البارت 6 ومثل كل يوم خميس تشوفون احلى بارت واليوم اكو مفاجأة بالبارت 🎁 صور للابطال
عراقي يابه
سليمان 👇🏻👇🏻👇🏻
- رقية : لا يا ثريا ، هاي وضيفتج وشخصيتج الي وافق عليها من البداية ، لتعوفين نفسج وشغلج وصديقاتج علمود تمهدين تقابليه ويضل هو شغلك الشاغل وين رايح ومنين اجيت ، و تكتمين على نفسج ورنفسه بهاي السوالف و.... الى مالى نهاية ، احسلج ان تكون عندج حياتج وهوايتج وشغلج ، مو تربطين كل امورك بيه ، هاي نصيحتي يا بنيتي ... - - ثريا : كلامج ذهب يا امي وترجيه احطها باذني واحتي وباين راس امها وايدها ، ربي يحفظج يا امي .. ثريا 👇🏻👇🏻👇🏻
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
- - رقية : الله ان يرضيج ويرضى عنج ، ويفتح عليج ابوابه رزقه يسخر لج الناس ... - - - - كعدت قبل صلاة الفجر ، وفد اشعر براحة نفسية ب هذا المكان ، اخذ هواء عميق شلون ريحه الهوا هنا النقي ، وريحة المال الحلال وعيشة الحلال ، صحي اني اهنا اتعب حيل بالشغل بس مالكيت غير هاي الشغلة الي تخليني انام واني مرتاح ، ما اتذكر صار شكلٍ ما نايم هيج ، جانت حياتي سهر ب سهر وكن يصير وقت الفجر ارجع للبيت ، هدومي الي جنت البسها اشمئز من نفسي من اتذكرها حقها من جانت تكول اشمئز من اشوفك ، شلون جنت البسها ، شلون ابوي وامي ما نصحوني من الاساس على هاي التصرفات ، ليش ما منعوني ؟؟ ابوي مسافر 🧳 دائما لو اشوفه مرة بالشهر لو لا ، وامي اغلق وقتها اما ب التجمعات النسائية الخيرية لو بصالونها ارجع بتوالي الليل للبيت هي نائمة ، و الصراحة جنت اتجنب اشوفها لانها متطيني اي اهتمام او ترحيب وجودي مثل عدمه ابعد وقت الظهر 🕛 اشوف اختي بالمطبخ ، تسويلي اكل لو اقول للخدامة ، و اخوي علي يكعد من الصبح يروح لمحل الذهب ، عاد من اخلص اكل ابدا واطلع وراه ، يحبني ويحترمني هو الوحيد الي ينصحني دائما ، اما خالتي رقية اروحلها يوميا اسال عنها واشوفها وهي تسال عني واذا ما رحت شفتها بيوم تجيني ثاني يوم ع المحل والله اشتاقيتلها اذكرها تدعيلي دائما واسمع صوت دعائها جانت تنصحني بس بطريقة راقية كثير جانت تغلف النصيحة بحب وعطف ومع هذا ما جانت تشمئز مني لو تحسسني اني نكرة او مو كد المسوليه مثلما سوت بنتها ، جانت تعوفلي حرية الاختيار ، ومع الاسف جان سوء اختيار وسوء صحبة ، ذبني عليهم هذا الزمن ، ما اريد هسه ارجع هناك خاف ياخذني الحنين لذيج الليالي وارجع سراج القديم، اريد اخذ استراحة هنا ب مزرعة يحيى ، هو رجل ملتزم وخلوق ومحترم ، يتصرف وياي بطريقة محترمة ، اعمل وياه م الفجر الى الظهيرة 🕛 نخلص شغل الحراثة والزراعة ورا العصر نعتني بالحيوانات البقر و المعز ، حبيت هذا المكان ، لانه يشبهها بطبيعته وهدوءه وغموضها هي ، ولك سراج لاتفكر بيها مرة ثانية ، انت اذكى من ان ترجع تفكر بوحدة انت اخر اهتمامها ، بس هي كان عدها حق بكلامها ... انساها وفكر ب حياتك الجديدة ، انت هسه صرت شخص جديد شخص غير عن الماضي ، باوعت على للساعة قرب اذان الفجر ، كمت على الحمام توضيت ورحنا اني و يحيى ع المسجد ...انام في غرفة بصف بيت يحي الصغير يعني الحديقة مشتركة والحمام بالحديقة قريب على غرفتي بس ما ادري احس اكو شي غريب هالايام ... - - - ليله العرس - - واقف قبال المراية و يعدل رباطة الاسود ، مشط شعره بطريقة جذابه حط عطر فخم على ركبته وعلى ملابسه وعلى معصم ايده و ورا اذنه غرق بيه 😂 عريس بعد ، لبس الساعة الكشخة، وطلع من الغرفة ، دك الباب مال الغرفة زيد ، فتحه من سمع تفضل منور عريس - - زيد : واخيرا شفتك تعال انقذني ياعريس وغمز بعينيه .. - - سليمان : بشنو؟؟ - - زيد ، ساعدني بهالبلوة الرباط صارلي ساعة ماعرفت شلون اضبطه بلكت تساعدني !! - - سليمان : طبعا لزم الرباط وكال تلفه هيج وتسوي هيج منا و تسحبه بهاي الطريقة و يكون مرتب خلصنا . واشر باتجاه المراه شوفها . - - زيد : شكرا سويته مثلما علمتني بس ماطلع بهالطريقة الحلوة .. - - حسام : دك الباب و دخل ، ماشاء الله عليكم ، يله بابا يقول الضيوف كامو يجون ، ولكم اني مو اخوكم اعدموني وياكم اتزوج .. - - سليمان : مشى وصل يم حسام ولزمه من اذنه خلص دراسة 📚 السادس ، وبلش دوام الجامعة و احنا نزوجك، متكلي شعندك مستعجل هيج .. - - حسام : عوف اذني ترا اكول لمرتك بمشاكلك وعصبيتك كلها ، وابتسم بخبث .. - - سليمان : راح اعوفك لاني هذا اليوم بمزاج عالي ، واريد اخوي الصغير يطلع يتونس وياي وهو صاحي ماعنده ضلع مكسور ... - - ضحك الجميع - - - ركزي وياي ثريا شبيج جاي احجي وياج حركت يدها كدام وجهها ... - - ثريا : رمشت بعينيها عدة مرات وقالت شنو رندا ؟؟ - - رندا : صارلي ساعة اسولف وياج وانت صافنه 👈 الشاغل بالج راح تكونين وياه بعد شوي ... - - ثريا : رندا الموضوع غريب - - رندا : شنو الغريب ؟؟ - - ثريا : هاي اسيل ام سليمان خابرتني .. - - رندا : شتريد بلكت متريد تحضر العرس وضحكت بشقاوة .. - - ثريا : حجت بكل استغراب تقول اذا ازوجت سليمان راح اخسر حريتي واني ما اعرفه زين و... حجت هوايا كلام متناقض .. - - رندا : وتشريد هسه جاي تسولف بيه وبهذا اليوم بالتحديد راداتها ريده و... لاتصدقيها تريد تخرب عليج عرسج ، لتنطيها مجال خليها تلغي ويا نفسها ، شرديتي عليها ؟؟ - - ثريا : شكرتها على نصيحتها ، وقلتلها اني اختاريت وانا الي راح اكمل حياتي وياه .. - - رندا : قالت متعجبه صدق هيج حجيتي وياها... وشردت عليج ؟؟ - - ثريا : سدت التلفون ورفعت ايدها بان لاحول لها .. - - رندا : اكلج حطي برنامج تسجيل المكالمات لان هاي مرية مو طبيعيه وراح تسويلج مشاكل ، وهذا الواضح ، تجنبيها قدر الاماكان ... - - ثريا : اخذت شهيق عميق واخرجت الزفير من فمها ... - - رندا : ماشاء الله شطالعة اميرة من اميرات دزني ... - - الفستان ابيض منفوش الردن تول ناعم وبطانته بيضه والقماش عليه نقشات كلها لمع خفيف والحجاب الابيض الخاص بالعروسة ، لابسه حلقة الماس الي جابلهيا سليمان قبل يومين .... - - - - ثاني يوم الصباح - - اسيل : الساعة 7 صباحا ، اكعد يافارس اكعد الباب جاي يندق .. - - فارس : اممم قال وهو يتمتم ، زين زين، كام من السرير و دخل الحمام غسل وجهه وطلع يشوف منو على الباب وطلعت ورا اسيل ، يا مية هلا من شاف ام حور ( ام حور اخت اسيل ) وياها ابنها الجبير اشر بيده حتى يفوتون البيت تفضلوا تفضلوا ... - - ام حور : قالت بابتسامة هلا خوي ومبرووك للعرسان دخلت البيت وهي شايله بيدها صينية بيها قيمر وابنها شايل بيده طبقتين بيض وكيس بي عسل 🍯 طبيعي ودبس وخبز حار وبعض علب الاجبان المشكلة وقالت هذا ريوك العروس ، بعدهم نايمين ؟؟ - - اسيل : اي بعدهم عرسان بعد ادخلي وهسه اكعدهم.. - - ام حور : ماكو داعي جينا نسلم وعود نجي بالليل، نزوركم .. - - اسيل : ماشي الله وياكم وطلعوا ، التفت لفارس ورا ما طلعوا وكالت، وين مرة اخوك شنو متجيب ريوك لبنتها ؟؟ - - فارس : منو يجيبها وهي ما عدها ؟؟ سمعوا الباب يندق قال روحي جوا واني اشوف منو... فتح الباب وقال من شافهم يا مرحبا هلا بام ثريا ، تفضلي تفضلي يا اختي ... - - رقية : شكرا يابو سليمان ، جبتلكم ريوك العروس ، والله لو مو هال سراج واندارتله يقف خلفها جان جيت بتكسي ، ربي يرضى عليه ويرزقه ... - - فارس : مد يده وقال شلونك بوجه جامد ، الصراحة اخر شخص اتوقعه يجي هنا هو شكله متغيرا ، تفضلوا ادخلوا ... - - رقية : انطيني اشيل الصينية وياك يا سراج .. - - سراج : والله متشيلين شي ادخلي شوفي ثريا واني ادخل كل الغراض شايل بيديه كيسان كبيران بيها علب من الاجبان والعسل والمربى و معجنات وحلويات وصينية كبيرة بيها قيمر ومرشوش عليه لب جوز وفستق حلبي شكلها مرتب كثير ، وقال موجها كلامه لفارس وين احطها عمي .. سراج 👇🏻👇🏻👇🏻
- - فارس : تفضل واشر بيده على باب الصالة ... - - رقية : ثريا موجودة هي وسلمان ؟؟؟ - - فارس : اي بس بعدهم نايمين هسه اكعدهم .. - - ثريا : لا ميحتاج احنا نروح لان رندا وحدها بالبيت ونجيكم ورا صلاة المغرب ان شاء الله .. - - فارس : دفوني كعدي شوي .. - - رقية : مرة ثانية وسلملي على ثريا و على اسيل .. - - فارس : يوصل ... - - كاعده بصفه بالسيارة ، والله اشتاقيتلج يا وليدي كثيرا ، والله جنت ناويه اخذ سيارة تكسي واروح مدري شجابك.. - - سراج : وشلون تضنين راح انساج يا أمي ، قالها بكل صدق ومن قلبه - - رقية : وانت ولدي الي ماجبته، شبونك تدري شكلك متغير كثير ، سولفلي شخبارك وين عايش هسه وشتشغل كل شي سولفلي .. - - سراج : ابتسم بحب مرة يباوع عليها ومرة ع الشارع ، راح اسولفلج كلشي بس الموضوع خليه بينا.. - - رقية : تدري بيه كاتمة اسرارك .. - - سراج : شنو رايج ندخل مطعم نتريق بيه ، لاني ميت من الجوع .... - - - كادوا على ميد الطعام فارس كاعد على راس الميز يمينه اسيل وبصفها حسام ويمه زيد ومرته حور بصفه وعلى يسار فارس كاعد سليمان وبصفه ثريا ، بسم الله كادوا ياكلون سوا ، كطع قطعة خبز وحط بيها قيمر و ورش عليها عسل وحطها يم حلكها ، ابتسمت ثريا بخجل وفتحت حلكها حط اللقمه بيها ، قالت وهي تضع يدها على فمها سليمان كبيره حيل .... - - سليمان : قال بصوت هامس اكلي اكلي جنج عصفور ... - - اسيل : بلشت الغيرة تفور دمها ، باوعت على فارس ، جاي ياكل وهو فرحان يشوف اولاده ، ويبتسم لكناري الحب ... زادت غيرتها اكثر كالت بصوت متكبر ، تدري يا زيد من جاب ريوكم اليوم ، ام حور جابت كل شي يخطر على بالك هذا ال.... وبدات تؤشر بايدها على انواع الاكل الي على الميز... . وثريا انتبهت عليها بس ضلت ساكته ، ( يمكن ماما ما اجتي ومنى يجيبها خطية .... جانت تحجي ويا نفسها ) تدرين ثريا منو جاب امج الصبح ؟؟؟ - -
- عجبكم البارت تعليقكم الجميل اريد اشوفه يزين الرواية 🌸🌸🌸🌸-
