HE=MY FIRST LOVE [ကိုယ့်အချစ်ဦး ](Completed)

အခန်း (၄၉) -အချစ်ကြောင့်ရူးသွပ်ခဲ့ရသောရက်စွဲများPart II

"ဟန်ဆောင်ကောင်းတယ် အဲ့လူက !"

နေသူရိန်ရဲ့အပြောကိုဟန်လင်းထက်ကထောက်ခံလေသည်။

"သူလျှို့ဝှက်ထားတယ်ဆိုတာကလဲ သူ့ကိုအကိုတို့တွေရှိန်သွားကြမှာစိုးလို့နေမှာပေါ့ကွာ သူလာတဲ့အသိုင်းအဝိုင်းကအကိုတို့နဲ့ယှဥ်ရင် မိုးနဲ့မြေလိုကွာခြားတယ်လေ .... သူက အကိုတို့လိုသာမန်ဘဝမျိုးလေးကိုပဲလိုချင်ခဲ့တာနေမှာ...... "

ထိုသို့ဆိုရင်းမင်းစက်ရဲ့မျက်နှာလေးကတစ်ချက်တစ်ချက်ညှိုးကျသွားခဲ့သည်။

"အကိုမင်းခန့်ထည်က ရှိုင်းနဲ့ဟိုမိန်းမ နှစ်ယောက်ထဲကနေ ဘယ်သူ့ကိုရွေးမှာလဲ ? "

"သေချာပေါက်ရှိုင်းပဲပေါ့ အကိုမင်းခန့်ထည်ကငါတို့ရဲ့ရှိုင်းလေးကိုအရမ်းချစ်တဲ့ဟာ "

"ရှိုင်းကိုချစ်တယ်ဆိုဘာလို့နန်းယမုံနဲ့စေ့စပ်ဖို့ဆက်စီစဥ်နေသေးလဲ ? "

ဒါဒါ သော်တာနှင့်ကလျာတို့သုံးယောက်စလုံးမှာသူမတို့ကိုယ်တိုင်မေး သူမတို့ကိုယ်တိုင်ဖြေရင်းနှင့် လမ်းစရှာမရတော့ပေ။

"အဲ့တာတော့စဥ်းစားစရာပဲ"

မင်းစက်ကလဲတွေးရင်းငေးရင်းနဲ့ရေရွတ်လာခဲ့သည်။ထိုအချိန်မှာပင်စကားပြောတဲ့နေရာမှာလေးလုံးမကွဲတဲ့ဆက်နောင်ကအသံအောင်အောင်နဲ့ထပြောလာခဲ့လေသည်။

"မဟုတ်မှလွဲ အကိုမင်းခန့်ထည်ကရှိုင်းဇေယံကိုအပျော်တွဲတာတော့မဟုတ်ပါဘူးနော် ! " ဟုဆို၍။

".... "

".... "

"..... "

ဆက်နောင်စကားအဆုံးတစ်ဝိုင်းလုံးက အပ်ကျသံကအစမကြားရတော့အောင် တိတ်ဆိတ်သွားခဲ့ကာ ဘေးနားရှိနေသူရိန်မှအပ တစ်ဝိုင်းလုံးကသူ့အားဝါးစားလုမတတ်စိုက်ကြည့််လာကြသည်။

မင်းစက်ကထိုင်နေရာမှမတ်တပ်ထရပ်ကာ ဘေးနားရှိလူတွေကိုကျော်ခွရင်း ဆက်နောင်ရဲ့နှဖူးပြင်ထက်သို့ ခြင်ရိုက်သည်ထက်ပိုသောအားနှင့်ဖက်ခနဲရိုက်ချလိုက်တော့သည်။

"ငါ့ကောင်ကြီးကိုများ မင်းကအိုင်တွေ့တိုင်းခြေဆေးတတ်တဲ့အမျိုးလို့ထင်နေလား!သူတောင်းစားရဲ့!"