစ်ဖက်က ကိုယ်အချစ်ဆုံးညီမလေး... သူတို့နှစ်ယောက်ကို အတူတူတွဲ မြင်ရတာ မောင် ပျော်တာပေါ့ ။
ဒါပေမယ့် နာကျင်စရာကောင်းတဲ့ ပျော်ရွှင်မှု ။
ဖမ်းဆုပ်ထားလို့ မရသလို ပိုင်ဆိုင်ဖို့လည်း.ကြိုးစားလို့မရဘူး။
ဘာမှ လုပ်လို့မရဘူး ၊ ဘာဆိုဘာမှ လုပ်လို့မရဘူး။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
part (8)
Start from the beginning
