عصفورة الضابط علي

حلقـــة 14

" عن ياويل
تبرد نارنه ونضحك ولو بالطيف
عن لاننكسر وتگول عنه الناس مهضومين

عريان السيد خلف

ركضت بفزع و خوف اللهي سترك وصلت واشوف البيت مشعلــه النـار بيـه والدخان واصل لسما

اباوعله بصدمـه واجت صورة ورد بخيالي تركض والنار مشعلـة بيـه

احس النار شتعلت بروحي دفعت الگدامي وركضت لزموني الناس وفهد ومحمد اجتني قوه فضيعـه الدنيا سودت بعيني احس ورد جاي تصيحني

دفعتهم كل قوتي وركضت دخلت للبيت النار بكل مكان صحتت - ورددددددددد

دفرة باب الصالـة دخلت لجووا ماشوف شي من الدخان عيوني نعمتت - وردددددد وينججج ورددددددد خووويه وينججح

ركضت عمياوي واخبط بالغراض اريد اوصل للدرج جاي اصعد الدرج ومااحس غير شي طاح علئ رجلي  شاغتت روحيي - اخخخخ ربيي فدوتكك ساعدني

جاي اصعد وبلگوه اجر برجلي وسمعت صوته - عليييي انه هناااا تعالييي فدواااا راح اموووت

نسيت وجعي وركضت وانا اصيح وردد خويه اجيتج

دفرة باب الغرفـه وشفته لابدة بالزاويه من شافتني ركضت حضنتي وتصرخ عليييي ناارر نااررر راحح تاكلنه عليي لاتعوفنيي لاتعونيي

- يروحح اخوجج انتي ماعوفج انا وياج

اخذت ايده وطلعت من الغرفـه اباوع الدرج بعد ماينزل منه اللهيي شلوون

السطح ماكو غيره سحبت ورد وركضت للدرج الثاني اليصعد علئ السطح - يلا ورد صعدي

- مااگدر علي مااگدر حاارر يجوي

تعاي شلته وصعدت الدرجات ركض فتحت الباب وطلعنه - اخخخ هوواء

گامتت تتنفسس بقوه - هووه هوووه

- هواء ماكو هواء

- من احنه مو سوا

- ضلمة احس حياتي

- فدوا رجعلي ياضوه

- ادبسززز طالعه من الموت وتغنين ههههههههاي

- ههههه هو اني لو انت طكك الطرب هسه

- خربب استغر الله اللهي الحمد الله الذي انجانا مدري شلون اجت علئ لساني

- حتئ انه

- شنو حتئ انتي

- حتئ انه استغرالله

- لا صدكك كلفتي روحج ههههههههاي

- مابيه حيل علي مختنگـه

- الدخان بعده بصدرج گومي گومي
اخذته وطفرنه علئ الجيران وفلشنه الباب ياله فتحو فتحت امهم اول ماشافتنه شهگت - يمه بالنه يمكم