Explore with Me

CHAPTER 1

Hinanda niya ang kaniyang camera dahil sasamahan ang kaniyang pinsan sa shoot. Make up artist kasi ito ng mga celebrity or models. Gusto niya sana mag picture picture lang dahil iyon ang hilig niya. Hobby lang naman niya iyon, taking a picture of scenery.

Lumabas siya ng kaniyang bahay at ni-lock iyon. Nakita niyang naka park na sa labas ang sasakyan ng kaniyang pinsan na si bella.

"Hi gorgeous!" Nakipag beso siya dito ng makaupo sa shotgun seat.

"Okay lang talaga na pumasok ako sa loob ng make up room doon sa may studio?" paninigurado niya ulit dito. Nag aalala kasi siya baka naman palabasin lang siya kung mahigpit. Tumango ito habang pinapaandar ang makina ng kotse.

"Of course, pwede ko namang sabihin na nasa team kita," nilingon siya nito at kinindatan bago paandarin ang sasakyan.

Si Bella ay mas matanda kaysa sa kaniya. 28 years old na ito at medyo matagal na talaga sa industriya ng tinatrabaho nito. Napakagaling kasi nito mag make up, nakapag trabaho din ito sa New York at South Korea bilang make up artist ng mga kilalang artista.

"Ate Bella, sino pala 'yong m-make up-an mo? guy ba? pogi?!" she excitedly asked her cousin. Tumawa naman ito habang hindi nito inaalis ang tingin sa harapan.

"A guy, he's half filipino pero sumikat kasi siya sa New York." Napaisip naman siya, wala siyang maisip, wala siyang ideya kung sino iyon.

Sa totoo lang kahit mga sikat na artista, international man o local ay hindi niya kilala lalo na ang mga pangalan. Minsan kakilala niya lang sa mukha.

"Hindi ko kilala," pagsabi niya ng totoo dito.

"Hmm. He's hot! Boyfriend material! Nakita ko na siya kung saan-saang magazine. Mas matanda lang sayo 'yon ng dalawang taon." Bigla tuloy siyang na-excite makita kung sino iyon.

Pero naisip niya din may bago na siyang crush, 'yong kaibigan ni Ivy, si Thunder. Hindi niya talaga to makalimutan kahit noong sa hospital palang niya nakilala.

Kung walang Krelton si Ivy siguro pagkakamalan niyang boyfriend ito ng kaibigan niya. Dahil nakita niya talaga ang closeness ng dalawa.

Dumaan muna sila sa starbucks para bumili ng drinks at dumeretso na din sila sa studio, kung saan magaganap ang photoshoot.

Pumasok sila sa loob at nakita niya ang props na inaayos. Nakakita pa siya ng sofa at parang bakal doon.

"Ate Bella, Anong theme ba 'to?" bulong niya sa pinsan niya dahil parang rated 18 ang naiisip niya.

"Oh! I forgot to tell you, underwear products ang ipo-promote ng model." Napaawang ang kaniyng labi at naisara din bahagya ng may lumingon sa kanila, iyong mga photographer at mga nag aayos.

"Good afternoon!" bati ng ate Bella niya sa mga tao doon.

"Oh, nandito ka na pala Bella! 'yan ba ang pinsan mo?" tanong no'ng isang photographer na medyo may edad na.

"Yes! Ganda 'no? Mana sa akin!" Napangiti naman siya, wala siyang reklamo dahil maganda talaga ang ate Bella niya.

"Oo! Nag momodel ka ba hija?" Bahagyang lumapit ito sa kanila.

"Minsan lang po, pag hindi masiyadong busy."

"Ay kung gano'n! Pagkailangan ko ng model at hindi ka busy pwede ka ba? Ako nga pala si Victor, pwede mo ko tawaging kuya Victor" nakipag kamay siya dito at napatango.

"Nice to meet you." Nakipag kwentuhan lang sila saglit at nag handa na din ang ate Bella niya katulong ang isang assistant nito na si ate Janella.

Siya naman ay pumirmi sa tabi at nilabas ang camera niya. Kinuhaan niya ng picture ang ate Bella niya na nag aayos ng mga make-up.