- Unicode -
အဝတ်မပါ ကိုယ်လုံးဗလာကျင်းလျက် ပြတင်းတံခါးကို မှီရပ်နေသော အမျိုးသားငယ်တစ်ဦးသည် ဗော့ဒကာတစ်ခွက်ကို ရေမရောဘဲ တချိုင့်ထဲ မော့သောက်လိုက်သည် ... ။
အထပ်သုံးဆယ်မြင့်သည့် ဟိုတယ်မှ ပြတင်းပေါက်အပြင်ဘက်ရှိ မြို့ပြတိုက်တာပုံရိပ်များကို ပျင်းရိရိကြည့်လို့နေသည်။ လမ်းတစ်ဖက်တစ်ချက်စီတွင် ပေါက်ရောက်နေသော အလှသစ်ပင်များသည် သူ့အတွက် မထူးဆန်းလှပါ။
ညာဘက်ဆီသို့ အကြည့်ဖြန့်ကျက်မိတာ့ ရေကန်ကျယ်ကျယ်က ခံ့ခံ့ထည်ထည်ကြိုလင့်နေသည့်အလား မျက်စိတဆုံးရှိသော်လည်း သူ့ကိုအံအားသင့်အောင်မလုပ်နိုင်ခဲ့ ... ။
ရပ်ကြည့်နေခိုက်မှာပင် တရွေ့ရွေ့သွားလာနေသော ကနူးလှေများကို တစ်စီးစနှစ်စီးစတွေ့မြင်ရသည်။ နီညိုရောင်ရေကန်ဘောင်သည် ရေအိုင်ကြီးကို တမူထူးအောင် အလှဆင်နေသကဲ့သို့ စိမ်းဖန့်ဖန့်အဆင်းရှိသော ကန်ရေများကလည်း သဘာဝအလှကို လှစ်ဟပြသနေသည်။
မျက်စိပသာဒဖြစ်ဖွယ်ဖြစ်သော်လည်း ရင်တစ်စုံသည် ရေပြင်ကဲ့သို့ ငြိမ်သက်နေ၏ ... ။
လိမ္မော်နီရောင်တိမ်စိုင်တောက်တောက်များသာ် တိမ်မြုပ်ခါနီးနေမင်း၏သွေးစက်များအလား ကောင်းကင်ယံကို အုပ်မိုးထားကြသည်။ နေမင်းကြီးသည် တိုက်များကြား ကွယ်လျိုး၍ မြေပြင်တွင်းသို့ ခေါင်းနစ်စပြုနေသည်။
တစ်နေ့တာ၏နှုတ်ဆက်ခြင်းဆည်းဆာချိန်က လူ့စိတ်ကို အလိုလိုလွမ်းမောဆွေးမြေ့စေသော်လည်း သူ့အတွက်ဤမြင်ကွင်းသည် ပျင်းစရာကောင်းနေသည် ... ။
နေဝင်ရိသရောအချိန် ညနေဆည်းဆာအလှကို ပျင်းပျင်းရိရိ လှမ်းမျှော်ကြည့်ကာ သက်ပြင်းတစ်ချက်ချလိုက်သည်။
"လိမ္မော်ရောင်က တကယ်ကိုစိတ်ကုန်ဖို့ကောင်းတဲ့အရောင်ပဲ"
ညနေခင်းအလှကို အကြိုက်မတွေ့ပေ။ အများသူငါ တကူးတကတိုက်အမြင့်ပေါ်မှနေ၍ ကြည့်ရသော အပေါ်စီးမြင်ကွင်းများကို သူမနှစ်မြို့ပါ။
VOUS LISEZ
The Black Swam (Completed)
Roman d'amour• Harem • အတောင်တစ်ချက်ခတ်လိုက်ရုံနဲ့ အားအနည်းဆုံးသတ္တဝါက တပြိုင်ထဲမှာ အာဏာအရှိဆုံးဘုရင်ဖြစ်လာနိုင်တယ်။ အေတာင္တစ္ခ်က္ခတ္လိုက္ရံုနဲ႔ အားအနည္းဆံုးသတၱဝါက တၿပိဳင္ထဲမွာ အာဏာအရွိဆံုးဘုရင္ျဖစ္လာႏိုင္တယ္။ ( ZG + Uni )
