سحر عينيك

الحلقة الـ٥

رواية : سحر عينيك

بقلمي سارة ياسـين ...

قلبي لاتنسون التصويت ، التعليق بين الفقرات ، متابعة لحسابي 🫶🏻 .

- المحطه الما يمرها الريل
تهدم روحه وتزهگ ..

_______________________

وتـــين ....

بقيت واگفه اسمعهم شلون يحچون علىَ زوجة ابوي
كلامهم چان غامض كلش!! ، بس الي فهمته

تاركه زهراء وهي صغيرة!
بس وين هي ؟
ليش عافتها ؟
معقولة انطاها گلبها تعوف بنتها وتمشي ؟

تذكرت بيبي وحنيتها عليه وحنية ماما عليه ، شنو من أُم ؟...

مرت الأيام .
و بيوم چنت گاعدة اني وزهراء نحچي ، دخلو احمد وغيث وغيث يدفع بـ احمد ويصيح

- احمددد كااااااااافي تحچيي صدگ شبييييك ؟

گمنه بسرعة مصدومات من دخولهم المفاجئ وبهذا الحال ، احمد دفع غيث وگعد ؏ القنفه ، شرايين ايده مبينه من العَصبية ، عيونه حمر وأثار ضرب علىَ وجهه وايده

حچيت مصدومة :- هاي شكو غيث شبيكم شصاير؟ وشبي وجهك احمد ؟ احچو شبيكم

تنهد غيث وگعد مقابيل احمد يشرب مي
- هذا الأخ راجع من الدوام وبطريقه نازل وصاف سيارته يجيب كم غرض ، رجال جاي وداعم سيارته ...

قَبل كم ساعة .....

غيث :- وانا بدوامي خابرني احمد

احمد :- غَيث سيارتي اندعمت تعال انا قريب ؏ ***

انصدمت من گالي ، رحت للمكان لگيته واگف والبَنيد مال سيارته كُله رايح ، نزلت بسرعة وعفت الباب مفتوح

حچيت بصدمة وانا احچي ويه احمد
- شصااااير احمد هاي شبيها سيييارتك ؟

فرك وجهه بعصبية وأردف
احمد :- چنت راجع مَن دوامي وبطريقي نزلت ؏ المحل ، بعد ما اشتريت طلعت ماشي بـ اتجاه السيارة ، ركبت السيارة ونداريت اريد ارجع السيارة

ما حسيت غير شخص يرجع ؏ السيارة من گدام ويدعمها ..

ما تأذيت حيل لأن راسي ما چان قريب من الجامة ، نزلت خفت ؏ الي دعمني لامتأذي تالي يطلع الأخ كُلشي مابي وهو راجع ؏ اساس ما يدري ؟

وكل هذا صار يصيح ويغلط
- ما تشوووف انتَ سيييارتي رادت تروووح ناس مخابييل

حجيت بهدوء ومصدوم من جرئته
- حبيبي علىَ كيفك هو منو الرجع ؏ منو ؟ انتبه على كلامك

حچه بـ استهزاء
- واذا ما انتبهت ؟

عقدت حاجبي بغضب وانا اطبطب ؏ ضهره
- روح حبيبي توكل ولو انا الراجع عليك چان تكلفت بتصليح سيارتك

دفع ايدي وضربني ؏ وجهي
- ك** ومنووو انتههه حتى تضربنيييي ؏ ضهررري

رجعتله الضربه ووگعته ، حچيت بعصبية
- گتلك رووح ليش تدور مشاااااكل ؟