#حلم_في_الواقع
#بقلم_جولي اقارصو
الحلقة {10}
محمد وهاله شافو لي عزيزة لقوها مصدومه
عزيزة/نزالة عيونه شكلي جيت في وقة غلاط وضحكة ضحكة ستهزا هدي الكريمه وحدفتها لي محمد ع سرميك لين وصلة لي محمد
محمد/عزيزة تع...عزيزة صكرة الباب ونزالة
هاله/اووو شكلها فهمت غلاط
محمد/هههه هي كله منك زعلتي الكبيده
هاله/ههه خلي تزعل توا نفهمه بعدين
محمد/تمام وكلمني شن يصير وخش لي دوش
هاله قاعدة تبدل ومحمد يدوش
..................
عزيزة نزالة لقة زينا مقعمزة مع البنات يهدرزو جت جنبها وقعمزة دارة رجل ع رجل وسرحنا شكلها كان متكنطية
زينا/عزيزة خيره وجهك مقلوب العفوا
عزيزة/مافي شي عادي خيرني
زينا/مش عليا اني خيرك
عزيزة/ حكتله ..قلي جيبي الكريمة وركبتله
زينا/به شن صار
عزيزة/هه لقيته هو وهاله في موقف سخيف
زينا/اوو به متزعليش حبيبتي وبعدين انتي رزني روحك شويا معش دخلك فيه شن قلنه حني
عزيزة/نعمل فيه عادي زي قبل بس وحد حقير هو ويها
زينا/ مدوريشي فوتيه وحتا هيا لما تشفها متقلبيش وجهك علاها البنت مدنبها شي راه مرة هيا زيك متندريش انه انتي كان يكلم فيك يعني متخربيش علاقتهم وتلقي خير منه ياقلبي
عزيزة/لا اكيد مدخليش فيهم فخار يكسر بعض
زينا/ اي فوتيهم خليك مع البنات اضحكي بس غير اسمعي هدي شن تقول هههه
عزيزة/ديما جوها مليح هدي ههه
...........
سامي عابد وشباب برا وطلعلهم محمد ونوبه تخبط وجو الشباب مش عادي وسامي يلوي في لوي وعابد سايخ ضحك عليه
امه عند البنات دخل الزمزمات يجيبو النوم ينعسو وينوض
زينا تحول تتصال بي ماليها يعطي فيها خارج الخدمه كلهم فتحت نت لقة زهور فاتحه الفايبر
زينا/الووو زهور ردي عليا
زهور/اهلين زينا ستحشتك كيف حالك
زينا/لا واضح مستحشتني تي وينكم نتصال مديرين ليا حطر ومرة خارج اخدمه خيركم
زهور/واللهي يا زينا مش عرفه شن بنقولك بوك منعنا من انه نكلموك
زينا/تفاجة علاش خيره شن سبب
زهور /منعرفش واللهي وكلنا قلنه ندرواك حطر والي تكلمنا فيك نهارها احرف وحلف لي امي بي اطلاق لو تشوفك او تكلمك
زينا/علاش شن سبب خيره هبل هل المنجوه هدا شن درة اني مش مزوجني ع كيفه شن الهبال هدا
زهور/واللهي مندري حتا امي نسالو فيها متردش علينا شن سبب
زينا/ امي وين توا
زهور/حني توا في تونس راه رفعنا ندهورو ع اساس
زينا/مشاءالله بديتو حتا يسفر فيك من بعدي باللهی شكله كنة عرقوب الحوش عليكم ههه
زهور/شكلك ههههه
زينا/خزي عليك غير لما تروحو ابعتيلي رساله ضروري راه خلي نشوف شن القصة منعكم عليا
زهور/تمام حنقلك بس باللهي دوه بينا وكاني ماكلمتك تمام
زينا/بينا تمام سلام وصكرة نت
زينا قاعدة تفكر زعما شن فيه الموضوع وصل لي طلاق ربك يستر
..................
عند خالد وسمر
خالد/سموره حبي هكي معقوله ستحشتك تبيش تجيني
سمر/مصلحتها في خالد فلوس والي تبيه حاضر لا يا حبي معقوله مانجيكش حنجيك غير توا مشغوله وبنسفر يا قلبي لي تونس واللهي بعد سبوعين وبنقعد سبوعين وبعدين نروح نتلقو اوكي
خالد/تمام حبي بس لاباس بتمشي لي تونس
سمر/بنغير جو بس
خالد/اوو تمام ماله مشيتك كلها ع حسبي مافيش نقش
سمر/الله حبي حقا
خالد/اي اكيد وعتبري احلا سويت في تونس محجوز ليك اوكي
سمر/هلبا هكي يا حبي نحبك يا احلا حبيب في دنيا كلها مواه
خالد/نموت فيك ميغله عليك شي يا حبي لكن مش تروحي تنسيني نبي ندلع
سمر/تي غير نروح بس واللهي احلا دلع وحياتك
خالد/تمام و.... قاعدو يهدرزو
...............
عند ولي العهد مقعمز مدير رجل ع رجل في صالة في الفيله يتفرج ع تلفزيون وحراس برا يدورو ع الحوش وخش احمد من باب الفيله
احمد/معلم السلام عليكم
ولي العهد /وعليكم السلام قاعمز يا احمد
احمد/قاعمز يسلمو يا معلم
ولي العهد/شن تعشية ولا لا
احمد/والله معبيها مع المدام لين عيوني طلعة ههه
ولي العهد/هههه صحتين ع قلبك شن اخبار عيلتك
احمد/تمام في خيار الخير واللهي
ولي العهد/دوم يارب ان شاءالله مش نقصهم شي بس
احمد/لا مش نقصهم شي ميه ميه
ولي العهد/كويس
احمد/ الموضوع الي حكتلي عليه جبتلك حسن الي طلبته
طبعن حسن ولي العهد ديما متفقين مع بعض ولي العهد يقله شن يبي وحسن يفهم عليه ع اطير
ولي العهد/نزال رجله وين قله يخش
احمد/تمام وطلع نده حسن وخش هو ويه وقفو قدام المعلم وخبط احمد حسن ع ضهرا هدا الاسد الي تبيه ههه
حسن/مد ايده لي ولي العهد اسد لي المعلم اكيد اهلين
ولي العهد/ههه هلا بي اصقر والاسد تي وينك وين قعمز
حسن /قعمز تقعميزة الباشه اهو في هدنيا يا معلم
ولي العهد/ وين مختفي
احمد/نستادن اني
ولي العهد/خود راحتك قلهم يدرونا قهوة ويجبوه لي المكتب
احمد/تمام
ولي العهد/تعاله لي المكتب نخدو رحتنا
حسن/هيا هي
وخشو لي المكتب وجبلهم القهوة قاعدو يهدرزو شويا ويضحكو ...
حسن/اي قلي احمد تبني في موضوع ان شاءالله خير بس متعبنيش هههه
ولي العهد/هههه لا المرة هدي موضوع بسيط مرعي ضروفك
حسن/اصدمني هي ههه
ولي العهد/بنت
حسن/صفق يديه ع بعضهم هههههه غير قولي شن الموضوع
ولي العهد/هههه في بنت
حسن /هههه
ولي العهد/علاش تضحك بس ههه
حسن/ مش عرفه لما قتلي بنت جتني حالة هسترية اول مرة تقول بنت وفي بنت ههههه موضوع الانث قبل معمرك جبته
ولي العهد/ هههه لا خشية عليه خلاص عصب شويا شنو نكمل ولا نشوف غيرك وتكه ع الكرسي الخلف
حسن/عيب اني قدها وانت تعرف كمل
ولي العهد/في وحده توا نورهلك هدي البنت عيونك من علها مينقمو نهاي وين ماتمشي زي ضله اي شي ينقصها اي شي يصرلها تلقك في وجها كيف شنو منعرفش الي تبيه يجي لي عندها دبر راسك ديرلها نيضم محل مدير مفجاة لي زبين مطعم بعد 100شخص يكل عندهم في اليوم عليهم يخلصو وانت تخلص اخترعلي حاجة متعرفش اسالني البنت في عيونك تحطها منبيش یصرلها حتا حاجة حتا دبنه من جنبها متمرش وقبل اي حاجة ديرها عطني علم شورني تمام
حسن/تمام بس ممكن سؤال
ولي العهد/تفضل
حسن /غمزله منو هدي
ولي العهد/ حط ايده ع قلبه هدا الي صار
حسن/مستغرب فيه لا هكي تم ناض وقف وطبس ع ولي العهد وقله في عيوني وع راسي انت ويها
ولي العهد/عرفك متقصرش اصبح نبعتلك كل تفصيل
حسن/تم هي سلامات
ولي العهد قاعد في مكتبه وجوه رجال اعمال
........................
في العرس...
زيناوعزيزة والبنات مقعمزين
زينا/مقعمزة وتميح في راسها ايمين ويسار مع مسيقة ازمزمات انعسا
عزيزة/ههه زينا تي خيرك زي سكرانه
والبنات يضحكو
زينا/تتوب ... تعرفو شن نقص في تقعميزة هدي ومع زمزمات هدو
عزيزة/شن نقص ههه
والبنات/ههه اي شن نقص
زينا/وحق ربي ارقيله بي لحشيش وسكير وله معش تفهمو شي تروقو ع الاخر وتصفق وتميح في راسها يمين ويسار
عزيزة/ههههه حق هو هدا جو واحد مش صحي
البنات/ههه حق جو يملل
زينا/تي من جيبهم زمزمات هدو
ريم اخت هاله /هههه هدي هاله جيبتهم تشكر فيهم
هاله جايه من بعيد تشوف لي زينا اتشرلها من بعيد بي معنا تعالي وخالتها ام محمد تتحلف فيها من بعيد متع نهارك احرف ع المهزلة هدي
هاله/انعم
زينا/اشرتلها ع زمزمات منو هدو
هاله/ههه منعرفهمش
عزيزة/ معنا كرها هاله بس مهما كان مش دنبها العتب كله ع محمد هههه تي مه انتی جيبتيهم
هاله/هههه شفتهم في عرس صحبتي جوهم حلو اليوم مش عرفه شن جهم
زينا/ بترقدونه ولا تبو دخلونه في طريق غلاط
البنات/هههه
هاله/شن تبوني ندير هي ههه
زينا/ههه بري اطمسيهم ورشقي تلفونك في سبيكراة ابركلك وحق ربي اني روهو منقدرش نشد روحي مرة تلقني نتشقلب توا
البنات/هههههه
هاله/هههه لا وراسك مصارها
عزيزة/ههه نوضي انتي غني
زينا/واللهي قلتولي اني نغني خير من المهزلة هدي تاشر ع جدهم باللهي شوفي شوفي امك وخالتك وميمه غير شفيهم
هاله والبنات قاعدو يشفلهم
زينا/ يناري مصدومين اني اصلان مافهمتش كلمتين ع بعضهم شن يقلو مبال ناس الكبيرة شن يقلو بالك يسبو فينا
هاله/ههههههههه
ريم/اني فهمت صاله الله وعليه هدا هو
زينا/بارك الله فيك انتي قدوه في العرس هدا انك فهمتي حاجة
البنات/ههههه
زينا/بري وراس امك اطمسيهم
هاله/ راه دبري شن تحطي یغنيلك هههه اهو بنمشي اني ... ورن تلفوانها محمد یتصال شفته عزيزة
هاله/شبحت لي عزيزة طول عرفتها تكنطة رادت الوو
محمد/شن هل الحضرة الي عندكم ادخل اطمسيهم خير منجي نصفيهم هما ولي جيبهم
هاله/هههه باهي به
ريم/خيرك
هاله/هدا محمد قلي ع زمزمات اطمسيهم ولا نجي نصفيهم هما ولي جيبهم هههه
البنات /ههههه
زينا/هههه شفتي تجيبي فيه لي روحك تي امشي بسرعه سكتيهم
هاله/ههه هيا هي ومشت ليهم
تفهمت معهم هاله ونضو روحو جتها ام محمد وامها
ام هاله /انهارك احرف ع راسك يا متعة العميل هدو منين جيبتيهم
خالته/هدا شنو وين لقتيهم بس وحق الله كان يشبح شكلهم كيف مقعمزين محمد نضله قتلك
هاله/هههه خيركم عليا واللهي شفتهم مش هكي تعرفو دوقي اني مكنوش هكي
امها /اكيد تحولو في طريق
هاله/هههه خلاص اهو سقدنهم
لعروس وبنات العيله وعزيزه وزينه جهم
العروس/معقوله عفسه درهلي بتبكي خلاص قدام صحبتي توا هكي عجبكم
هاله/تكنطة شنو اني بلعني ديرتها بلا جو عاد نحسب روحي بندير حاجة بهيا جت ع راسي وزعلة
زينا/خلاص خلاص مافي حد يزعل توا كله يتصلح
العروس/شن هو الي بيتصلح منين بنلق زمزمات توا قريب 11
عزيزة/تهدي في هاله ياودي متزعليش عادي ضروري منهم القطة هدو في العرس وانتي درتي الي عليك خلاص
زينا/توا حني البنات نديرو زمزمات واللهي لما ندرولك جو هي يا عزيزة
عزيزة/انعم
زينا/واتيا وله
عزيزة/ اكيد في كل وقت ههه
زينا/ههه نبو مقرفون
هاله/ههه توا نجبلكم من دار محمد هي
زينا / به ..... المهم جبو لاب توب وقعدو ينسوق بسرعه وجبت هاله مقرفون ولبنات مقعمزين جنب بعض مجموعه وزينا وعزيزة الوسطيات طبعن زمزمات هما عاد مقرفون شدتا زينا بدت المنضومه تخبط وزينا بدات تغني
زينا/واك علينا واك علينا لا تزوجنه لا حبينه
البنات/وه وه
زينا/طول الليل يكلم فينا
البنات/وه وه
زينا/ناضت وقفت قفطنها طويل تنته تقول بتسيك وترقص وتمروح فيه ايمين ويسار .. خايف من الشباب علينا
البنات/وه وه
عزيزة/اه ياقلبي رجينا
زينا/واك واك
عزيزة/تزوج وخط علينا
البنات/ههه وه وه
اما العروس سيخه ضحك ع عزيزة وزينا قلبلهم العرس وام محمد بدموعه من ضحك والبنات عجبهم اجو
عزيزة وصلته رساله من محمد رساله ..زيزو ياعسل جبلي تلفواني من داري تاني غير خليته في شحن ضروري واني في الباب الخلفي
عزيزة/مصح وجهك وعندك عين حتا تبعت رساله نخدم عندك مه اني وشبحت لي هاله
عزيزة/هاله كانه في حد يضبح فيك في جنان
هاله/واللهي الحق مسمعة ونضت مشت
محمد /كان وقف وفجاة قام عيونه لقي هاله شن فيه
هاله/ضبحت عليا قلولي
محمد/لالا مش انتي من قالك انتي ههه
هاله/عزيزة...اها ههههه انت كلمته
محمد/بعتله رساله بعتتك انتي هههه صحه علها
هاله/ههه ندهلك
محمد/ههه لا خلاص وطلع
عزيزة/زينا هيا خلاص اني نبي نروح
زينا/هيا هي خلي نكلم عابد ونعطي المفتح يطلعنا سيارة اكيد توا زحمة رجاله
عزيزة/تمام لبين مكلمة امي ولبست
زينا /تمام وتصالة بي عابد
عابد/ههههه خليه يارجل زيط تقول عرس اخته تلفوانه ران الووو
زينا/عابد تعاله نبيك شويا
عابد/جاي هي وصكر ومشاله وخش لي جنان الخرجي وقف جنب الباب
زينا طلعة نزاله مع دروج تجري وقفطنها يفرفر ورجلها طلعة زوز من فتحت القفطان
عابد/شفها ها ها بشويا عليك وحده وحده حي عليا الحلو يصرله حاجة نموت
زينا/بدت تمشي بي شويا هههه الي يسمعك يقول حق هدي مفتح سياره طلعهلي ترهي زحما
عابد/خدي منها المفتح به شن هل الحلوة هدي معش نتحمل اني راه ولف ايده الايمين ع خصرها ....وفجاه رن تلفوان وحول ايده من خصرها وطلع تلفوان من جیبه المتصل حبيبتي
زينا/شبحتها حطت راسها ع صدر عابد وبدها ازوز ع صدره وتضحك ههههههههه وشفتله وتاشرله ع تلفوان بي ايدها وحق الله هههه البنت هدي نبي بنوبسه ع المواقف الي دير فيهم تطلعلي في اوقت الله واكبر علها هههه
عابد/هههه تحس بيك سبحان الله
زينا/هههه عندها حاسه اسبع ههه
عابد/ههه توا نطلعلك سياره هي
زينا/خدت من عابد مفتح سياره وطبطبتله ع كتفه منور يا قدر نطلعه بروحي ولفة ومشة وخلتا
عابد/زينا نكلم فيك ...
زينا/..... وخشت
عزيزة/ها شن صار
زينا/صار شي هه هي لبسة بشتها يجنن بيج منقوش بي الاسود حطة البرنوس ع راسها وطلعو
كانو في رجاله وشباب ونوبه قاعده وزحما وسيارة زينا جيا في الوسط وضيق تبي واحد فالح بيش يطلعها طلعة زينا وراها عزيزة ركبو في سيارة وشباب وقفين زينا ولعة سيارة
عزيزة/كيف بطلعه توا
زينا/يا اسكتي يا انزلي
محمد/متكنطي جي لي زينا مع المرش طق علها
زينا/فتحت المرش نعم
محمد/انزالي نطلعهلك
زينا/ تبي نطلعلك سيارتك
محمد/قام يديه من ع سيارة تفطلي سمحينا
زينا/صكرة المرش نقصني توا انت
عزيزة/ورينا ابدعتك
زينا بدت توخر وكلهم يتفرجو كيف بطلع اسياره
عابد كان مهنش جي
محمد/ خيرك مطلعتش سياره لي مرتك
عابد/صكرة راسه تصالة سمر تكنطة خدت المفتح يارجل نقعد نتصرع معها اني في حوش الناس
محمد/صحه عله مشي وخله
زينا طلعة سيارة ومشت
عابد و محمد و سامي مصدومين فيه كيف طلعت السيارة
شباب /واللهي مشاءالله كان وحد تاني راه خرط اسيارة كلهم
سامي/بي ايديه تي منو هدي الي طلعة سياره عقلي ستكه يا رجل
محمد/خبط سامي خيفا يزلق بي كلمه قدام عابد مرات عابد
سامي /زمطها اها مشاءالله وسكة
.....................
عند ولي العهد
متكي ع سرير ويتفرج ع تلفزيون ولاب توب جنبه فجاه جته رساله ع لاب توب فتحها ..فيديو بعتتا شغاله ورساله ....هدا فيديو لي سهرية اليوم لي انك كنة كريم معيا وما قصرة تستهل وصورتلك هدا ....الفيديو ولي العهد فتح الفيديو ولقي زينا تغني وترقص ناض قعمز تربع ع سرير
ولي العهد/هههههه شنو هدا مهبولة هدي اووو ع الحلوة وضحكه ههههه بي دموعه
......................
أنت تقرأ
حلم في الواقع 🇱🇾
General Fictionاحياناً يكون حب الدقائق اجمل بملايين المرات من حب السنين الطويله القارصه ...!
