Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (13)

ယီမင် ချင်းယွမ် : ပုံမှန် Cover တစ်ယောက်ဆိုရင်တော့ မင်းကြိုက်တဲ့အချိန်မှာ သီချင်းအသံသွင်းလို့ရတယ်၊  အဖွဲ့ထဲမှာရှိတဲ့ ထုတ်လုပ်ရေးသမားတွေကိုလည်း မင်းအကူအညီ တောင်းလို့ရတယ်လေ

ယီမင် ချင်းယွမ် : [ခေါင်းလေးကို ထိနေ] . ပုံ

ယီမင် ချင်းယွမ် : စကားကို ချိုချိုသာသာလေးပြောလိုက်ရင် အဖွဲ့ထဲကတာဝန်ရှိတဲ့သူတွေက မင်းကို ကူညီကြမှာပါ

ထန်ယီမင်မှာ ရှန်းချိုက်၏ ဆိုလိုရင်းကို အဓိပ္ပါယ်ကောက်လွဲနေ၏။  အသစ်ရောက်လာသော Cover အဆိုတော်အချို့သည် သူတို့အကောင့်တွင် ပရိသတ်များစွာမရှိသေးသောကြောင့် သီချင်းအသံသွင်းပြီးပါက ရေဒီယိုဇာတ်လမ်းတွဲအဖွဲ့၏ တရားဝင်အကောင့်ထံသို့ လွှဲပြောင်းကာ သီချင်းကိုဖြန့်ချိချင်ကြသည်။

ဒါပေမယ့် ကောင်လေးရဲ့အဖြေက သူမှန်းထားတာထက်တောင် ပိုနေခဲ့သေးသည်။

ခန့်မှန်း : မဟုတ်ဘူး! မဟုတ်ပါဘူး

ခန့်မှန်း : [ခွေးငတုံးလေးက ခေါင်းခါပြနေ] . ပုံ

ခန့်မှန်း : ယွမ်တာ့ရဲ့ ရေဒီယိုဇာတ်လမ်းတွဲအတွက် ဇာတ်ဝင်သီချင်းကို အသံသွင်းဖို့ကရော??

နောက်ဆုံး ထိုကလေး ဘာကိုဆိုလိုချင်သည်ကို ထန်ယီမင်သဘောပေါက်သွားတော့သည်။

စိတ်မကောင်းစရာက အခုဆို သူ့ဆီတွင် ဖြေစရာအဖြေတစ်ခုသာရှိ၏။ အဘယ့်ကြောင့်ဆိုသော် ဇာတ်ဝင်သီချင်းကို အခြား Cover အဆိုတော်တစ်ယောက်က သီဆိုပေးထားပြီး အသံလည်းသွင်းပြီးသွားပြီဖြစ်၏။

ကောင်လေးက စိတ်ဓာတ်ကျနေသော ခွေးလေးပုံ ပက်ကေ့ခ်ျများကို အတန်းလိုက်ပေးပို့နေသောကြောင့် ခွေးလေးခေါင်းပေါ်ကအမွှေးတွေကိုတောင် ထန်ယီမင်တစ်ယောက် လက်နှင့်ပွတ်သပ်ပေးချင်မိသွားသည်။

ယီမင် ချင်းယွမ် : [ခေါင်းလေးကို ထိနေ] . ပုံ

ယီမင် ချင်းယွမ် : အဖွဲ့ထဲမှာ Cover အဆိုတော်တွေလိုနေတဲ့ ဒရာမာတွေလည်း အများကြီးရှိပါသေးတယ်၊ စီစဉ်တဲ့သူကို တိုက်ရိုက်ဆက်သွယ်ကြည့်လိုက်နော်. . . " xxxx ဇာတ်လမ်းတွဲ " က Cover တစ်ယောက် အရေးတကြီးလိုအပ်နေလို့ ပြောသံကြားတယ်