حلم في الواقع 🇱🇾

الحلقة{18}

#حلم_في_الواقع
#بقلم_جولي اقارصؤ
الحلقة{18}
ولي العهد/جايك خليك في مكان..وصكر
حسن /خيرك
رائد/شن فيه
ولي العهد/عابد ولد محمود صاير معه موضوع حسن جبلي مفتح من المكتب ولحقنا اني ورائد في سياره
حسن /تمام
طلع ولي العهد ورائد ولحقهم حسن وركبو وطلعو يجرو
وصلو لي الاستراحة وخشو عابد كان يقيم في سامي بطلعه سياره خش ولي العهد قائد يقيم فيه معه طلعو لي سيارة ولي العهد من الخلف
ولي االعهد / عابد انت خليك مع هدا حسن اسرع حني خلفكم وصكر الباب
وطلع حسن
سياره الي وراه فيها ولي العهد ومحمد وحرس يسوق
سياره الي وراهم فيها رائد وعزيز وحرس يسوق
عابد/سامي وراسك ماتموت ياصحبي اني اسفه وربي اسف ويحضن فيه ويبي واللهي تصرلك حاجة نقتل روحي وربي لما نعدم جد اصلها الي كانت سبب
حسن/ اهداء بي ادن الله مايصرلهم شي قيس نبض متعه
عابد/ قاس نبط مافيشي نبض حيييي لالالا سامي لالاااااااااا
حسن/تلفة ليه ويسوق خيررررك
عابد/سامي سامي لاااا نوض يا صحبي نوض مافيشي نبض مافيشي نبط ويخبط في راسه
حسن/بدي يجري
ولي العهد/شد محمد وسلب تشرته بش يوقفله نزيف ياااااعمر شوف كان فيه ريحا في قجر سياره بسرعه ويسوي في محمد فيق فيق وراسك فيق يشوف في نبض عامر سرعا روحك
رائد/ عرف عزيز انه يده مكسوره وراسه مضروب لي انه راسه نفتح وازرق ويقس في نبض ان شاءالله مايصرله نزيف في دمغ بس ويفيق فيه
وصلو
دخلهم 3لي الاسعاف وعابد ولي العهد وحسن ورائد وقفين عابد طح لوطه وشد راسه
عابد/قتلتهم قتلتهم اني قتلتهم قتلة صحبي حط يديه ع وجه تي لااااا لاااااا
ولي العهد/نزاله ويهدي فيه اهدا يارجل بي ادن الله مايصرلهم شي
عابد/لو يصرلهم شي مش مسمح روحي واللهي نموت نقتل روحي يبكي
ولي العهد/ كيف صار هكي فهمني بس شن سبب الي خلاك دير فيهم هكي

عابد/يبكي نعرفش كيف دارة هكي منعرفش كيف صربتهم كيف تصارفة هكي كيف كيف يخبط في راسه
ولي العهد/ يهدي في عابد تي لا يارجل اهدا شنن سبب قولي الي خلك دير هكي تكلم فهمني
عابد/ رفعوني لي استرحة مشبوها خمر وعفن وبنات خشيت ويارتني ماخشيت شد شعره وطبس راسه يارتني يارتني
ولي العهد/علاش شن صار لما خشيت تي احكي احكي قول ويعيط عليه
عابد/شفوت خطيبتي غاديييي كانو يورولي فيها انها فسده فقدة عصبي وضربتهم وربي ماقصد نودهم بي حتا شعره اااااه ياربي ااااه قتلتهم قتلهم اني قتلت صحبي
ولي العهد/وجعه عابد جبد عابد مع راسه وحضنا اهدا صحبك مامتوش فقدو الوعي بس
حسن/طرب يده في الحيط
رائد/حط يديه ع وجها وبكلم في حسن لو يصير شي لي حد منهم الولد يهبل يارجل
حين/لا حول الله ان شاءالله ينوضو بي سلامه لي انه حيدمر وحد منهم خوه
رائد/تي باللهي حط يده وراء راسه اما هو خوه
حسن/الي كان معاك في سياره
رائد/شد راسه حيي يمسح ع وجه
حسن/خيرك يارجل شن فيه الولد
رائد/الولد مضروب ع راسه ان شاءالله مش صيرله نزيف دخلي بس
حسن/مدقلهش يارجل يستر ربي فيهم
ولي العهد/ حاس في عابد لي انه الموقف قوي 2صحبه واحد خوه لو يصير لي حد حاجه فيهم حيدمر
عابد/صحبي حي عليا هدو عشرة عمر في كل شي مع بعضنه كيف دارة هكي اني كيف تي كيف كيف كيف ويعيط
طلعة ممرضه ...لو سمحتو هدا تلفوان من بكري يرن لي واحد من المضروبين
رائد/خده منها شكرا ... مكتوب عمري
عابد/قام راسه هدا متع سامي مراته اكيد شن بنقله توا شن بنقله ياربي
ولي العهد/متردش متقول شي لين نعرفو شن وضعهم
.................
عند زينا كيف عبدالله طلع من الحوش ماشي يومين لي تونس طايرته ساعه واحد سلم عليهم وصا سعاد ع انه لو شفة زينا تعتبر مطلقه وطلع مشي
زينا/باهي الي طلع ومشي وفكنا من تنقريزه ....ورن تلفوان زينا المتصل زينب ان شاءالله خير
زينا/الوو
زينب/اهلين زينا انتي وين
زينا/في الحوس علاااش
زينب/اني في المستشفه
زينا/وقفة خيرك شن فيه
زهرةو زهور وقفو/ خيرها
زينب /وليد مرض رفعتا لي العياده غير تعلولي كان تقدرو
زينا/بوك مهنش توا نجيك اني ولابنات هيا هي وصكرو
زهور/شن فيه
زهرة/خيرها
زينا/غيربدلو بسرعه قالة تعلولي في العياده وليد مرض
وبدلو بسرعه وحطو وشحتهم حطان وطلعو من دار وزينا قاعد ماطلعة لي انه بيشفلها طريق انه امها برا في دار
سعاد/تي وين في هلليل لبسين هبلتو
زهور/تلبس في كدرها مشين لي زينب في المستشفه
سعاد/حي عليا خيرها بنتي
زهرة/ماخيرها شي رجله مرض بس وهيا بروحها قتنا تعلو بترفعنا زينا غير خشي يا امي لي دار خلي تطلع زينا
سعاد/راد بالك ع روحكم طمنوني باهي وخشت
زينا/طلعة تلبس في سبيدروها باهي يا امي توا نطمنوك وطلعو ركبو في سياره ومشو ساعه11ونص
زهور/لابسه توته سوده ولابسه تجبوطي طويل شويا بيج وكدار بيج وشاح اسود حطتا حطان
زهرة/ لابسه توته بودرية وبلطو اسود وسبيدرو اسود وشح مجركس حطتا حطان
زينا/لابسه توتا رصاصية سبورة وتجبوطي جيشي سبيدرو ابيض وشاح ابيط حطتا حطان وصلو لي العياده
.....
هاله تتصال بي سامي ميردش علها قريب تهبل وتقول ياربي بخير يارب
.....
احلام تتصال بي عزيز قلها شويا ونكلمك تلقاء فيه مقفل
......
عزرزة فتحت نت لقة محمد غير متصال
.....
اميمه طبعن بعد مكمل زهير وخدي شن يبي تخلها صحابه شبعو فيها وهيا فقدة الوعي
.....
سمر بتهبل كيف شافها عابد وخالد مخلهش لين خدي شن يبي وشبع صحابه معا وفقدة الوعي حتا هيا
بعد مكملو منهم اشباب تصلو بي شرطة الاداب جو رفعهم
.....
في العياده
ذكثور طلع
ولي العهد/شن صار ياذكثور
حسن ورائد وعابد قربو
عابد/شن صار
ذكثور/طمنو حلتهم كويس كانو فقدين الوعي نتيجت صدمه ومن ضرب
عابد/مسح ع وجه الحمدالله ياربي الحمدالله
والي العهد/الحمدالله انهم بخير وكيف وضعهم توا نقدرو نشفهم
ذكثور/اي اكيد فيقين وبخير تقدرو تشفهم والف لاباس عليهم
ولي العهد /شكرا بارك الله فيك
ذكثور/هدا وجبي ومشي
عابد خش يجري لي صحابه لحبو ولي العهد وحسن ورائد لي الملحظه
عابد/خش شاف صحبا 3ع الاسره صحاااابي عيونخ دموع
كان عزيز ع سرير مقعمز وراسه ملفوف بي فشاء ويده مجبسه ومحمد حتا هو متكي ع سرير ويده مخيطه ملفوفه بي الفاشه من كتفا لي مرفق ايده يده تانية من كف يده فشو فك اما سامي سيده مكسوره وخشمه مكسور وعينه زرقه وفمه دمديمات ويشفوله
عابد/ وربي ماقصدي انه ندير،فيكم حكي سمحوني واسف واللهي ماقصد لحطة غطب بس وبدي يحط فيهم واحد واحد
سامي/تي عادي يارجل مصار شي المهم انك انت بخيربس
محمد/مافي شي شوية ختمات جوده وتم
عابد/ههههه حتا في عز الي انتو فيه تتسهوكو
عزيز/اني مس مسمحك كلب دقدقتنر كيف بنتزوج توا كيف
عابد/عيونه دموع تفكر انه حتا هو كان عرسه مع عزيز متخفش ياخوي توا تبرا وتتزوج ع خير
محمد/فنص في عزيز متا غير الموضوع
عابد/سمحوني باللهي عليكم انتو صحبي وحبابي وخوتي حرقتني لقطه وفشية غلي فيكم
محمد/باللهي ماتزعل موقف وعر عرف بس واللهي ماتستهل دير اي شي ع خاطرها ولا ضر روحك
سامي/سمحني ياعابد واللهي ماقصد نصدمك بس نبيك تشوف بي عينك بيش تصدق
عابد/مقعز في سرير مقبلهم شفة وشبعت واللهي ماني زعلان ع الي ماتتسما ما وجعني شي الا ضحكه وعرة ياصحبي ضحكه راه راهو 3سنين وهدي سنه 4ضيعتهم ع كدبه كبيرة ماتوقعتها معقوله اني وحده تضحك عليه هكي هدي الي وجعتني
عزيز/تعرف انت احمد ربي،الي ماتزوجتها مش زي اني
عابد/شافله خيرك انت
عزيز/اميمه في دار الي بعدها مع صحبي زهير ع الاقل انت قاعد ماتزوجة راك نصدمة اكثر من هكي وكرهة روحك والحمدالله ربي فكني منها وعفتها ع حقيقتها
عابد/نصدم مه صحبات سريفا زي بعضهم وسخين
ولي العهد/وين سامي
سامي /اهو المتشوه
ولي العهد/هههه هاك هدا تتلفوانك مرتك من بكري تتصال
سامي/حي عليا حي تي اليوم هاله لما تورني هات هات وخدي تلفوان يتصال بيها
عابد/كان تشوفك هاله هكي مش حتعرفك بكل
سامي/البركة فيك ياصحبي
وقاعدو يضحكو
عزيز/وين تلفواني حي حلومه
عابد/عطه لي خووه تلفوانه هاك كلمها تلفوانك في سيارة سامي قاعد وخدي عزيز تلفوان من عابد
سامي/الووو هلوشه
هاله/حبيبي وينك وينك ياقرد من بكري نتصال بيك خوفتني عليك وتبكي
سامي/وراسك ياعمري ماتبكي خلاص واللهي حبيبك في المستشفه قطعوني يا هاله واك عليك وك وك وك
كلهم يضحكو
محمد/ياهبل هو الوحد هكي يطمن مراته مشت ماتت المراء
عابد/ اني نستادن شويا وجيكم
محمد/وين ياعابد باللهي فكنا خليك وراس صحبي
عابد/واللهي ماتخاف مستحيل ندير شي في روحي مهبلتش ناس زي هدي متستحقش ماشي بندير تحليل بنشوف روحي،بالك فيا حاجه نبي نطمن
محمد/بعيد سؤ عليك ياصحبي لكن برا طمن بش ترتح
عابد طلع وطلع معه ولي العهد
ولي العهد/متخفش بي ادن الله مافيك شي
عابد/ان شاءالله خير ومشي عابد يدير في تحليل ولي العهد طلع مشي بيتم اجرات
.....
زينا وخواته خشو لي العياده لقو زينب وصغارها وقفين في الممر مشولها يجرو
زينا/خيره وليد شن فيه
زهروزهرة كل وحده شده واحد من صغار اختها
زينب/مش عرفه صارله ياحليلي
زينا/كيف مش عرفه شن صارله
زينب/هو تبي صراحه اني نقزة عليه ههه
زينا/مصدومه علاش نقزتي عليه العفوا
زينب/مش قتيلي ديري روحك رومانسيه واني الحق عجبتني لقطه وبنجربها وصار،الي صار
زهور وزهرة يضخكو
زينا/مجلوطه لقطت شن انهارك حرف
زينب/ ركبة ع كمدينو ونقزت عليه ومشي فيها رجل بدي يعيط معرفتش خيره
زينا/يعيط من صروخ الي طح عليه وتندب في خدودها انهرك احرف دقدقتي رجل هههه
زينب/انتي قتلي ديري روحك رومنسيه
زينا/قتلك طبطبي عليه احضني قليله كلام حلو مش تنقزي عليه ربي يسمحك يازينب تورهي رجلك يخد ويدعي عليا مه اني نقصني الي فيا سدني
زينب/يدعي قهرته عزته من زيه لقي وحده ترومسله زي توا نوريه خلي يندفس في مكان وحد ويدقدق بش يحرم يشوف لي برا بعدين
زينا/مشي رجل اصلن هو خلاص توا يتمنا زينب الاوله معش يبي رومانسيه بعد الي شافا اليوم واني نقول علاش متصاله بيا مش متصاله بي سلافها
زينب/محلني اني جيبا سلافي يقلو و خيره نقلهم شف لقطه في نت ونقزت عليه هههه
زينا/فاتحا فمها وراسك زينب انسي نت ف تيه بيضيعك وبضيعني بي دعي في جرتك
زهرة وزهور ميتين ضحك
زينا/نقصي صوتك انتي ويه ناس يسمعو فيك
........
ولي العهد كيف جاي من الممر وزينا تلفتت شافته وشافة سوريته بيضا كلها دم مشت تجري ليه
زينا/حطت يدها ع يدين ولي العهد حبيبي خيرك شن فيك شن صيرلك وخيفا عليه
ولي العهد/يشبحلها مافي شي انتي الي شن جبك اهني
زينا/باللهي عليك مافيك شي ياعمري بدت تبكي طمني تكدبش عليا
ولي العهد/وراسك ياعمري مافي حاجة معش تبكي خلاص واللهي مافيا حاجة الله مش اني مضروب يمسحلها في دموعها
زينا/به شن فيه قولي بللهي عليك
ولي العهد/مافي شي انتي علاش هني احكي
زينا/زينب رجلها مريض تصالة بيا قتلي تعلولي
ولي العهد/من جبكم
زينا/اني جبتهم زهرة وزهور
ولي العهد/وين عبدالله كيف تجي بروحك
زينا/قبل نص ساعه طلع لي المطار مشي لي تونس مافي حد بجيبهم الا اني
ولي العهد/مشاءالله مه انتي عزري الحوش شن قيلك اني تبي اي شي يصرر اي شي كلمني ولا كلمي حسن وله قيل الكلام هدا ولا اني نخرف
زينا/قيله حبيبي اسفه واللهي ماقصدي بس ضرف وصار وطلعة بسرعه
ولي العهد/انتي تصكري في راسك ويخده ع خاطرك مني عركنا ونقشنا بروحهم وحبنا بروحا والموقف زي هدي برحهم متخلطيش الموضيع في بعضها فهما
زينا/به حاطر معش نعزدها
ولي العهد/توا صار الي صار حسبك بعدين توا نتفهمو وحي ياحي عض شاربه
زينا/خيرك به شن في باللهي عليك
ولي العهد/غير تعالي جاي زيناجت قدامه
ولي العهد/يتكلم ومصكر سنونه انتي شفتي روحك قبل متطلعي
زينا/اي خيرني
ولي العهد/تي كيف تجي هكي كيف شن دنيا المشحطة هدي نزي ام اسروال الي زي سنه
زينا/اها نزالته
ولي العهد/جبدها من تجبوطي متعها قاعد يصكرلها في تجبوطي متعها اسريتا وصله لي فمها وحطلها الكبوس ع راسها وشحطلها الخيوط ايوووه هكي خليك تمسي حاجة نقتلك توا نتفهمو بعدين ع شي هدا
زينا/ههه به حبيبي قولي شن فيه علاش دنيا دم هكي حويجك
ولي العهد/مافي شي واحد ضرب صحابه وجبنهم لي المستشفه وخلاص
زينا/كيييف علاش خيره شن فيه
ولي العهد/شنو علاش هدي يهمك هو
زينا/لا حبيبي مجرد فضول
ولي العهد/نقصي من فضولك ازيد هدا وبعدين نهدرزو
وعابد كيف طلعة من غرفو تحليل جت عينا في عين زينا وقف علها ولي العهد جها يحري
عابد/زبنا خيرك هني شن فيه وكان كله دميات ملبز
زينا/شبحت لي ولي العهد لقته متكنكي ويشبح لي عابد
ولي العهد/مافي شي رجل اختهم مريض بس شوف صحبك مدور شي
عابد/يشوف لي زينا وندم ودموع في عيونه تمام لو تبي حاجه كلمني
زينا/عطتا بي ضهر شكرا ولي العهد ماقصرش
عابد/فهم زينا متبي تكلمه به وستادن وخش لي صحابه
ولي العهد/يشفشف في شعره ومتكنطي
زينا/حبيبي باللهي عليك متزعل وراسك ياعمري
ولي العهد/ قلبه يوجع فيه مش زعلان
جي واحد من الحرس
عامر/ معلم تفضل جيبله فنليه وكنتيره
ولي العهد/مشكور عامر ومشي عامر
ولي العهد/ نبي نغير مش طيق ريحت دم
جت الممرضه /فتحتله غرفة تفضل خويا
ولي العهد/مشكوره وخش حطهم ع سرير بدي يسلب وشاف لي زينا ههه خيرك
زينا/قربة منه هه شي هت نفتحلك البطم
ولي العهد/لا طلبزي يديك
زينا/صبون والمية كترات وبدات تفتحله في طمن سورية وهو يتفرج علها
زينا/تفتحله في سورية وقلبها يدق وسلبتهله شافة جرح ع كتفه وفي جنبه مقدرتش تساله
ولي العهد/خلي نغسل يدايه ونمسح دميات هدو
وفتح الحمام وزينا كانت تتفرج عليه من قدام الحمام وقاعد هو يغسل ايديه في الحوض وزينا تتفرج عليه ومبتسمه
ولي العهد/شفله هههه خيرك تشفلي هكي
زينا/لا شي ههه
ولي العهد/خدر الفوطه بلها بي الميه وبدي يمسح في دم من ع صدرع افييي حسني بنرجع
زينا/جت خشت معه حت الفوطه خدتها منه صبتله صبون علها هكي ريحه تمشي لبين مروحت ودوشة بدت تمسحله في دم
ولي العهد/يشفلها ويشوف في روح في المرايه يسوي في شعره
ي
زينا/يودي مسوي بس فيك جروح من شنو هدو
ولي العهد/ههه مضروب بي رصاص قديمه
زينا/الف لابس عليك حبيبي كملة
ولي العهد /لا يوريك باس حبيبي صحيتي وطلع وراه زينا قاعد يلبس في كنتيرة وبعدين الفنليه انتي اغسلي ايديك امشي
زينا /به خشت وقفة ع الحوض تغسل في ايدها جي ولي العهد وراها وقف قاعد يسوي في شعره وهرا تسبحله
زينا/هههه مسوي ياحليلي
ولي العهد/هههه شن فيه هني جهت رقبتي
زينا/تشوفله حبه صغيره بس
ولي العهد/اها تنخص فيا فديدتني
زينا/اي يفديدود
ولي العهد/خيره رجل اختك
زينا/ههههه مخيرشي
ولي العهد/علاش تضحكي هه
زينا/لا شي اختي منقزا عليه هههه
ولي العهد/ههههههههه
زينا/اوس هههه
ولي العهد/ههههه بسها مع راسه رادي،بالك ع ر وحك قبل متروحو كلمني تمام
زينا/ حاضر
ولي العهد/ بتسم هي قدامي امشي لي خواتك
زينا/هي ههه ومشت طلعة قدامه وهو وراها وخشين 3شباب وراء زينا ورهم ولي العهد واحد من شباب قعد يعكس في زينا
وزهرة وزهور كانو قعمزين قدام دار الي فيها رجل اختهم وزينب دخل هيا وصغارها تشوف في رجلها زهرة تشوف في اختها جايه من الممر
الولد/تي شن هل العسل كله حليلي منه غير ارخي روحك بس
وزينا/تمشي ومصدومه
ولي العهد/جبد الولد مع فنيلية متعه تعاله نوريك العسل كيف شكله وبدي الخبط بينهم وزهرة وزهور وزينا يتعيطو
زينب/نطلع تشوف خواتي
وليد/شدها خليك اهني توا يخشو
......
في غرفة الملاحطه شباب يهدرزو معهم رائد وحسن يضحكو مع بعض خش الممرضه
الممرضه/لو سمحتو في واحد معكم مدير عركه برا راه
حسن ورائد طلع يجرو ومعهم عابد
وناض محمد بيطلع حتا هو
زينا/باللعي عليكم خلاص خلاص وتعيط
حسن جي جبد الولد تاني والولد الثالة شده عابد وطح فيه خبط
اما رائد خدي زهرة وزهور وزينا تلهم مع تحبطيتهم الثلاثه مع بعضهم دفهم في غرفة وليد وحطو ع بعض خدي المفتح من دخل وصكر عليهم الباب من برا ومشي مع شباب يضرب
زهرة وزهور وزينا يخبطو في الباب
زينا/تعيط افتح الباب افتحو
زهرة/شده خدودها
وليد/خيركم شن فيه
زينب /شن فيه
زينا/ياحلينا عركة ع خاطرنا برا واحد يعكس شدوه جمعة شركة محمود وبدو خبط في بعض وتخبط ع الباب افتحوووو
خشو الحرس من برا حزو العركه ونتهة العركه وشباب طلعهم برا من العياد
محمد/ وصل فيهم خيركم ياشباب
عابد/انت شن طلعك مافي شي مفرخ مش متريي ودخل محمد لي سريره
حسن /شن صار،يارجل خيرك معهم
ولي العهد/ يعكسو في ....يسمع في زينا تعيط تي افتحلهم الباب
رائد/فتحلهم الباب تي اسكتي انتي ويها
طلعة زينا وزهور من دار يتجرو وزهرة قاعدة واقفا تشوف لي رائد ورائد قاعد يشفلها
رائد/انتي كويسه
زهرة/اي كويسه وطلعتله برا يدك مضروبه
رائد/عادي مدوري شي رائد يده مضروبه من اصبح لما صرب اشرف بس زادة توا في العركه
زينا/مشت تجري لي ولي العهد حبيبي صارتلك حاجة وتبكي
ولي العهد/اوووس خلاص شن قلنا ع دموع احني مصارلي شي حبيبي كويس
زينا/الحمدالله انتك بخير وشدتله يده
ولي العهد/دغض ع يدها خفتي عليا ياروحي
زينا/اي خفت تصرلك حاجة واللهي نموت بعدين
ولي العهد/اووس بعيد سؤ عليك ياعمري معش تقولي هكي ميصرلي شي حبيبي باهي عش تبكي منتحملش دموعك ويمسحلها في دموعها
زينا/به حبيبي عش نبكي بتل بتل
ولي العهد/ههه حليلي منه الي يدلع انحبك
زينا/نموت فيك
ولي العهد/وحسبك بعدين
زينا/هه به
......
زهور/وقفت ع حسن حبيبي صارتلك حاجة
حسن/ شفلها من فوق لي لوطه حي ع جدك حي شدها مع برنوصها غير تعلي جاي تعالي ورفعها معها وزهر كانت قيمه كتافها وخفيه رفعها لي جها تانية من الممر
زهور/خيرك شن فيه
حسن/متكنطي خير جدك لبسه هكي حي ام اسروال حي ياحي وشد راسه متع تعالو شفو جسمي
زهور/لالالا مش هكي طلعة مستعجله من غير مانغير لبست تبوكي وطلعة مقصدي واللهي
حسن/عجبك منضرك هكي شفتي شن صار بي لبسكم هدا تبي تهبلني انتي
زهور/واللهي ياحبيبي ماقصدي الله وطرمة شوربها ع اساس زعلانه وعيونها حمرو دموع
حسن/تعرفي تبكي انهارك احرف اليوم متبكيش اني قتلك ها
زهور/باهي طبسة راسها
حسن/حس روحا قسي علها شويا خلاص حبيبي مقصدي نكشخ عليك ياقلبي غرة عليك تعرفني منحملش فيك شي
زهور/عرفه حبيبي
حسن/به عمري شفلي هي وين البتسما الحلوة
زهور/شفتله وبتسمت
حسن/بسها مع يدها ربي يخليلي صحبت السمة الحلوة
زهور/ويخليك ليا
....
زهرة/وقفا ع حسن شوف ايدك عين عليها توا نهاري رايحة حاله
رائد/عاديه قتلك مدوري شي ميشفلهش
زهرة/حسة رائد كانه مش طيقها اسفه لو ضيقتك ماقصدي عندنك ومشت وخالته قاعمز ع الكرسي ولفة وجها جها تانية
رائد/حسها زعلاة هو اصلن ميعرفش يتصرف مع البنات جي قاعمز جنبها خيرك زعلتي مني مقصديش نكشخ عليك راه
زهرة/تشوف لي تلفوانها تفتح في رمز وتصكر لا عادي يااازينا هي نروحو
زينا/بااهي شويا مزال
رائد/امممم ههه توزيعاا حلوة لكن
زهرة/ تهز في رجلعا منوزعش فيك بنروحو وشفتله شن تبينا نبتو يعني
رائد/لا طبعن روحو اكيد وناض واوقف ويده ميقدرش حتا يحركها
زهرة/شفة يده وضحا لما وقف خفة عليه علاش انت تصكر في راسك
رائد/انعممم
زهرة/علاش متبيش تعين ع ايدك عجبتك يدك هكي رضي انت ع روحك يدك هكي
رائد/اي راضي ويشوف لي ايده
زهرة/وقف واني مش راضيه واللهي
رائد/ شفلها ههه وحط يده ع لحيته والحل
زهرة/انك تعين توا توا
رائد/هو عند
زهرة/واللهي عناد تصكير راس كفر اعرب المهم بتعيز ع يدك
رائد/به خلاص توا نعين
زهرة/توا قلة اني اهيا غرفة المعينا قدمي هيا
رائد/مصدوم ههه به هي يستي،ع خاطرك نعينو ومشو مع بعض وكنة جنبه
رائد/بشويا دخلي شفشوفتك اهيا متخلنيش نحلقهلك
زهرة/هههه به ودخلة شعرها
رائد خش لي غرفة المعينا وهي قاعدة وقفا قدام الباب تشفله وهو مقتمز ع سرير ويشفلها ممرضه دويله في يده حرقه سبيرو غمض عيونه شويا من الحرقه زهرة حط يدها ع فمها وجعها شفلها رائد قملها حاجبه وضحك زهور بتسمت
ممرضه/ الف لاباس عليك كملنا ولفتله يدها بي الفشاء
رائد/بارك الله فيك وطلع يلبس في تجبطي متعه
زهرة/خدتا منه هت نسعدك وقعدة تلبسا فيه وهو مبتسم
رائد/يسلمو تعبتك معيا
زهرة /لالا عادي كان نعرف راني دويتك اني
رائد/هههه خلاص مسي يدي وعتبري روحك انك انتي دويتها
زهرة/حطت يدها ع رائد اها وان شاءالله لاباس عليك يارب
رائد/قلبه يدق ويشفلها وبي كل جنيا لا يوريك باس مع بتسما ولو قدام غرفة وليد كلهم قدام غرفة وليد
زينب طلعة برا شفة حوتها كل وحده وقفا مع واحد شخصية قاعدة وقفا برا وتتفرج
زينا وزهرة وزهور مشو وقف ع زينب ولي العهد وحسن ورائد وقفين مع بعض
زينب/نهارك احرف منك لها منو هدو اطروف
زينا/حبيبنا ههههه
زينب/يعطيكم دعوه منين جربنهم هدو وين لقتوهم
زهرة/هداكه اسمه رائد تبعي اني بي ادن الله
وزينا/وهداك اسمه ولي العهد معروف طبعن متعي اني
زهور/وهداك حبيب قلبي اني
زينا/3صحاب بعض وتبع رجال اعمال
زينب/يا حليلي هيي لحطه بس باللهي نمشي نقز ع وليد تاني خلي يندفس ويموت ولقولي وجبولي واحد زيكم
زهرة وزهور/ههههه
زينا/هههه واللهي مصارة وسعي بالك توا مافيش واحد اول منلقولك واحد توا نقلك نقزي ع وليد ههه
زينب/باللهي عجلي في الموضوع هههه
ولي العهد/جي وقف عليهم انتي اختهم الكبيرة
زينب/بدوخ اي خوي
ولي العهد/كلمي سلفك يجوك خلي البنات يروحو وقت عليهم واني قاعد موجد هني وحنخليك حرس وقفين ت الباب لو تبي شي لبين ماجي حد من عيلة رجلك تمام
زينب/تمام بارك الله فيك
ولي العهد/فيظ بارك الله تفضلي هي انتي ويها ع سيارة
زينا/هيا هي زينب ل تبي شي كلمني باهي
زينب /باهي صحيتو سمحوني جبتكم في لليل توا وليد كويس مدورو شي وسلمولي ع امي
زينا/باهي هي سلام
زهور/باي
زهرة/بي سلامه
ولي العهد/رادي بالك ع روحك وبيوصلكم حسن بي سيارتك
زينا/حاضر
زهرة/شفة لي رائد سلام
رائد/بتسم سلام
زهور وحسن طلعين مع بعض
ركبو في سارة من الخلف زهرة وزينا وزهرو معسكرة من قدام مع حسن ويدرزو
حسن/حدف لي زهرة وزينا 2سمعات ارشقوهم في ودنكم شويا خلي ندوي ع راحتي وعلو المسيقه
زينا/ربي يصبرنا به هههه
زهرة/حاضر ياسي حسن
لبسو سمعات وفتحو اغاني وحسن وزهور يهدرزو ليت وصىو وصلهم ودرس سيارة زبنا وركب مع الحرس ولو المستششفه
البنات خس طمنو امهم ع زينب وهشو لي درهم يهدرزو ويصخكو ام زينا مقدرتش تسال ولي العهد علاش عابد كان موجد ودم حتا هو حويجه لي انه خفتا يزعل منها وقلة ات شاءالله خير بس
اما ولي العهد خش هو ورائد لي عابد وصحبه
ولي العهد/هي شباب متبو شي
شباب /لا منور ماقصرة
عابد/سلم عليه بارك الله فيك وسمحني تعبتك واللهي مقدرت نتصال بي حد تاني بوي خفت يصرله حاجة لو يسمع من الحرس
ولي العهد/تفضل في اي وقت مايحشمك شي عتبرني صحبك خوك بوك الي تبيه تستحق اي شي كلمني
عابد/بارك الله فيك نعرفك متقصر
ولي العهد / بوك متقلشي غدوا سهل ومعش تتهور موضوع كله ميسوش قريب ضيعة صحبك راد بالك صحبك ميتعوضوش شد حيلك ربي يعوضك خير وربي يضيب جرحك
عابد/ان شارالله مشكور ولي ربي يحفطك حبيبنا
ولي العهد/ويضفطك ويحفص اشباب وان ساءالله لابس عليكم كلكظ متنسوش اول متشدو حيلكم ردوه كله ها ههه
عزيز/متوصيش نهنو ياقدر ههه
محمد/هههمنور
ساني/اتي صحب العمله منقدرش ههه
عابد/غير نضو بخير وقتلوتي عادي ههه
ولي العهد/ههه هي تصبحو ع خير
عابد/وشباب منور وانت من اهل الخير
رائد/هي سلام عليكم
حسن/ان شاءالله لاباس وسلام وطلع ولي العهد خله 2حراس ع غرفة زيتب و2ع ملحطه لي شباب
وروح وعابد قاعد مع صحابه بيت ويهدرزو وعابد يحكلهم انه كيف حرقته القطه وهم يوسو فيه
ولي العهد روح وتصال بي زينا وتعرك هو ويهة وباعدو يتنقشو ع جبتها في لليل وع طولة الي خلطتها ع بعضها صبح وتعركو وقبل ميصكر كل واحد فيهم قال لي تاني نحبك وصكرو
يوم جديد .... اصبح درسة زينا قدام شركة نزالة هي وزهرة ولي العهد كيف وصل هو ورائد نزلين من سيارة
زهور/ هي سلام خلي نمشي لي جمعتي
زينا/به هي باي
زينا ولي العهد ركبو
رائد وزهرة وقفين ع بعض
رائد/صباح الخير
زهرة/صباح نور كيف حال يدك اليوم
رائد/تمام
زهرة/قلة خلي نخطم نئوف كيف حاله الروم وبعدين نمشي لي جمعتي نتمشة ع رجليا
رائد/هه بارك الله فيك
زهرة/فيك بارك الله هي ربي يحفطك سلام
رائد/هي توا نوصلك اني
زهرة/لالا شكرا بنمشي ع رجليا
رائد/هه خيءك خفتي بنمشي معاك ع رجليا عي
وقعدو يتمشو لي انه جامعة قريبه ع شركة والحرس جنبهم بي سيارة
رائد/تعالي من جنب اهو واني خلي ع طريق
زهرة/بتسمة به وبدلو الامكن
رائد/مش عرفه علاش طلعي فيها القصه اني تحرقلي في دمي بيها
زهرة/خلاص ها دخلته مه هو الوشح يزلق واللهي العضيم
رائد/معش تلبسيهظ اهما الخروات الي يتزلقو وشاف ع ايمين محل تعالي جاي خدها مع يدها وتلها ودخلخ لي محل وشحات عندك هجو الي يلبسو فيتم تحت الوشحات
موله المحل/شن هما
رائد/شبح لي زهور شن تسمو فيهم
زهرة/ربطت شعر
موله المحل اي فيه اهما وطلعمله
رائد/ختار وخده ودفعلا حقا بالعي خونا خلينا المحل شويا
موله النحل /خود راحتك خونا وطلع
رائد/اسلبي وشحك بش تلبسي هدي هياااا ويفتحله فها من الكيسا
زهرة/خفت منه سلبة وشحها وحط شعرها قسلي طويل ونعم
رائد/قاعد يشبحلها تهبل مز غير وشح ومدلها ربطه
زهرة/خدتها منه ولبستها وتشفله ولفت وشحها هكي باهي
رائد/اي تهبلي هكي هي
زهرة/بتسمت به
وطلعو من محل ومشو
.....
في شركة
زينا في مكتب ولي العهد
ولي العهد/فتي للورقي الي بزعتي عليهم القهوة نبيهم ترديهم زي ماهما توا توا
زينا/توا نغسلهم ونحدد ليكم سهلا
ولي العهد/زيناااااا متحرقليش عصبي امشي ابعيهم من جديد بسرعها
زينا/فكتهم من يده ومصكره سنونها به وطلعة مشت لي مكتبها
ولي العهد/ههه اه منها البنت هدي بتعبنر في جرتها ....وفجاة طق الباب
ولي العهد/ادخل
خشت وحده شعرها مفتوح لابسه بداله رسميه وكعب عالي وشده في يدها ملف ....صباح الخير
ولي العهد/شفلها متفاج صبح النور
نسرين/عرلتي منو وله لا
ولي العهد/اها اهلين نسرين بنت الباشا
نسرين/ايوه قاعد متفكر
ولي العهد/اكيد في حد ينسا الي زي اخته
نسرين/ اهااا اختك صار
ولي العهد/اكيد اختي ماله شنو تفضلي في حاجة
نسرين/لا جايه نطمن ع خوي بس وهدا ملف بعتهلك بابا
ولي العهد/مشكوره مفروض متعبتيش روحك بعتي مع سكرتيرة ولي العهد معندشي خلوق لها بكل
نسرين/لا مافيش تعب ولا شي
فجاه فتحت زينا الباب بسرعة وخشت تفجاة
زينا/خشت تتدرج وحده وخطحده وتشوف لي نسرين من فوق لي لوطه وشفة لي ولي العهد وشفة لي نسرين من جديد ودرتلها بتسما صفرة مرحبا
نسرين/من غير نيه مرحبا
زينا/شفة لي ولي العهد من الانيسا
ولي العهد/ااا...قطعة عليه نسرين
نسرين/اني نسرين خطيبته
زينا/اهلين وسهلين والله
ولي العهد/😯
نسرين/منو حضرتك
زينا/اني ...قطع علها ولي العهد
ولي العهد/مرتي زينا غمزلها 😉 وبتسم
نسرين/حسة انه حطة روحها في موقف محرج ههه اهلين بيك
زينا/وبيك 😊 حبيبي ممكن تجي شويا لاب توب متعي منعرفش خيره مشت خدت ولي العهد من يده سوري حبيبتي نسدنك ورفعتا معها لي مكتبها دخلته وصكرة المكتب
زينا/منو هدي منو منو
ولي العهد/يصكرها في فمها اوس اوس حني في شركة نقصي صوتك
زينا/نقصة صوتها قتلك منو هدي منو ومصح وجها تقولي خطيبي
ولي العهد/ههه ياحليلي من الي يغار،ياعمري اهدي هدي بنت الباشا تتسهوك
زينا/بنت باشا ولا بنت ارئيس كلهما معش تقولك خطيبي احسلها ولا نقلك متقلهش متكلمهش نهاي اني نعرف نتصرف معها بعد شويا وجت بتطلع
ولي العهد/ شدها مع يدها تعالي جاي هبلتي انتي وين ماشية بتفضحينا في شركة ههه اهدي اهدي لوتها متعدليش علاها حبيبي اني نتفهم معها لو مفهمتش نكلم بوها باهي يا مراتي
زينا/تعرف نلقها عندك مرة تانية نقتلك ونقتلها فهم وله
ولي العهد/ههه حاضر يامجرمه
زينا/الا حبيبي خط احمر ايوه
ولي العهد/مقعمز ع حشيت اطولة وشد زينا مع يدها ااااه منك وقرب منها حليلي شن بيصبرك ياولي العهد لين تكون مراتك بس
______________________________________

______________________________________

#Jule Akrsoa ℘₰ﮩ℘₰ﮩ℘₰ﮩ✍