#الكوبراا*🐍
#الجزء23🌹
بقل_م:ندى العمر•°•ليالي النسيم•°•غلاالروح
سليماان...."شاف فيها " ...هادي هي المرا لي عاونتني...وهي لي جابتك لعندي لبارح ..
احلام...."طلعات ونزلات فيها "...😳 ويلي حي ، هادي هي الشارفة لي دارتها بيااا...
" حطات ايديها على خصرها مغددة وكتخنزر فيييهااا "
...........
شيماء....." تلاحت عليها باستها في حنكها "....سمحيليا ازين ولكن درت هادشي في سبيل الحب ....
أحلام......." شافت في عثمان "....لمرا عندك ممثلة من طراز لعالي ، ونتاا شمن دور لعبتي ؟!!
" دار ليها اشاارة بايدو كيدو في لفلون "
احلام....شيفوور..." دارت شافت في سليمان وعضات على شفايفها "....احيااني عليييك نتا وربااعتك ...
" طال الحدييث بينااتهم كيتعرفو لبنات على بعض اما الشباب فكانو كيشووفو شي انواع سيارات ناوي سليماان يجيببهم لاجونص ..."
احلام....." مسحات دموع لي كانو كيسيلو ليها بالضحك مع شيماء" ...مسخووطة يختيي نتييي ، شي نهار تقتلي عثمان بالضحك وتصفيها ليه
عثمان...." وذن كانت عندهم ولوخرا مع سليماان " .....راني وليت من عداد الموتى من نهار لي تعرفت عليهااا ....
شيمااء......هههه ناري فاش فكرتيني في اللقاء التاريخي " شافت في احلام"..سمعي سمعي ضحكي شوية ...
احلام......" تأبطات دراع سليمان " .....قولي واطريبيناا ...
#فلاش_باك
زوج خواتات وصاحبتهم جالسين في احدى الشواطئ المغربیه وبالضبط شاطئ سیدي بووزييد
شيماء..."واقفة وتتغوت"...ونوضوو يا الله نهبطوو دابا لاش جايين لهاد البحر حنا لاش .
-"الأخت دارت يديها على وجها مغطية الشمس"... واش دوزي تجلسي ولا نوض نشتف على حبك ..
شيماء ... "حطات يديها على خصرها و عوجات سيفتها "... شناهواااا امالك ا بيبي ضختي نوضي نشووف كيفاش كيكون شتيف ...
"تمات غادة في اتجاه البحر و تتهضر بصوت عالي "... انا هاابطة لهلا يهبطووو ليكم
- "ناضت و قفت حاضياها "... ناري يا ربي موصيبة و تسلطت عليا يخخخ
-" مكانتش مسوقة ليهم باركة تهضر فتليفون مع صاحبها ملي شاافت لغيط وديرونج لي سببوه ليها حيدات تليفون على وذنها" ... بغيت ليكم تسونامي واش تااا حبي مخليتوني نهضر معاه في خاطري و زايدون واش ديك البگرة دايرا عليها هاد الحالة خليها تهبط#التتمة
-"جلسات مسلمة امرها للخالق "... راه الموصيبة متتعرفش تعوم و اليوم نتشوهو فيك الجديدة
-" جراتها من ايدها "...تي جلسي راه البحر يخاف منها وما عندو بيها غراض ،اش بغا يدير بكائنه غريبة
-" ضحكات على اخر كلمة تقالت " ناري و تسمعك اليوم تريشك ...
لوقت لي كانو شادين فيها الهضرو هي كانت واقفة مدة حدا البحر و خايفة ترددات شحال ولكن ريحة البحر ولونو جدبها وخلاها تلاح بلا هواها... عجبها الما و تكات على ضهرها و البحر غادي بيها الداخل ... جات بغات تحط رجليها لقات غا الما و رجليها تتلعب ... قالت مع راسها واقيلة غا ما وقفتش مزيان رجعات كسلت رجليها هنا عرفات راسها يا غتموت و لا غتشوه ر في كلتا الحالتين موصيبة ... بدات تتحاول تخرج راسها و تحس بالأرض لكن بدون جدوى ... محسات براسها تولات تتهبط تشرب الما و ترجع الطلع في هاد الأثناء ختها هزات راسها تشوفها تالقات غير يديها كيطلعو و يهبطوو ..
- اويلييييي وحدي شيماااء ..."حماااتها الغوات ومشات تجري قاصدة لماا ... في جنبها مجموعة ديال الدراري لي سمعو الغوات و تلفتو للمصدر ديالوو ... الا واحد فيهم لي لاح عينو نيشان البحر و طار كيجري داخل لييه ... اما هي استسلمات و عيات و رخات يديها هابطة التحت تا حسات شي حد شدها من خصرها و مطلعهاا ... حتى حسات بشي حد جارها ولات تتشعبط و تركل
عثمان..." مالقا كيفاش يحرك يديه و هي تتركل " رصاي الزمر راه غنغرقو بزوج
شيماء ..." عطاتها البكاء و بدات تتشهد "...اشهد ان لا الاه الا الله و اشهد ان محمد الرسول الله واعععع هء هء هء ... غير نتسامح مع ختي يا ربي هء هء
عثمان ..."فشلاتو بالضحك "....واخا يالله غا زگاي باش نخرجك..
شيمااء...." شانقة عليه ومعنقاه بيديها بزوج حالفة لا هي طلقاتو تا ولاا يبقبق لتحت كثر منها.."...غنمووووت عتقيني وااا ختي
عثماان.....وااااااااا زمررر طلقي.." عصباتو وهو يجمع معاها بضربة تسكت شوية وهي تفقد الوعي ...غير تجبدات جرها من خصرها و تم مخرجهاا تا وصلها للبر حطها فووق الرملة وبدا يضرب على وجهاا
عثمان ... ختي فيقي و نوضي تسامحي مع ختك هاهي حدااك
- " كتبكي وتنوح ".... شيماء فيقي اختي فيقي ..!!
- " يمكن خاصها تنفس اصطناعي نقزت صاحبتها" ...وديرو ليها خويا الله يسهل عليك البنت غتموت ليناا " ...
شاف عثمان تا عيا و هبط حل ليها فمهاا و خشا فمو فيه كينفخ شي تلاتة المرات تا بدات تتكحب حلت عينيها فيه نيشان
شيماء الله يا ربي الجنة شحال زوينة ...
عثمان ... نوضي ابنتي على سلامتك "و ضحك باستهزاء " تم غادي و عاطيها بالضهر و هي تنووض ليه ...
شيماء ... هييييه اش تيصحاب ليك راسك نتا عنتر زمانك عتقتينا الله يرحم الواليدين و دوزها بجغيمة الما
عثمان..." ضار بشوية عليييه و مفوض عينيه "... هادي هي شكرا في بلادكم ... الحاجة راه واقيلة كنتي تتغرقي وزايدون " قرب ليها حدا وجها " ملي متتعرفيش تعووومي اش داك ليييه ... و نييت حگل ربي فييك لي لابس هاد المسخ راه تشعل فيه العافية و هو تيتمشى
" ضار غادي بحالو يا الله غتجاوبو " تزيدي كلمة وجهك نصورو ليك في الرملة ... بنات اخر زمان
" عصبها وملي ملقات متصور منو جمعات الرملة في يديها وعطااتها ليه لظهر دار لعندها وهو يلقاها عاطيا رجليها لرييح
ضحك على هبالها ورجع فحالو ..
STAI LEGGENDO
الكوبرا
Storie brevi#رواية_الكوبرا🌹 تقدیییییییییییم 🌹 بقل_م:ندى العمر•°•ليالي النسيم•°•غلاالروح 🐍 *الكوبراا*🐍• -یسألوننا ماااا الحب ؟؟! فقلنا الحب حیین قال نبینا علیه افضل الصلوات لا تؤذووني في عائشه ، هو حین سئل قیس عن سبب حبه للیلى وهي لیست...
