သူဌေးကြီး၏ဒုတိယမြောက်အိမ်ထောင်ဖက်

VOUS LISEZ

Aventure

Title....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...

#bl #mpreg #myanmartranslation #rebirth

Chapter (33)

Depuis le début

par @OpalHawthorn28

မုန့်ရန် လော်ရှို့ရဲ့လည်ပင်းကိုသိုင်းဖက်လိုက်ပြီး လော်ရှို့ရဲ့နှုတ်ခမ်းတွေကို ခြေဖျားထောက်ပြီးနမ်းလိုက်တယ်။လော်ရှို့ကလဲ မုန့်ရန်ရဲ့ခါးကို လက်တစ်ဖက်နဲ့ဖက်ပြီး ကျန်တဲ့လက်တစ်ဖက်က မုန့်ရန်ရဲ့မေးစေ့ကိုကိုင်ပြီး အနမ်းတွေကိုတုံ့ပြန်တယ်။

လော်ရှို့ က မုန့်ရန်ကို သူကိုယ်တိုင် လေဆိပ်လိုက်ပို့တယ်။မုန့်ရန်ကတော့ တွန့်ဆုတ် ၊တွန့်ဆုတ်နဲ့ နှုတ်ဆက်လိုက်ပြီး စီနီယာအစ်ကိုတွေနဲ့ ပူးပေါင်းလိုက်တယ်။

သူတို့တွေက တစ်ဉီးချင်းစီပြိုင်ပွဲအတွက်ရော၊ကျောင်းကိုယ်စားပြုပြိုင်ပွဲတွေအတွက်ရော လူစုံရောနေတဲ့အတွက် ဆရာတွေကပါ ကြီးကြပ်ပေးဖို့လိုက်လာကြတယ်။ဆရာတစ်ယောက်ဖြစ်ရတဲ့ကောင်းကွက်က ကိုယ်တိုင်ပြိုင်ပွဲမဝင်နိုင်ပေမယ့် ကျောင်းသားတွေပြိုင်ပွဲဝင်တာကို ကြီးကြပ်သူအဖြစ်နဲ့ လိုက်ပါပြီး ပြိုင်ပွဲတွေကနေ အတွေ့အကြုံဗဟုသုတတွေကိုလေ့လာနိုင်တယ်။

ရေမွှေးဉယျာဉ်တွေဆီမှာလေ့လာရေးဆင်းဖို့နဲ့ စိုက်ပျိုးရေးဉယျာဉ်တွေဆီမှာ ကုန်ကြမ်းတွေဝယ်ယူဖို့အတွက် ပြိုင်ပွဲမစခင် လေးငါးရက်လောက်စောပြီး ထွက်လာကြတာဖြစ်တယ်။

သူတို့တွေလေယာဉ်ပေါ်က ဆင်းတဲ့အချိန်မှာ သူတို့ကို ဘရက်ဒလီ ကိုယ်တိုင်လာကြိုမယ်မှန်းဘယ်သူမှ ထင်မထားမိခဲ့ဘူး။

"အားလုံးကို ကြိုဆိုပါတယ်ဗျာ"

ဘရက်ဒလီ က ဆရာတွေကို လက်ဆွဲနှုတ်ဆက်နေတယ်။

"ဒီတစ်ခေါက် အတွက် ကြိုဆိုဧည့်ခံရေးကို ကျွန်တော် တာဝန်ယူထားတာပါ။ဆရာတို့ ကျေးဇူးပြုပြီး ဒီဘက်ကိုကြွပါခင်ဗျ"

ဘရက်ဒလီ လို နာမည်ကြီးတစ်ယောက်က ကြိုဆိုဧည့်ခံရေးတာဝန်ကို ယူထားတယ်ဆိုတော့ အကုန်လုံးအံ့သြနေတာပေါ့။

ဆရာတွေအတွက် သီးသန့်ပြင်ဆင်ပေးထားတဲ့ကား ထွက်သွားတာနဲ့ ဘရက်ဒလီ က ကျောင်းသားတွေဘက်ကိုလှည့်ပြောလိုက်တယ်။

"အားလုံးပဲ ကားပေါ်တက်လို့ ရပါပြီ"

ဆရာတွေမရှိတော့တဲ့အတွက် ကျောင်းသားတွေကလဲ သူတို့ရဲ့ စိတ်လှုပ်ရှားမှုတွေကို ဖုံးဖိနေစရာမလိုတော့ဘူးလေ။အဲ့တော့ ဘရက်ဒလီ နားမှာ ဝိုင်းအုံပြီး ဓာတ်ပုံတွဲရိုက်နေကြတယ်။