ဒီအတွဲကိုတော့ တကယ်နားမလည်နိုင်တော့ဘူး!!!
ဧည့်ခန်းထဲက အတွဲကိုလျစ်လျူရှူပြီး မနက်စာအတွက် စစ်မင်းထက် ပြင်ဆင်ရန် Apronကို ဝတ်ဆင်လိုက်တော့သည်။
ဒီနေ့မနက်စာ မီနူးကတော့...
Kiwi Raspberry Green Tea Cup Cakeလေးလုပ်ရန်အတွက် မနေ့ကတည်းက သူလိုအပ်တာတွေကို ဝယ်ထားပြီးသားဖြစ်သည်။ပထမဦးဆုံး အိုးတစ်အိုးထဲ ဟင်းရွက်ဆီ၊ ထောပတ်နှင့် သကြားဖြူတို့ကို ရောထည့်လိုက်ပြီး လျှပ်စစ်လက်မွှေတံလေးနဲ့ ၄/၅မိနစ်ခန့်မွှေပေးပြီးနောက် ဖြူပြီးပွလာတော့သည်။မွှေပေးပြီးတာနဲ့ကြက်ဥကို တစ်လုံးချင်းခေါက်ထည့်ပြီး သမအောင်မွှေရင်း ဗနီလာအနံ့ရည်ကိုလည်း ရောထည့်ကာ ထပ်ပြီးမွှေနေလိုက်သည်။
"ဘာလုပ်နေလဲ ကိုစစ်"
မျက်နှာသစ်ပြီး အောက်ထပ်သို့ဆင်းလာဟန်ရှိတဲ့ ဦးသန့်ရဲ့မျက်နှာလေးသည် ပကတိ အေးချမ်းလို့နေသည်။
"ကော်ဖီနဲ့ cupcake လုပ်နေတာလေ ပြီးတော့ ဦးသန့်ကြိုက်တဲ့ ကီဝီသီးလည်းပါသေးတယ်"
မုန့်အနှစ်ကိုမွှေနေတာမို့ မအားလပ်နေတဲ့ ကိုစစ်ကိုအခွင့်ကောင်းယူကာ ဦးသန့်သည် အနောက်ကနေထွေးပွေ့လို့လာပြီး လည်ကုပ်နားသို့ အနမ်းတစ်ပွင့်ခြွေလာသည်။
ကိုစစ်ရဲ့ မုန့်မွှေနေခြင်းသည် ၃စက္ကန့် လောက် ရပ်တန့်သွားခဲ့သည်။
"ကိုစစ်ရဲ့ ကိုယ်သင်းနံ့က ကိုယ့်ရဲ့စိတ်ကို လန်းဆန်းသွားတာပဲ"
"မနောက်ပါနဲ့ဗျာ"
ခါးနားတစ်ဝိုက်ကို တင်းကျပ်စွာ ထွေးပွေ့ထားရင်းကနေ လည်တိုင်တွင်းသို့ ခေါင်းတိုးဝှေ့လို့လာသည်။
"ဟောဗျာ...ဘယ်လိုဖြစ်ပြီး ကျွန်တော့်နားအဲ့လောက်တောင်ကပ်နေရတာလဲ!!! ဒါကို ချွဲတယ်လို့ ပြောရမလား"
ဦးသန့်သည် တိုးတိုးလေး ရေရွတ်လာပြန်သည်။
"အင်း~~ ကိုယ်မင်းကို ချွဲနေတာလေ "
စစ်မင်းထက်သည် မယုံကြည်နိုင်စွာဖြင့် ဦးသန့်ရှိရာသို့ မျက်နှာချင်းဆိုင် လှည့်လိုက်တော့သည်။
YOU ARE READING
If only I had loved U(ငါသာမင်းကိုချစ်ခဲ့လျှင်) (Own Creation)
Romanceလွတ်လပ်စွာချစ်ခွင့်ပေးဖို့အတွက် ခင်ဗျားနှလုံးသားကလည်း ဖွင့်ဖို့လိုအပ်တယ်....
အပိုင်း-၂၅ (Unicode)
Start from the beginning