Until death
❄15❄
[ဆရာတစ်ယောက်ပဲ]
ရွှမ်းယင်ရဲ့ ကျန်ရှိနေတဲ့ ဝိညာဥ်နှစ်ခုက စွမ်းအားကောင်းလှသည်။ သူ့မှာ ဝိညာဥ် သုံးခုရှိတဲ့အကြောင်း တခြားလူကို မပြောပြဖို့ ဆုံးဖြတ်လိုက်သည်။ ဒါက လျှိုဝှက်ထားနိုင်လေ ကောင်းလေပဲလို့ သူထင်၏။
ဤသို့နှင့် ညနေပိုင်းကို ရောက်တဲ့အခါ ရွှမ်းယင်ရဲ့ အိပ်ဆောင်တံခါးကို အပြင်ဘက်ကနေ ခေါက်နေသံ ကြားလိုက်ရသည်။ ရွှမ်းယင် တစ်နေ့လုံး တင်ပျဥ်ခွေထိုင် စွမ်းအင်ကျင့်နေခဲ့ပြီး ခန္ဓာကိုယ်ထဲက ချိတ်ပိတ်ထားတဲ့ အစီအရင်ကို ဖျက်စီးဖို့ ကြိုးစားနေလေသည်။
သို့သော် အစီအရင်က သူမမြင်ဖူး မထိတွေ့ဖူးတဲ့ စွမ်းအားတွေ ပါဝင်တာကြောင့် သူပထမဆုံး ဒီအရာကို သေသေချာချာ လေ့လာဖို့ လိုအပ်နေပြီ။
"ရှစ်ဇွင်း....."
ရွှမ်းယင် တံခါးဖွင့်ပေးလိုက်သည်။ ချီးစီက သပ်သပ်ရပ်ရပ် ဝတ်စားလျက် တံခါးရှေ့မှာ ရပ်နေ၏။
"ရှစ်ဇွင်း ကျွန်တော်တို့ သွားကြည့်ရအောင်လေ... အရင်ဆုံး ရှစ်ဇွင်းရဲ့ ပုံစံကို ပြောင်းခဲ့ရလိမ့်မယ်"
"အင်း"
ရွှမ်းယင် ခေါင်းညိတ်ပြီး ကိုယ်ကိုတစ်ပတ် လှည့်လိုက်တဲ့အခါ အဝတ်အစားက အဖြူရောင် ၊ ဆံပင်နဲ့ မျက်ဝန်းကလည်း အနက်ရောင်အဖြစ် ပြောင်းလဲသွား၏။ ရွှမ်းယင် တစ်ခါမှ မပြောင်းဖူးတာကြောင့် သူ့ကိုယ်သူလည်း ပြန်ကြည့်လိုက်သေးသည်။
"ငါအဆင်ပြေရဲ့လား?"
"အရမ်းလှတယ်"
ရွှမ်းယင် ခေါင်းထောင်သွားသည်။ မျက်လုံးတွေက ချီးစီရဲ့ ပြုံးရွှင်နေတဲ့ မျက်ဝန်းတစ်ချို့နဲ့ ဆုံတွေ့သွားပြီး နှစ်ယောက်လုံး တစ်ခဏမျှ ငြိမ်သက်သွား၏။ ချီးစီကသူ့ကို ဘယ်လိုများ မှတ်ချက်ပြုလိုက်တာလဲ။ သူ့ကို လှတယ် ကြည့်ကောင်းတယ်လို့ ပြောကြသူတွေ အများကြီးရှိပါသည်။
အများကြီး ရှိပါရက်နဲ့ ဘာဖြစ်လို့ ချီးစီရဲ့ အဲ့ဒီစကားလေးတစ်ခွန်းက သူ့ကို ကြောင်အသွားစေခဲ့တာလဲ ဆိုတာတော့ သူလည်း နားမလည်ပါ။ ချီးစီက သူ့အပေါ် ဂရုစိုက်ပေးပြီး ဆံပင်စည်းပေးဖို့အထိ လုပ်ပေးတတ်လို့လား။
BẠN ĐANG ĐỌC
Until Death (OC) Complete
Viễn tưởngဘယ်နေရာရောက်ရောက် ကိုယ် ရွှမ်းယင်နဲ့ပြန်ဆုံမယ်ဆိုတာ ယုံတယ် ဘယ္ေနရာေရာက္ေရာက္ ကိုယ္ ႐ႊမ္းယင္နဲ႕ျပန္ဆုံမယ္ဆိုတာ ယုံတယ္
