Lop_Eared Guard (နားရွက်ကျလေးနဲ့ သက်တော်စောင့်)

အခန်း(၅)

တမူထူးခြားပြီး တုံ့ပြန်မှုရှိတဲ့ ဂလင်းဆဲလ်တွေနဲ့ ထိုမြီးတိုပါးတွဲကြွက် မျိုးစိတ် (hamster) အိုမီဂါ၏ ဟော်မုန်းတွေက မလိုင်ကဲ့သို့ ချိုအီသော ရေမွှေးရနံ့လို ဖြစ်နေသည်။

လုရှန်းကျင်က ထိုအိုမီဂါနား ဖြည်းဖြည်းချင်းလျှောက်သွားပြီး သူ့လက်ကိုမြှောက်ကာ ချောမွတ်နေတဲ့ ပါးပြင်ကို ပွတ်သပ်၍ စူးစိုက်ကြည့်နေသည်။

'အခုအခြေအနေအရ ဒီမြီးတိုပါးတွဲကြွက်မျိုးစိတ် အိုမီဂါရဲ့ ဟော်လ်မုန်းတွေက သူ့နဲ့ ကောင်းမွန်စွာ ကိုက်ညီမှုရှိကြောင်း သိသာနေသည်။ အနည်းဆုံး ၉၅ ရာခိုင်နှုန်းမျှကိုက်ညီနေမည့် ဒီလိုရနံ့မျိုးကြားမှာ လုရှန်းကျင်က ထိန်းချုပ်မှုတွေ ကင်းမဲ့သွားတော့မည်ပင်။

တခမ်းတနားဖြစ်လွန်းသည့်မီးရောင်တွေက ညသန်းခေါင်ချိန်က ကြယ်များကဲ့သို့ တောက်ပနေပြီး ချောမောလှပတဲ့ ဒီအစိမ်းရောင် မြီးတိုပါးတွဲကြွက် မျိုးစိတ် အိုမီဂါအပေါ် ဖြာကျနေသည်။ ပြတင်းပေါက်အပြင်ဘက် ညကောင်းကင်တွင် တိမ်မဲတွေက ဟိုဒီစုဝေးတည်ရှိနေပြီး တောက်ပတဲ့လမင်းကြီးက မြူခိုးတွေရဲ့ အနောက်ခိုဝင်ကာ ထိန်ထိန်သာနေသည်။

အခုနေ ထိုအိုမီဂါဝတ်ဆင်ထားတဲ့ အဖြူရောင်ရှပ်အင်္ကျီအစား ကိုယ်နှင့်ကွက်တိကျနေမည့် ကျည်ကာဝတ်စုံကိုပြောင်းဝတ်ပြီး လက်ထဲကိုင်ထားတဲ့ ရှန်ပိန်ခွက်အစား ယူဇီသေနတ်နှစ်လက်ကိုသာ ကျောနောက်လွယ်ထားမယ်ဆိုရင် သိပ်ကိုပြီးပြည့်စုံနေလိမ့်မည်။

လုရှန်းကျင်ကိုယ်တိုင်က နှလုံးသားထဲကနေ ထွက်ပေါ်လာတဲ့ ကြိုက်နှစ်သက်' သည် ဟူသော ခံစားချက်ကို ခံစားသိရှိနေပြီ ဖြစ်သည်။ သူက တိတိကျကျကို ပြုံးလိုက်ပြီး ဆက်စပ်မှုမရှိ ပြောလာသည်။

"ယန်ယန်"

"...."

ထို မြီးတိုပါးတွဲမျိုးစိတ် အိုမီဂါက လုရှန်းကျင်ရဲ့ နားမလည်နိုင်သောစကားတစ်ခွန်းကြောင့် တအံ့တဩပြန်မော့ကြည့်လိုက်သည်။

"ဆရာ .... ကျွန်တော့် နာမည်က ..."

"အကိုလုက မင်းကို နာမည်ပေးတာ "