Unicode
"ချစ်လား ...ကိုယ့်ကိုချစ်လားလို့ "
"မချစ်ဘူး "
"မချစ်ရင်နမ်းတယ်ကွာ ..."
"....."
တစ်နေ့တစ်နေ့ ဝမ်ရိပေါ်က ရှောင်းကျန့်ကို ဒီမေးခွန်းပဲအားတိုင်းမေးနေတော့တာ။ မချစ်မနှစ်သက်ပဲနဲ့ ဘယ်သူက အိပ်ရာပေါ်တက်အိပ်ဖို့ခွင့်ပြုထားမှာလဲ ။ ဝမ်ရိပေါ်ဟာ လည်မလိုနဲ့ တော်တော်ပိန်းတဲ့သူပဲလို့ ရှောင်းကျန့်ကထင်တယ်။
"မင်းရုံးပြန်သွားရတော့မှာလား "
"အင်း ..၃လပြည့်ပြီလေ ပါးပါးက ၃လပဲနားခွင့်ပေးထားတာ ၊ ညနေစောစောပြန်ခဲ့မယ်
ညစာအတူစားပြီးမှ ကလပ်သွားနော် "ဒီလိုပုံစံနဲ့ကျတော့ ဝမ်ရိပေါ်က သန့်ပြန့်ပြီးချောနေရောပဲ။ ရှောင်းကျန့်က suit အနက်နဲ့ရိပေါ်ကိုတိတ်တိတ်လေးခိုးကြည့်တယ်။ ရိပေါ်က သူပြင်ဆင်ထားပေးတဲ့မနက်စာ ထမင်းကြော်ကို ခေါင်းငုံ့လို့အားရပါးရစားနေတယ်။ ဝမ်ရိပေါ်အစားစားရင် ဘေးကလူပါသရေကျလာအောင် ဟန်မဆောင်စတမ်း စားတတ်တယ်။ သူစားနေတာကြည့်ရတာ ဒီထမင်းကြော်ရိုးရိုးလေးကတောင်အရမ်းအရသာရှိမလိုပဲ။
အဖျားလုံးသွားတဲ့နှာခေါင်းချွန်ချွန်လေး နဲ့ ထင်းနေတဲ့လည်ဇလုပ်လေးက ရှောင်းကျန့်အရမ်းသဘောကျရတဲ့အစိတ်အပိုင်းလေးတွေပေါ့။ မျက်တောင်တိုတိုလေးတွေနဲ့ မျက်ပေတုံးလေးကလဲ အင်းး...သူများမျက်နှာမှာပေါက်နေရင် ဘယ်လိုနေမယ်မသိပေမဲ့ ရိပေါ်မျက်နှာမှာကျတော့ ကြည့်ကောင်းနေတာပဲ။
"စားကောင်းလား "
"အွန်း.."
"ရိပေါ်..နေ့လည်စာ ရုံးမှာပဲစားတာလား "
"အင်း ရုံးကန်တင်းမှာစားတာ "
ရှောင်းကျန့်က ခဏတိတ်သွားတယ်။
"ငါ ..နေ့လည်စာ လာပို့ပေးရမလား ..."
ချလွမ် ~~~
ဝမ်ရိပေါ်လက်က ဇွန်းကလွှတ်ကျတယ်။ ဝမ်ရိပေါ်က သူဘာကြားလိုက်လဲဆိုတာကိုဇဝေဇဝါတောင်ဖြစ်သွားတယ်။
"အချစ် ..မင်း ဘာပြောလိုက်တာလဲ ..."
"နေ့လည်စာ လာပို့မယ်လို့ ၊မင်းနားကန်းတာလား ၊မလိုဘူးဆိုလဲ မပို့တော့ဘူး "
YOU ARE READING
YiZhan in the house 🏠 (Completed)
Fanfictionဇာတ်လမ်းက ဟာသပုံစံလေးပဲရေးထားတာမို့ နဲနဲတော့ပေါပါတယ်။ ပေါတာမကြိုက်ရင် ဒါကိုမဖတ်ပါနဲ့နော် ..🙏🙏🙏 ဇာတ္လမ္းက ဟာသပုံစံေလးပဲေရးထားတာမို႔ နဲနဲေတာ့ေပါပါတယ္။ ေပါတာမႀကိဳက္ရင္ ဒါကိုမဖတ္ပါနဲ႕ေနာ္ ..🙏🙏🙏 Start Date -22.8.2021 End Date - 23.9.2021 #yizhan