- ثريا : حسيت لازم اسوي هيج ، تقدير لانه وفى بوعده الي ، سيف بايدي اليسار ، وايدي اليمين جنت العب بشعر سليمان الي ثواني وغفى ، وسيوفي همين بدا يغفي حبيبي ، من نام سليمان ، نام ورا سيف ، نزعت شالي وفرشته يمي بالكاع وحطيت سيف عليه ، بس ضليت لازمه ايده ، خاف يطلع حلم مو حقيقة ...
- سراج : بديت اخفف سرعتي لان رنده تخبلت كامت تسوق بسرعة من شافتني وراها ، شوي الا وسيارتها فايته ببنايه ، وكفت سيارتي بنص الشارع ونزلت اركض عليها ، افتح الباب مينفتح ، ضربت برجلي فك ، فتحت الباب وجها مدمى وايدها ، شلتها على كيفي وحطيتها بسيارتي ، واخذتها للمستشفى وهي فاقده الوعي ، دخلتها قسم الطوارئ واني اصيح وين الدكاتره ، يله وينكم ساعدوني ، اجو يركضون واخذوها لغرفة العمليات ....
- ثريا : حسيت بامان و كمت اغفي واني كاعده وغفيت مدري شكد ، سمعت تلفوني يدك ، شفت الساعة صارلنا يجي 5 ساعات نايمين ، شنو ضحكت بخفيف عوز نوم ، حطيت راس سليمان على كيفي على مخده ، وكمت امشي شوي شوي ، وصلت المطبخ شفت اسم سراج ، رديت بصوت ناصي الو .... شنو لا شلون وشوكت .... يله هسه نجي ... ماشي ماشي مع السلامة ، صعدت فوق لغرفتي بدلت ملابس طلعه وشال لفيته وجنطتي بايدي ونزلت ، اقتربت من سليمان وكعدته على كيفي
- سليمان : مممم خير مزاجي
- ثريا : كوم سليمان رندا مسويه حادث كوم وديني عليها
- سليمان : كعد بخوف وكال وين وشلون
- ثريا : ما اعرف هسه بلغني سراج
- سليمان : امشي يله ، تاخذين سيف وياج
- ثريا : اي بعد شتسوي ، وصعدوا السيارة ومشوا للمستشفى ، لكت امها هناك و وياها فطومه
- رقية : تبجي وتدعي ، حضنت ثريا من شافتها وزاد بجيها
- ثريا : ماما اذكري الله ، هو وحده الي يكدر ينجيها ، وبدوا يدعون ويستغفرون الله ، سليمان كعد على جهه ، وسراج حالته حاله يحرك رجله من التوتر وحاط ايده على راسه ومدنك راسه على الكاع.... طلع الدكتور ، وركضنا عليه ، خير دكتور
- الدكتور : حالتها عبرة الخطر ، سوينا العلينا والباقي على رب العالمين
- سراج : لزمه من ياخته بعصبيه ، شنو متعرف لعد عليش اسمك دكتور ، اكتبلها خروج اخذها لدولة ... تعالجها
- الدكتور : وخر ايده باحترام وكال ، اني مقدر ضروفك وخوفك على زوجتك ، واذا تريد سوي الي يعجبك ، بس علاج برا نفس علاجنا هنا ، ثاني شي جان بعض شضايا الجام بكتفها وشلناها ، بقى علاج فيزيائي هذا الامر يساعد بشفاء حركة كتفها اكثر ، بس هسه لازم ترتاح كم يوم ...
- سراج : اكدر ادخل اشوفها
- الدكتور : لا موهسه بس ننقلها من غرفه العنايه ، تكدرون تشوفوها
DU LIEST GERADE
وَ نسيتُ أَنني حُرَّةَ ♨️🔞♥️
Mystery / Thrillerالرواية بالنكهة العراقية اللذيذة الرواية🔞 سراج : شفتها واكفه يم السنك مدري شتسوي لابسه ثوب نوم لون ازرك فاتح وشعرها نازل على ضهرها ، اقتربت وهمست باذنها شعدها حبيبتي كاعده - رندا : اندارت عليه وحطت ايدها على ركبته وكالت حبيبي اسفه مجاي اجهزلك الفط...
بارت 46
Beginne am Anfang