- لا أختچ مالها ذنب بالموضوع
بس رجلچ أي ديخونچ حتى لو بينه وبين نفسه بس همْ تظل أسمها خيانة ولازم تنتبهين على هالشي زين
- شلون يعني احچي بوضوج لو تعوفيني بحالي
- صالح يحب طيبة
- شنوووو !!!
- مثل ما سمعتي رجلچ يحب أختچ بس الواحد يحچي ضميره هيَّ ما حابته ابد حبها الرجلها وبس
- شنو عمة شدتحچين
- وروح أبوية هاي الحقيقة وتعرفين ما اكذب ابد رجلچ يحب أختچ ومو هسة لا اصلاً حب طفولة هذا
- احچي شلون شوكت وليش ما تزوجها اذا يحبها ؟!!
حچتلي كل شي صار بالماضي
حب صالح
قتاله حتى يحصل على طيبة ويفوز بـ گلبها
محاربته الـ همام بـ فترة معينة في سبيل يكسب وقت يحاول من خلاله ينسي أختي مشاعرها اتجاه رجلها
كل شي عرفت... حتى عذابه ببعدها عنه
سهره وهوَ يحلم يرجعتها الـ حضنه
دخوله للسلك العسكري بس حتى يحقق حلمها الكانت تتمنى تشوفه واگف گدامها وهوَ لابس زي الضباط
بس بالنهاية هيَّ فضلت همام عليه
اختارته وتركت صالح يعيش عذابه ويا حبها بكل ليلة
لحد ما كبرت اني واعترفت بـ حبي اله
لسة اذكر شلون بيومها رفضني بـ أسلوب حاد
بس وراها بفترة وبعد ما أخذ مشورة فلان وعلان قرر يرتبط بية ويكمل حياته وياية
سكتت واني بعدني صافنة اربط الأحداث حسب كلامها
صاحت ها وياية لو شنو
باوعت الها ومسحت دموعي منو يعرف هالحچي منهم
- كل اللي بالبيت يعرفون ومستغفليچ
- شنو يعني كلهم
- كلهم شبيچ حتى ولد عمچ محمود البنات عماتچ
- ما ادري احس نفسي مداگدر اصدگ بيچ رغم بالعقل كلامچ يعتبر صح بس گلبي رافض يستوعب
- اليوم راح اثبتلچ كل شي بس خليچ وراية وشوفي
وفعلاً بدت تشتغل عليهم بـ ذكاء
كل شوية وذكرت شي عن الماضي ومن عصبيتهم ورد فعلهم المبالغ بي اتأكد همَ بعدهم يحاولون يخفون عني الحقيقة
أخر شي بالليل ذكرتهم بخلاف صالح ويا همام
لو كان كذب متجرأت تحچي بي
ولو كان كذب مكانوا سكتوا الها ولا عصبوا بـ هالطريقة بس حتى يسيطرون عليها ويسدون الموضوع
راحت طيبة ويا همام لبيتهم تجهز ملابسه
انتبهت الصالح چان گاعد أول ما طلعت راح لغرفتنا
تبعته ديشتغل ع اللابتوب گتله ضايجة عوف كل شي وخلينا نسولف شوية رد من نسهر ان شاء الله
عفته وطلعت روحي واصلة الخشمي
ردت اطلع للحديقة صارت عمتي گدامي ها شفتي شنو گتلچ؟!! حتى ميتحمل يظل بـ مكان هيَّ مو بي
- ما اصدگ لو يحبها كان بلغني ألف مرة سألته بحياتك حبيت لو اني أول حب يرد ما عندي حب غيرچ
- حچيت كل شي بعد
اذا حابه تتأكدين واجهي طيبة اكيد راح تعترف متهتم الشخص غيرچ لأن انتِ أختها الوحيدة
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
مستقبل الرواية ج8
Start from the beginning
