The Hero Is My Villain

KABANATA 16

Kahit kailan ay hindi pa nila nakitang namroblema ang kanilang commander. Kahit sa battlefield ay lagi itong kalmado na para bang nakalkula niya na lahat ng mga posibilidad at ang mga maaaring mangyari.

Nakatayo si Garvie ngayon sa harapan ng desk ni Zyr. Nagbigay siya ng report dito kaya naman naglakas loob na rin siyang itanong iyon.

Hindi naman nagsalita si Zyr na para bang lumampas lang sa tenga niya ang sinabi ni Garvie. Hindi naman natinag si Garvie.

"Commander, kung may problema kayo, pwede kang magkwento sa akin o hindi kaya ay pwede ka rin humingi ng advice. Kahit tungkol saan pa man yan" nakangiting saad ni Garvie.

Curious talaga si Garvie sa laman ng isip ng kanilang commander at gusto niyang malaman kung ano bang bagay ang nakakapagpawala sa mood nito ng buong tatlong araw.

Sigurado naman si Garvie na hindi iyon tungkol sa war dahil para sa kanilang commander ay madali lang ang lahat ng bagay pagdating sa war.

Hindi naman nagsalita si Zyr.

"Commander, minsan mas magandang magkwento sa iba para naman mawala ito sa isip niyo" pahayag pa ni Garvie na walang balak tumigil sa pangungulit dito.

Alam naman ni Garvie na hindi rin palakwento ang kanilang commander pero kailangan niyang makakuha ng sagot mula dito dahil concern sila sa kanilang commander. Kapag nalaman niya ay paniguradong ikukwento iyon ni Garvie sa iba pa.

"I think I made a mistake" bigla namang saad ni Zyr ng hindi inaangat ang tingin kay Garvie.

Nanlaki naman ang mata ni Garvie na para bang may narinig siyang hindi kapanipaniwala. Ilang beses siyang napakurap dahil sa gulat.

Nakagawa ng mistake ang kanilang perpektong commander? Mukhang hindi ata iyon kayang paniwalaan ni Garvie at lalo na kapag nalaman ito ng iba pa.

"Commander, don't joke around. You are so perfect that you can't even make a single mistake" natatawa namang pahayag ni Garvie na para bang nakarinig talaga siya ng isang malaking joke.

Nag-angat naman ng tingin si Zyr kay Garvie. Nawala naman ang tawa ni Garvie ng makita niya ang seryosong mukha ng kanilang commander.

"I am serious. I made a big mistake" malamig na saad ni Zyr na para bang namomroblema talaga siya.

Hindi naman makapaniwala si Garvie.

"What kind of mistake, Commander?" Tanong naman ni Garvie dito.

"You won't understand. Leave now" pahayag ni Zyr.

Hindi naman ito sinunod ni Garvie.

"Tungkol ba saan, Commander? Malakas ang kutob ko na makakatulong ako sa inyo" saad ng makulit na si Garvie.

Nagsalubong naman ang makapal na kilay ni Zyr bago nagsalita.

"It's about someone I want" pahayag ni Zyr.

Nanlaki naman ang mata ni Garvie at alam na niya agad na tungkol ito sa babae. Para bang gusto niyang higitin si Hugo at Lerondo patungo sa kung nasaan siya ngayon lara marinig din ang sasabihin ng kanilang commander.

"Commander, do you like her so much?" Tanong naman ni Garvie dito.

Umiling naman si Zyr.

"It's more than that. More deeper and unknown" sagot naman ni Zyr.

Napatakip naman sa bibig si Garvie na parang isang babae. Napakurap siya ng ilang beses.

"Commander, if it's not like then, you are in love!" Malakas na saad ni Garvie.