البارت 16
نور الصعيد
إذا تتوقف الموسيقي ويتوقف الغناء ويعم الصمت في المكان بسبب الظهور المفاجئ للدهشوري وكريم أبنه ، نظرت فريده بأندهاش للدهشوري فهو لم يخبرها أنه سيأتي الفرح ليقف أمامه والد أسد
- انت اي اللي جابك هنا ...
= اي يا زايد باشا ، مش الأصول كنت تدعيني علي الفرح ولا ايه ، هو مش انا بردو أبقي خال العروسه ...
- خالي !!!
رأت كريم وتذكرت ليلة الهروب عندما قابلت كريم وقال لها أن فريده تكون عمته وأبوه هو الدهشوري...
- أتكلم عدل مع الكبير يا دهشوري...
= أنا عارف بتكلم ازاي ، مش دي الأصول بردو ولا ايه يا كبير ..
- لو كنت عايزك تحضر فرح أحفادي كنت بعتلك دعوه ، انت غير مرغوب فيك هنا دا مش مكانك ....
= حرمتني من أختي وبنتها كل السنين اللي فاتت دي ، مستخسر فيا أحضر فرح بنت أختي وتعرف اني خالها ....
- تمام حضرت وهي عرفت انك خالها تقدر تتفضل ...
= انت بتطردنا قدام أهل البلد
تحدث أسد
- جدي قالها انتو مش مرغوب في حضوركم هنا ....
أقترب كريم من أسد بغضب
- حظكم انكم عرفتوا بوجود نور قبلينا وإلا كان الوضع أختلف ...
= كنتوا عملتوا زمان .....
- زمان حاجه ودلوقتي حاجه تانيه خالص ...
أمسكت نور يد والدتها بخوف لاحظ والدها ذلك فرفع صوته قائلا
- الوقت مش مناسب لكلام زي دا لو عايزين تحضروا الفرح أهلاً وسهلاً زيكم زي كل الحضور ولكن غير كدا لا..
تحدث الدهشوري
- أحنا جينا وعملنا الواجب وحلو عليكم كدا ....
وقبل مغادرتهم أوقف كريم والده
- لسه معملناش الواجب ، انت ناسي ياحج أن أسد زميل الدراسه وصاحب العمر ...
ثم ضحك بسخريه وهو يمسك أحد العصيان من أحد الرجال ليرقص بها ثم أشار بالعصي لأسد يطلبه ليرقص أمامه بالعصي وينظر له نظرة تحدي
- مش عايز ترقص يا عريس ولا ايه .....
أخذ أسد أحدي العصيان أيضاً وأفسح الجميع المجال لأسد و كريم ، قال كريم بسخريه
- سمعونا أحلي مزمار الليله ، عايزين نرقص العريس ....
لتدق الموسيقي الصعيدي ، خلع أسد الجاكت ليكون بحريه أكبر ثم التفت وأعطاه لـ نور لأنها كانت الأقرب منه وبدأ التحدي مع كريم ، الزايد والدهشوري يتبادلون النظراات المليئه بالكره والزايد يكتم غضبه علي هذا التحدي الجرئ من دهشوري وأبنه ، بينما أسد يرقص بترقب وتركيز شديد مع كريم بالعصا ، وكريم يذاوله ببعض الحركات الجريئه ولكن أسد يتفداها بكل قوه وأحكام ، حتي وقف الزايد من مكانه ودق بعصاه علي الارض بقوه
- كفايه ، أظن كفايه لحد كدا ، متشكرين يا دهشوري ، عملتم الواجب وزياده ، مردودالك قريب .....
= وانا في الأنتظار .....
غادورا الدهشوري وكريم ورجالهم ، وبعد قليل من الوقت ذهب العرسان للجد ليأخذوا المباركه منه قبل الذهاب ، ثم ودع الجميع ، ذهب أسد ونور في سيارته المزينه بالورود كما ذهب معه أيضاً جاسر ويارا في سيارة مزينة أيضاً ، يقود أسد السياره بغضب مكتوم تلاحظه نور أما جاسر ف عالم أخري مليئ بالسعادة ، بدء جاسر في مذاولة أسد بالسياره كانوع من المشاغبه المضحكه ، ولكن أسرع أسد بسيارته ليسبق جاسر بمسافه ....
- شكل أسد لسه مضايق من اللي حصل في الفرح النهارده ....
= لا بقولك ايه انتِ تنسيلي أسد واللي حصل خااالص ، عايزك بس متفكريش غير فيا انا ، انا وبس ....
- امممم وبعدين
= لا بعدين دي هقولهالك لما نوصل
في سيارة أسد
- أول مره أعرف ان دهشوري دا يكون خالي ، ياتري فيه ايه تاني لسه المفروض أعرفه..
= أديكِ عرفتيهم وشوفتي تصرفاتهم عامله ازاي ، نا أصلاً معرفش ازاي عمي عزام يحب ويتجوز منهم
- أحترم نفسك انت بتغلط في أمي ، وبعدين انتو مش ملايكه ...
= متعليش صوتك عليا ، انتِ فاهمه ....
- لا مش فاهمه ، يعني حضرتك عايز تغلط في أمي وأسكتلك لا طبعاً ، وبعدين خليك في أبوك وعمك مش هما اللي طردوا بابا زمان واتبروا منه وكمان قالوا عليه ميت ، يعني أنا أصلاً معرفش بابا وافق يرجع تاني ازاي لناس عملوا غيه كدة
= أحترمي نفسك ولما تتكلمي عن أعمامك تتكلمي بأدب ولا شكلك متعرفهوش مانتِ متربيه بعيد عن الصعيد طول عمرك ، طبيعي تكوني كدا ، أنا مستغرب ليه أصلاً ...
- أنا متربيه كويس وأحسن منك كمان ، انت اللي متعرفش انه من قلة الأدب تغلط في الأكبر منك ...
أوقف أسد السياره فجأة ورفع يده وكان سيضرب نور ولكنه فاق لنفسه و علم أنه لا يصح ذالك ويجب أن يتحكم في نفسه أكثر من ذالك ......
- ياريت متتكلميش معايا انتِ كلامك مستفز جداً ....
وبعد قليل وصل أسد ونور وكانت الزفه في
انتظارهم أيضاً أستقبال من ذلك الفندق
حتي صعدوا الغرفتهم أيضا ...
- انتِ هتنامي هنا في الأوضه وانا هنام بره في الصاله ، وياريت تكوني جهزه الصبح عشان الطياره ...
= تمام في حاجه تاني ...
- انتِ بتكلميني كدا ليه ...
= بتكلم ازاي يعني شايفني بتكلم من وداني مثلا ...
-علي فكره دا مش أسلوب بنت مؤدبه وكمان جامعيه للأسف
= تاني ، تاني هتغلط فيا وفي تربيتي ، متشكره ، سبتلك انت الادب والذوق ، ممكن تخرج بقا وتسبني لوحدي ...
- الله يعينك علي نفسك .....
YOU ARE READING
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
