ဝန်ထမ်းအိမ်ယာရှေ့တွင် အသင့်စောင့်နေကြသည့် အမေတို့သူနာပြုဌာနက အဖွဲ့များက ကားပေါ်သို့ မဟန်နီအပါအဝင် တစ်ယောက်ပြီးတစ်ယောက် တက်လာကြသဖြင့် သန့်ဇင်ကို ခဏဆင်းပေး လိုက်သည်။
ကျိုက်ထီးရိုးခရီးစဥ်တွင် ပါဝင်သောသူများသည် သူနာပြုဌာနက ရွယ်စုံဆိုက်ဒ်စုံ Nurse မများ ဖြစ်သောကြောင့် ယောကျာ်းလေးဆို၍ သန့်ဇင်ကိုတစ်ယောက်သာ ပါဝင်လေသည် ၊ မီးများမီးနိုင် ရေများရေနိုင် ဟူသည့်စကားအတိုင်း သူတို့၏ ပွစိပွစိ စကားသံများ ကြားသည့်အခါ အိပ်ငိုက်နေသည့် သန့်ဇင်ကိုတစ်ယောက် ဖီးလ်ကျဲလာသည်။
ထိုအချိန်တွင် သူ၏ဘေးတွင်ထိုင်လိုက်လာသည့် မမဟန်နီက သန့်ဇင်ကို၏ လက်မောင်းကို ပုတ်ကာ....
“မောင်လေး.....ငိုက်မနေနဲ့တော့ ၆ထပ်ကွေ့ရောက်နေပြီ ၊ လမ်းကဟိုယိမ်းဒီယိမ်းနဲ့ အိပ်လို့ ရမှာမဟုတ်ဖူး”“အွန်း...ဟုတ်တယ် အမ....ဝါး”
“ မတွေ့ဖြစ်တာတောင်ကြာပြီနော်.... အသားတွေဖြူလာသလိုပဲ ၊ စာမေးပွဲရော ဖြေနိုင်လား”
“ဟုတ်အမ....သင်္ချာနေ့ကတော့ မေးခွန်းသတ်တယ် ၊ အောင်တော့အောင်ပါတယ်လေ.... ဆယ်တန်းတစ်နှစ်လုံး အခန်းတွင်းအောင်းနေရတော့ ဖြူလာတာပါ”
“ဟုတ်တယ်...အမရဲ့ ညီမတစ်ဝမ်းကွဲလည်း သင်္ချာနေ့က သိပ်မဖြေနိုင်ဖူးပြောတယ်”
“အွန်း...ဟုတ်တယ်...ဝါးးးး”
“ရော့...အိပ်ချင်ပြေ...လိမ္မော်သီးစား”
“အွန်း..အမ ကျေးဇူးပဲ ၊ အမရော ကောင်လေးနဲ့အဆင်ပြေလား”
“ဘယ်တစ်ယောက်လဲ”
“ကျွန်တော် ကိုးတန်းတုန်းက အမတွဲနေတယ်ဆိုတဲ့ တစ်ယောက်လေ”
“အဲ့တစ်ယောက်နဲ့ပြတ်သွားပြီ ၊ အခုလောလောဆယ်တော့ အမကလူလွတ်ပဲ...ဟဲဟဲ ”
“အော်....”
“မောင်လေးရော.....အရင်ကြိုက်နေတယ်လို့ပြောတဲ့ ကောင်မလေးနဲ့ အခြေအနေ ဘယ်လိုရှိလဲ”
“အွန်း....တိုးတိုးလေးပြောပြမယ်...အနားကိုတိုး ၊ ကျွန်တော်သူ့ကိုဖွင့်ပြောလိုက်ပြီ....”
YOU ARE READING
When we were young
Romanceကျွန်တော်တို့အားလုံး ဖြတ်ကျော်ခဲ့ဖူးတဲ့ ကျောင်းသားဘဝကနေ အစပြုကာ ဖြစ်ပေါ်လာတဲ့ ချစ်စရာကောင်းတဲ့ ဇာတ်လမ်းလေးတစ်ပုဒ်။ ဂျစ်ကန်ကန် ကျောင်းသား ဆိုးပေလေး သန့်ဇင်ကို နဲ့ စာတော်ပြီး ဆရာများရဲ့ အချစ်တော် အိမ့်မျက်ချယ်တို့ရဲ့ ရင်ခုန်စရာ အဖြူစိမ်း ဘဝချိုချို။ W...
Chapter sixteen: : ကျိုက်ထီးရိုးဘုရားဖူးခရီးစဥ်
Start from the beginning