عصفورة الضابط علي

حلقـــة 12

"ماتمد له يديك بـ حمـاس
ويصَافحك بتــراخي يعـلمـك طريقــة الاتــزان .

واگف بـ اصطفاف المدرســه والتوتر يقـرا الف

والمدرس يصيح بـ اسمـاء الطلاب المعدلهم عالي علمود يكرموهم

الطـالب علي أحمـد محسن

فز گلبي ومشيت بسرعـه والفرحـه مبينه بعيوني

سلم عليـه المدرس وباركلي اتقدم المدير ليگدام
اخذ علبـه حمرا من الطاوله المسطرين عليه علب الهدايا

واجـه يمشي والابتسامه علئ وجه وگف يمي الف مبروك ابني انت علـم من اعلام مدرستنه وانه حيل فخور بيك

فتح العلبـه بيـه ميدالـه الخيط اسود وبيـه دائرة ذهبيه مكتوب عليه المتفوق علي أحمــد

لبسني اياها

احس جسمي كزبر وعيني لمعت بفرح

سلمت عليه بامتنان ورحت وگفت ويه سطر الطلاب المتفوقين التفتت علئ الباب اليدخل ع الساحه وشفت طيف امي واگفه يم الباب وتباوعلي بفخر وابتسامته الترد الروح

فززني الولد اليمي من صفنتي
- يمعود وين صافن راح تخلص الفعاليات وانت مشايف شي

التفتت طالع طالب جاي يقرا شعـر صوته حلو ويقرا بقوه مشالله

بعدين طلع طالب قرا قصيده للعراق روعه

تفاجئت من طلع فهد وقرا شعر عن الصداقه ويباوعلي ويبتسـم اخخ بويه اجيتت اطفر بنص الاصطفاف واحضنه بحة صوته عراقيـه

بعدين طلعو صف كامل وقرو اهداء للمعلمين

فد شي راقي اصواتهم
العراقين كلهم اصواتهم حلوه تحس حزنهم يترجم بصوتهم

خلص الاصطفاف تحاضنه انا وفهد الف مبروكك ضلعي
يوم التخرج

- يبارك بيج خويي ويوم تخرجكك وافرح بيك

- ان شاء الله تدري همزين بيوم النتائج ماجينه صارلتك خوش مفاجئه هسه

- يي والله هو صح ادري بروحي ناجح بس ماتوقعت درجاتي هيج عاليه

- كله تسعينات خالييي

- ههههههههههايي

خلصنه الـ 5 دروس لعب مااجانه ولا مدرس نزلنه لعبنه طوبـه وسباقات بالركض وكرة السلة تونسنه بيومه حيل حلينـه رجعت للبيت فارغ سبحت وبدلت وصليت بالي يم ورد يارب ناجحه طلعت انتضـره بالباب ورا ساعه

اجت تتمشئ والفرحـه تشعشع بوجه من شافتني اجت تركض وتصيح علاويي نجحتتتت نجحتتت

فتحتله اديه گمزت حضنتني مبروككك يگلبي اخذت النتيجه اشوفه لگيت درجاته كله تسعينات عيني دمعت جريته لحضني عفيـه بالسباعيه الغاليه مال اخوها