لن اتنازل عن خاطفي

لن اتنازل عن خاطفي الثامنه

لن اتنازل عن خاطفي
الحلقه الثامنه
في شقه احمد
باكي ف المطبخ تحاول اختراع شيء جديد
احمد يتسلل من خلفها فقد اصبح احسن وباقي الجبس فقط ان يفكه بعد كام يوم
وياتي من خلفها ليضع يده علي وسطها والاخري ف الجبس علي صدره
احمد:الجميل عاملنا ايه انهارده
باكي تتخض وتلتفت لتجد نفسها ف احضان احمد
باكي:يااااي خضيتني ياحمد
احمد :اخس عليا
ويحاول تقبيلها فتتملص منه
باكي:لا ياحمد ماينفعش ياحمد
احمد:جننتي ام احمد
مش دا اللي انتي عوزاه
حيرتيني معاكي
اقرب تبعدي  ابعد تقربي
انتي بتلعبي معايا ولا ايه حكايتك
انتي مش قلتي انك مراتي عاوزه ايه بقي
باكي :طب اهدي بس وانا هفهمك
انت ماينفعش تلمسني الا لما نتجوز رسمي
احمد:خلاص يلا
باكي:لا ياحبيبي طالما اعترفت انك عاوزني يبقي انا مش مكاني هنا انا هروح الفيلا وانت زي الشاطر تيجي تتقدم ليا عند بابي ونعمل فرح يليق بمقامي عشان  بابي تبقي راسه مرفوعه
غير كده مش هوافق
احمد:انتي مجنونه اروح لابوكي
دا هيطردني شر  طرده
باكي:والله دا اخر كلام عندي
وتهم بان تسحب شنطتها وتجهزها
احمد:انتي رايحه فين
باكي:قلتلك مكاني مش هنا دلوقتي
احمد: وتسيبي جوزك حبيبك لوحده وهو مكسور طب مش واجب الزوجه تقف جمب زوجها

باكي:طب اوك انا هقعد معاك لحد اما تفك الجبس واوصلك تفكه واروح علي كليتي عشان اكمل ورق تعييني
احمد:وانا هاجي معاكي زي ماهتيجي معايا
باكي:بس تقعد مؤدب
احمد:ماضمنش دي حاجه حسب التساهيل
باكي:هااااا همشي وسيبك
احمد:هحاول بس ماوعدكيش
باكي تحتضن احمد :انا بحبك اوي يابيبي
احمد:ماهو مين بقي هيستحمل كل ده راعي اني شاب
باكي:خلاص خلاص
وانا هبعد عنك انا كمان عشان  مازودش الموضوع عليك
.............
يتصل مجدي :ايه ياعم نسيت موعد الافتتاح كان الله ف العون ياعم
احمد:انت بتقول فيها ادعيلي
والله كنت نسيت
اوك هجيب باكي ونيجي وكمان كنت عاوز اكلمك انت ومحمد ف موضوع

مجدي:تمام اماتيجي نتكلم
..........
احمد:صحيح ياباكي شوفي حاجه كويسه كده وبلاش المحزق والملزق ده  عشان نروح افتتاح المطعم

باكي:بجد ياحمد هتفتح الريستورا انهارده
الف مبروك يابيبي وتحتضنه مره اخري
احمد:ماهو كده كتير عليا انا جبت اخري
وقربت اجيب جاز
باكي:هههههههه حلوه جاز دي
انا اسفه نسيت اخر مره دا كان حضن بريء
احمد:بتضحكي ماهو اصلي بتك علي زرار يعرفني البريء واللي مش بريء
طب يلا نجهز بقي
وارتدت افخم.ثيابها وهو ارتدي بدلته وكان وسيم فيها لكنه لم يدخل ذراعه المكسوربها
وذهبا الي الحفل
وقد.كان الاقبال تاريخي
محمد:والله والبليه هتلعب معانا ياولاد
مجدي:انا ماتخيلتش ان الاقبال هيبقي كده
محمد:طبعا هو انا بلعب انا اخترته ف افخم منطقه
وكلها مليارديرات ومليونيرات
يعني هنظيت ونظيت كمان
احمد:طب الحمد لله
عشان كده عاوز اكلمكو ف موضوع
وباكي مشغوله مع الناس
مجدي:اؤمر ياحمد
احمد:انا عاوز اجوز باكي
محمد:اخيرا كفاره ياراجل
هو انتو لسه مش مجوزين
احمد:شرطها اتقدم لوالدها ونعمل فرح كبير
محدي اوبا وهتعمل ايه يامعلم
احمد:ماهو عشان كده جيت اتفق معاكو