“အော်....”
“သားအိပ်ယာကို အရှေ့ခန်းထဲရွေ့ပေးထားတယ်.....နှစ်ရက်သုံးရက်ပဲ သည်းခံလိုက်”
“သားက ကိစ္စမရှိပါဖူး...အဲအမေ့ သားကုတင်အပေါ်နားလေးမှာလည်း ရေယိုတဲ့အပေါက် ရှိတယ်နော်...”
“အင်း....မနေ့က သားအဖိုးက ပြန်ဖာပေးထားတယ်ပြောတာပဲ ၊ လိုလိုပိုပို ခြင်ထောင်ပေါ် ပလက်စတစ် ခံထားလိုက်မယ်”
“ဟုတ်....အမေ”
သန့်ဇင်တို့ သားအမိနှစ်ယောက် စကားပြောနေသခိုက် အောက်ထပ်က မဟန်နီရဲ့ အော်သံကို ကြားလိုက်ရသည်။
“အမကြီး....သန့်ဇင်....ဘယ်သူရှိလဲ.....သမီးရောက်ပြီနော်”
“ညီမရေ...အမတို့အပေါ်ထပ်မှာ တက်လာခဲ့လိုက်”
“အော်....ဟုတ်ကဲ့ အမ”
မဟန်နီသည် အောက်ထပ်ကနေအပေါ်သို့တက်လာပြီး အခန်းထဲသို့ တစ်ကိုယ်ရည်စာ အထုတ်အပိုးအိတ်နှင့် ဝင်လာသည်။
အိပ်ယာပြင်ပေးနေသော သားအမိ နှစ်ယောက်ကို တွေ့တော့......
“အမကြီးရယ်....အားနာစရာကြီး ၊ သမီးဘာသာ ခေါင်းအုံးစွပ်လိုက်မယ်....ပေး ပေး”
“အဲ့တာဆိုလည်း လုပ်လိုက်တော့နော်....ငါအောက်ထပ်ဆင်းတော့မယ် ၊ ညနေစာအတွက် ဟင်းပြန်နွေးဖို့ရှိသေးလို့”
“ဟုတ်ကဲ့”
“အဲ့တာဆိုသွားပြီ.....သားလည်း ခြေလက်ဆေး အဝတ်အစားလဲပြီးရင် ထမင်းစားဖို့ လာခဲ့လိုက်တော့နော်”
“ဟုတ်...အမေ”
“မောင်လေး...သန့်ဇင်...မတွေ့တာတောင်ကြာပြီနော် ၊ အရပ်ကြီးအတင်းရှည်သွားသလိုပဲ..... အေးပေါ့လေ ဒီအရွယ်က ထွားတဲ့အရွယ်ကို....စာရောလိုက်နိုင်လား”
“ဟုတ်....အခုထိတော့လိုက်နိုင်ပါသေးတယ်...ဟဲဟဲ”
“အင်း....မောင်လေး အခုမှကျူရှင်ကပြန်လာတာမလား ၊ ခြေထောက်လက်သွားဆေးတော့... သွား...အမပဲလုပ်လိုက်တော့မယ်”
“ရတယ်အမ...ပြီးပြီ....ထမင်းစားခဲ့ပြီလား”
“ဟင့်အင်း...မစားရသေးဖူး”
YOU ARE READING
When we were young
Romanceကျွန်တော်တို့အားလုံး ဖြတ်ကျော်ခဲ့ဖူးတဲ့ ကျောင်းသားဘဝကနေ အစပြုကာ ဖြစ်ပေါ်လာတဲ့ ချစ်စရာကောင်းတဲ့ ဇာတ်လမ်းလေးတစ်ပုဒ်။ ဂျစ်ကန်ကန် ကျောင်းသား ဆိုးပေလေး သန့်ဇင်ကို နဲ့ စာတော်ပြီး ဆရာများရဲ့ အချစ်တော် အိမ့်မျက်ချယ်တို့ရဲ့ ရင်ခုန်စရာ အဖြူစိမ်း ဘဝချိုချို။ W...
Chapter Eleven: : Love Lessons of Ma Han Ni ( Part - 1 )
Start from the beginning
