وَ نسيتُ أَنني حُرَّةَ ♨️🔞♥️

بارت 49

- ثريا : دخلت للبيت وهي تبجي شافت رندا كدامها

- رندا : شبيج ثريا

- ثريا : حضنتها وكامت تبجي ، سليمان طلكني ، لج رندا ويتهمني بشرفي ، اه كالتها بحسره ، ما ابجي عليه كد ما ابجي على نفسي ، هيج يضن بيه وهو جان يشوفني ويعرفني زين

- رندا : خل يولي هو الي خسرج ، هسه اخلي سراج يدخل

- ثريا : مسحت دموعها وكالت الحمد لله الله بينلي سليمان من هسه قبل لا افكر وارجعله مرة ثانية ، راح يندم طول عمره ، والله يضهر الحقيقة حتى لو بعد فترة

- رندا : بلعت ريكها وكالت اي صح

- وسن : اسيل لج اسيل وينج

- اسيل : خير ، وثاني مرة سوي احترام كولي ام سليمان

- وسن : هههه ضحكت بدلع وكالت صح خاله انتي بكد امي ، خالتو سويلي اليوم تبسي بيتنجان

- اسيل : ليش طباخة الخلفوج

- وسن : طبعا ، وهاي اوامر ابو بيتي فروسي ، كال شتريدين كوليها وهي تسوي

- اسيل : باحلامج امشي زعطوطة

- وسن : فارس زلمة ومن يحجي كد كلمته

- اسيل : زلمة عليج ، وضحكت بشماته مو عليه ، شحده يفتح حلكه

- وسن : بسيطة

- اسيل : اوي خوفتيني

- وسن : اه اه وبدت تمثل البجي ، الا اكول لفروسي عليج

- اسيل : طيري انتي وخروفج

- وسن : طلعت من المطبخ وهي تبتسم بخبث ، ودزت مقطع الصوت لفارس

- فارس : هاي ميفيد بيها بنت ال... ، رجعت للبيت وقت الغدا واني متحلف بيها ، فتحت الباب شفت وسن ، لابسه تنوره فوق الركبه وجواه ستريج مزرف وقميص بدون ردن وشعرها العذاب فاتحته على طوله وشي براسها مثل اذان البزون ، شكلها تحفه ، تستقبلني بوجه مبتسم ، شلونها بزونتي

- وسن : بخير وعافية بس اشوفك ، كل همومي تروح ، صدك الي سماك فارس اسم على مسمى

- فارس : ياويل حالي على هذا الكلام ...

- نعناعة : الله حيو ابو سليمان

- فارس : هلا بام فارس شلونج تقدم وباس راسها

- نعناعة : الله يرضى عليك

- اسيل : طلعت من غرفتها وهي لابسه فستان فيزون، يضهر بشاعة جسمها وتكدس الشحوم ، وخاطه الكحل واصل لاذنها ، وكالت بدلع شلونك

- وسن : حطت راسها على صدره وايدها على خصره

- فارس : كتم ضحكته وكال هاي شمسويه بنفسج ، عندج حفلة تنكريه

- اسيل : اي كالت وهي تعوج حلكها ، لعد بس زعطوطتك تكشخ وتتمكيج

- فارس : انتي كلتي سوالف صغار ، هسه صرتي جدة شلج بهالسوالف ، وين الغدا جوعان