သူ အနည်းငယ် ရှက်စွာဖြင့် ပြုံးလိုက်မိသည် ။
************
ကျွန်တော်တို့ ဆိုင်ထဲဝင်လိုက်တော့ Derek က စားပွဲတွင် ထိုင်ကာ စောင့်နှင့်နေလေပြီ ။
ကျွန်တော် လှမ်းအော်ခေါ်လိုက်သည် ။
" ဟေး... Derek... "
Mcqueen က Derek အနား သွားပြီး သူ့ကိုယ်သူ အလျင်အမြန် မိတ်ဆက်လိုက်လေသည် ။
" ဟိုင်း... ကျွန်တော် က Mcqueen ပါ... Edd ဆီကနေ တစ်ဆင့် Derek အကြောင်းတွေ အများကြီး ကြားထားဖူးပါတယ်... "
Mcqueen က လက်ဆွဲ နှုတ်ဆက်ဖို့ လက်ကိုကမ်းပေးလေသည် ။
Derek က ရုတ်တရက် ထလာပြီး Mcqueen ကို မုန်းတီးသော အကြည့်ဖြင့် ကြည့်ကာ Mcqueen မျက်နှာကို ဆွဲထိုးလိုက်လေသည် ။
" ဟာ... Derek... "
ကျွန်တော် သူ့ကို အလျင်အမြန် ဆွဲလိုက်သော်လည်း နောက်ကျသွားပြီ ဖြစ်သည် ။
" Edd... မင်း အရမ်းများသွားပြီ... မင်း Porn တွေမှာ ပါရတာနဲ့ မလုံလောက်သေးလို့ ဒီလိုမျိုး မင်းကို Porn လောကထဲ ရောက်စေပြီး နာမည်ပျက်စေခဲ့တဲ့သူနဲ့ တွဲနေရသလား... " .
" Derek... ငါ Porn လောကထဲက ထွက်လိုက်ပြီ ဆိုတာ မင်းသိပါတယ်... နောက်ထပ်လည်း ဘယ်တော့မှ မရိုက်တော့ဘူးလို့ ကတိပေးခဲ့တာပဲလေ... ငါ လူတစ်ယောက်ကို ဘယ်တုန်းကမှ ဒီလောက်အထိ သဘောမကျခဲ့ဖူးဘူး Derek... တခြားလူတွေ ဘာပြောလဲ ဆိုတာကို ငါ ဂရုမစိုက်ဘူး... ငါက မင်းကို သူငယ်ချင်း တစ်ယောက်အနေနဲ့ နားလည်စေချင်တာပဲ.... "
ကျွန်တော်ကိုယ်တိုင်ပင် Derek ကို ဒေါသအလျောက် ပြန်အော်ပြောမိလေသည် ။
" မင်း... မင်း တကယ်ကိုပဲ Edd... မင်းမှာ ကိုယ့်ကိုယ်ကို လေးစားသမှုဆိုတာ မရှိတော့ဘူးလား ဟေ့ရောင်... "
ပြောရင်း Derek က အသံတွေတုန်ကာ မျက်ရည်တွေကျလာပြီး ငိုလေတော့သည် ။
" မင်းက ဘာလို့ ဒီနေရာမှာ ငိုတဲ့သူ ဖြစ်နေရတာလဲ Derek... "
ကျွန်တော့်မှာ Derek ကိုလည်း ချော့ချော့မော့မော့ ပြန်ပြောရသေးသည် ။
" အဲ့တာ မင်းအမှားကြောင့်ပဲ... အရူးကောင်... "
Derek က ငိုနေရင်း မကျေမချမ်း ဆိုလာလေသည် ။
YOU ARE READING
ရေပြင်ပေါ်၌ လမ်းလျှောက်ခြင်း Completed ( မြန်မာဘာသာပြန်)
RomanceAbout the life and love of Gay Porn Actors Total 62 Chapters + 4 extra Chapters
Extra Chapter 1 (Unicode)
Start from the beginning
