ကြည့်နေရင်းမှ အသဲယားလာသည်ကြောင့် ထိုသွားရာလေးနေရာကိုပဲ Baekhyunလှမ်းကိုက်လိုက်မိပြန်သည်။ သွားယားနေသလိုမျိုး ခပ်ဖွဖွလေး တတိတိကိုက်နေမိတာပင်။ ဒီအကျင့်လည်း Chanyeolဆီကနေ ကူးလာတာထင်ပါရဲ့...။
"အွန်း... Baek.."
ခပ်ဖွဖွလေးကိုက်နေပင်မဲ့လည်း တချက်တော့အားပါသွားလို့ထင်သည်။ Chanyeolက အနည်းငယ်လှုပ်ရွရင်းနိုးလာကာ ရင်ခွင်ထဲက Baekhyunထံငုံ့ကြည့်လာလေ၏။ Baekhyunကတော့ ကိုက်ထားသည်ကို မလွတ်ပေးသေး...။
"မနက်စောစောစီးစီး ရင်ခွင်ထဲကို ခွေးပေါက်လေးတစ်ကောင်ရောက်နေတာပဲ"
နိုးနိုးချင်းမို့ Chanyeolရဲ့အသံသည် ပုံမှန်ထက်ပင် ဩရှရှနိုင်၏။ တချက်လောက်အားပါပါကိုက်ချပစ်ကာ လွှတ်ပေးလိုက်တော့... Chanyeolထံမှ နာကျင်သည့်အသံအစား ရယ်သံခပ်ဩဩလေးသာထွက်ကျလာသည်။
"ဘာတွေအလိုမကျဖြစ်နေသလဲ မောင့် Park Baekhyunလေး"
"ဟင့်အင်း... အသဲယားလို့ကိုက်တာ"
ရယ်ပြန်သည်။ သူ့ရဲ့မောင်က ရင့်ကျက်လာလို့ပဲလားမသိ... Baekhyunရဲ့ အမူအယာတွေ၊ အပြောအဆိုတွေ တခုချင်းဆီကို သဘောကျတဲ့အခါတိုင်း ခပ်တိုးတိုးရယ်တတ်လာသည်။ နဂိုအသံဩရှရှဟာ ခပ်တိုးတိုးရယ်သံနှင့်ရောသွားတိုင်း Baekhyunမှာ ဆယ်ကျော်သက်လေးလိုမျိုး ရင်ခုန်ရဆဲပင်။
"မောင်... အဆင်ပြေလား"
Baekhyunရဲ့အမေးကို ချက်ချင်းသဘောပေါက်သည့်Chanyeolက ပွေ့ဖက်မှုတွေကိုပိုတင်းကြပ်စေလာသည်။
"အင်း... သဘောကျရဲ့လား"
အမေးထဲတွင် စိုးရိမ်မှုတွေကိန်းအောင်းနေပြန်တာကို Baekhyunသတိထားမိသည်။ သူ့တုန်းကလည်း ဒီလိုပဲ စိုးရိမ်ခဲ့မိသည်လေ။
"မောင်မို့လို့ သဘောကျတယ် အရမ်း..."
ညကအကြောင်းပြန်တွေးမိတော့ ရင်ဘတ်ထဲကအကောင်က လှိုက်ခနဲခုန်သွားပြန်သည်။ အိမ်ထောင်သက် 6နှစ်နဲ့2ရက်ဖြစ်တဲ့အချိန်အထိ Park Chanyeolက လူကိုပြုစားနိုင်နေသေးတာ မလွန်လွန်းဘူးလား!
ရင်ခွင်ထဲက တဟိဟိအသံလေးထွက်လာသည်ကြောင့် Chanyeolငုံ့ကြည့်မိပြန်သည်။
YOU ARE READING
- Still Yours -
Romanceကိုယ်က အခုထိ မင်းရဲ့သက်ဆိုင်သူ Park Baekhyunအဖြစ်ရှိနေသေးတယ်လေ...။ @_haeyung - Still Yours - // Season - 3// ကိုယ္က အခုထိ မင္းရဲ႕သက္ဆိုင္သူ Park Baekhyunအျဖစ္ရွိေနေသးတယ္ေလ...
Still Yours - 6
Start from the beginning