السلام عليكم جميعا
بصراحة انا مكنتش عايزة اتكلم في الموضوع ده لانه ماكنش بيهمنى اوي في البداية بس دلوقتي اهتميت بيه اولا انا بشكر الكاتبة نورا كاتبة رواية صغيرته لانها فكرتني بيه عن طريق ملاحظة قالتها
الموضوع زاد جدا عن حده
في بنات او ناس للاسف معدومين الضمير و الاخلاق لدرجة انهم ممكن ياخدوا تعبك بكل دم بارد عادي و لا كأنهم عملوا حاجة
انك تكتب رواية بلغة جميلة و حلوة و سلسلة يفهمها الكل و تتعب فيها و تفرح نفسك و متابعينك بيها دي شيئ جميل جدا بس ليه بعد كل التعب ده يجي ناس اسفة يعني من غير ذوق و لا احترام ياخدوا تعبك من غير حتى استئذان و يستفيدوا منه من غير وجه حق
جاتني اكتر من رسالة البنات بتسأل انتِ ازاي بتنشري رواياتك على جوجل بلاي،،، ؟؟!
يا جماعة انا مش ناشرة اي رواية ليا على جوجل بلاي و لا اي منصة تانية غير الوتباد سواء كانت فيسبوك او انستقرام او اي موقع روايات تاني انا اتفاجأت لما لقيت رواية ضحية الجاسر منشورة على جوجل بلاي مع العلم اني ما سمحت لاي حد ياخدها و لا حتى في حد كلمني يستأذن عشان ينشرها حتى لو الرواية نازلة بأسمي انا حرة دي روايتي انت ملكش اي حق تاخدها و تنزلها من غير استئذان ده اسمه سرقة لاني فعليا حاطة تصنيف الرواية الحقوق محفوظة
يعني !! رسميا انا ما عنديش اي حساب على المواقع دي بنشر فيه الروايات غير الواتباد فقط لا غير
و لو حصل فعلا و عملت جروب على الفيس بوك اكيد هقولكم و ده مستبعد عندي الصراحة لاسباب كتيرة تخصني
طلب خاص،،
اي رواية من رواياتي لقتوها موجودة على اي موقع غير الواتباد الحساب الشخصي بتاعي ياريت تعملوا ابلاغ فورا على صاحب الصفحة لاني من اول ما بدات اكتب و انا كافة الحقوق عندي محفوظة يعني ممنوع النشر او الاقتباس بأي شكل من الاشكال من غير أذني انا شخصيا
نصيحة مني،،،
لو كل وحدة فاكرة انها لو سرقت رواية و نسبتها لنفسها فاكرة انها كده جميلة و في السليم تبقى غلطانة لاني بعد كده هتخذ كافة الاجراءات القانونية عشان اجيب حقي لان الموضوع بجد بقى over جدا
اي كاتبة اكيد بتفرح لما روايتها تتشهر و تسمع تعليقات المتابعين على روايتها بس في نفس الوقت صعبة جدا انك تتعبي و تسهري على حاجة انتِ شايفاها انجاز عظيم ليكي و في نهاية من غير اي حياء و لا ذوق يجي شخص و ياخد كل ده على الجاهز بجد حرام
و رجاء خاص محدش يبعت لي تاني انه هينشر الرواية عنده او ياخدها لاني مش هقبل بكده
اسفة اني طولت عليكم بس كلامي ده لفئة معينة من الناس اما القمرات بتوعي في قلبي من جوه شكرا بجد على كلامكم الحلو و تشجيعكم الي اكتر من رائع بحبكم جدااااا
