Unicode
အိမ်ပြန်ရောက်တာနဲ့ အခန်းသန့်ရှင်းရေးလုပ်ရ ၊ အိပ်ရာခင်းတွေလဲရ၊ မြင်းစာဝယ်ရ ၊ကျွေးရ ၊နေရာချရ၊ ကြောင်စာကျွေးရ ၊ မြင်းက ထားစရာနေရာမရှိလို့ ကြံရာမရတဲ့အဆုံး ခြံထဲကြိုးချည်ထားရတယ်။မီးဖိုချောင်သန့်ရှင်းရေးလဲ ပြန်လုပ်ရတယ်။ ကိုယ်တိုင်လဲ ချွေးတွေနဲ့ပေတူးနေလို့ ရေချိုးကြရသေးတယ်။ ဒါတွေလုပ်နေတုန်းရှောင်းကျန့်က မျက်နှာကြီးမာထားပြီး စကားတခွန်းမှမပြောဘူး။ ရိပေါ်ကလဲကုပ်ကုပ်လေးပဲ လိုက်လုပ်ကူပေးရတယ်။ အားလုံးပြီးတော့ ညစာစားချိန်တောင်ရောက်နေပြီ။ onlineကနေပဲ မုန့်မှာစားလိုက်ရတယ်။
စားသောက်ပြီးတော့ ဖြစ်ကြောင်းကုန်စင်ကို ရှောင်းသုခမိန်ကြီးက စစ်ဆေးမေးမြန်းပါတော့တယ်။ အပြစ်သားလေးဝမ်ရိပေါ်ခမျာ မချောင်ရှာဘူး။
"ငါမင်းကို ဝက်ခေါင်းဓားဖြတ်စက်နဲ့ စီရင်လိုက်ရမလား ဟမ် !!! "
ရိပေါ်ဗိုက်ကို ဗိုက်ကြောပြတ်မတတ် လိမ်ဆွဲ ၊ လက်မောင်းကိုသွားရာအကွင်းလိုက်ကိုက်၊ နှာခေါင်းထိပ်လေးပါနီရဲတဲ့အထိ ယုန်သွားဖြင့် ကိုက်ဆွဲပြီးနောက် ရှောင်းကျန့်က စိတ်ဖြေသာသွားပြီ။ နှလုံးသားလေးထဲမှာတော့ ယွမ်ဆယ်သိန်းက သူ့ကိုတာ့တာပြနေတယ်။
" အဲ့ဒီတော့... မင်းက ငါနဲ့အတူနေချင်လို့
မင်းသူငယ်ချင်းမြောက်ပေးတဲ့အတိုင်းလိုက်လုပ်တယ်ဆိုပါတော့ "
"ဟုတ် "
ကုတင်အစွန်းနားထိုင်ပြီး ခေါင်းလေးငုံ့လို့ ဝမ်ရိပေါ်က အရမ်းကိုသနားစရာလေးလုပ်ပြနေတယ်။
"မင်း ငါ့ကိုပွင့်ပွင့်လင်းလင်းပြောလို့ရတာပဲလေ ဘာလို့မပြောလဲ "
"မင်းက ငါချစ်လားမေးတာ ပြန်မှမဖြေတာ "
"ငပိန်းကောင် !!! မချစ်ပဲ မင်းဖက်အိပ်တာ၊နမ်းတာ ငါခံနေစရာလား ။ တုံးတယ်လို့ပြောရင်လဲ မကြိုက်ဘူး "
ဝမ်ရိပေါ်က ပါပီမျက်ဝန်းလေးနဲ့ ရှောင်းကျန့်ကိုမော့ကြည့်တယ်။
"အဲ့ဒါဆို ...မင်းငါ့ကို ချစ်တယ်ပေါ့နော် "
"ချစ်တာပေါ့ ချစ်လို့လဲ မင်းပေါက်ကရလုပ်သမျှသည်းခံနေတာပေါ့ ...ဟူးးး ..."
YOU ARE READING
YiZhan in the house 🏠 (Completed)
Fanfictionဇာတ်လမ်းက ဟာသပုံစံလေးပဲရေးထားတာမို့ နဲနဲတော့ပေါပါတယ်။ ပေါတာမကြိုက်ရင် ဒါကိုမဖတ်ပါနဲ့နော် ..🙏🙏🙏 ဇာတ္လမ္းက ဟာသပုံစံေလးပဲေရးထားတာမို႔ နဲနဲေတာ့ေပါပါတယ္။ ေပါတာမႀကိဳက္ရင္ ဒါကိုမဖတ္ပါနဲ႕ေနာ္ ..🙏🙏🙏 Start Date -22.8.2021 End Date - 23.9.2021 #yizhan
